Alikanteko taldeak garaipena lortu zuen 60 minutuetan markagailuak berdinketa ugari izan zituen partidu batean. Atsedenean markagailuak Ferrobusen alde 10-8 adierazten zuen. Bigarren zatian 55 minutu arte Elda taldea ez zen markagailuan aurreratu, bainan nahikoa izan zen partidua irabazteko. Partidu interesgarria benetan, eta bi taldeek goi mailako talde onenen artean egotearen zergatia erakutsi zuten. Golegileak Sorina Teodorovic (Ferrobus) eta Lidia Sánchez (Elda) izan ziren, biak bost golekin.
Txapelketa honen lehen egunean Donostiako taldeak aparteko eta garaile den talde bateri aurre egin behar zion. Akaba taldearen aukerak hasiera batean, antolatutako txapelketa honetan, ez ziren gehiegi, bainan ahalegin guztiak egingo zituztela argi zegoen .Taldeak txapelketa hau prestatzeko lan asko egin zuen eta lehenengo partiduan ondo erakutsi zuen, Osito L´Eliana bezalako talde haundi bateri aurre eginaz. Ilusio eta motibazio haundiakin Donostiakoak goi mailako taldeen artean postu bat merezi dutela erakutsi zuten. Izugarrizko defentsa lan batekin eta eraso azkar eta eraginkor baten bidez, balentziakoekin norgehiagoka apartekoa izan zuten, Osito taldeak garaipena lortzeko jokalari guztiekin, hortzak estutu eta bere esperientzi guztia azaldu behar izan zuen Akaba talde gainditzeko. Atsedenean aldea 11-10 Ositoren alde, partiduak nola jarraituko zuen adierazten zuen. Talde lana funtsezkoa izan zen erritmoa mantentzeko eta Cruz Robles atezainaren laguntza ere bikaina izan zen, erasora atera eta gol bat sartzea lortu ere, ikusleak eserlekutik altxatuaz. Aipagarriak ere, Matxalen Ziarsolok bere gain hartutako erantzunbeharra Maite Morales min hartuta zegoen eta ordezko bezela atera ondoren eta Patrizia Pinedok erakutsitako indarra. Golegilea Patrizia izan zen 6 golekin. Partidua ETB´k zuzenean eman zuen, ikusle ugari urbildu zen eta giro aparta egon zen Bidebietan.
Bera Berak, A.B.F.´k eta Gipuzkoako Eskubaloi Federazioak emakumeak eskubaloian duen eginkizunari buruz hitzaldi bat antolatu dute, Larunbatean, 10:00 etan Donostiako Kiroletxean, Donostian ospatuko den kirol ekintza garrantzitsua dela eta. Hizlariak Cristina Fernández, ASOBAL´eko epaile internazionala eta Gregorio Garcia, entrenatzaile oia eta mementu honetan Ferrobus Mislata taldearen zuzendari teknikoa izango dira. Emakumeak kirol munduan duen duen egoera aztertu eta era berean eskubaloia bultzatzeko ekintza aproposa . Emakumeek aurrerapen nabaria izan dute profesionalizazio mundura, selekzio nazionaletan erakutsi duten bezala, lehen pentsa ezinak ziren selekzioen aurka lortutako emaitzak ikusita. Gipuzkoako federazioan informazioa guztia jaso daiteke.
Berriz ere Bera Berako zuzendariak Turkian jokatu behar zen partidua gure herrira ekartzea lortu dute, Urtarrilak 11 ean, 16:45 tan, Andoaingo Polikiroldegi Munizipalean Akaba taldeak E.H.F. Europako Txapelketaren itzuliko partidua jokatuko du, Turkiako Ankara taldearen aurka, eta E.T.B.N zuzenean ikusteko aukera izango dugu ere. Probintziako zenbait herriekin hitz egin ondoren ANDOAIN izan da txapelketa internazional hau antolatzeko kompromezua hartu duen herria.Bizkaiko Ermua herria ere antolatzeko prest azaldu zen. Bera Bera taldeak Leizaran etxeko taldearen laguntza osoa izango du ekintza guztiak ondo atera daitezen.
Partidua eskubaloia betidanik asko bizi duen herri batean jokatuko da eta Bera Berako pibotea, Nagore Zipitria, Andoaingoa dela ere aipatu nahi dugu. Joaneko partidua Bidebietan jokatuko da, ostirak 10 , 19:30 tan. Epaileak Holadarrak izango dira eta E.H.F. federazioko delegatua Greziarra.
2. Nazional taldea Muskizen (Bizkaia) Petronor taldearen aurka jokatu zuen, garaipen argi bat lortuaz, 15-29 (atsedenean 7-18). Bera Berak garaipena lehen zatian baieztatu zuen aurkari ahul baten aurrean, eta taldeko jokalari guztiak jokatzeko eta gola lortzeko aukera izan zuten. Itxaso Egaña izan zen golegile haundiena, 7 golekin. Talde jubenilak Zumaian Pulpo taldearen aurka jokatu zuen, berdinketa garrantzitsu bat lortuaz, 14-14 (atsedenean 5-4). Partidua oso parekatua izan zen eta garaipena bietako edonork lortu zezakeela erakutsi zuten. Naiara Elgarresta (5 gol) eta Roxana Citu (6 gol) taldeko golegile haundienak izan ziren. Talde kadeteak ere Zumaian jokatu zuen Pulpo taldearen aurka eta 19-15 galdu zuen (atsedenean 13-6).Tamalez partidua lehen zatian galdu zuten, nahiz eta bigarren zatian joku ona erakutsi, zazpi goleko abantaila gainditzea gehiegizkoa izan zen taldearentzat. Taldeko golegile haundiena Enara Martinez izan zen, 8 golekin.
