Espainiako selekzioak dauzkan konproimezuengatik liga geldirik dago donostiako taldearentzat. Entrenamentu gogorrekin eta Jose Luis Villanueva entrenatzaileak prestatutako lanarekin, erritmoa hartzen ari dira, Donostian Abenduak 21 eta 22 an ospatuko den III. A.B.F. Kopa txapelketara indar guztiekin iristeko helburuarekin. Lan honetarako lagunarteko partidu batzuk antolatzen ari dira egun hauen aurretik eta ondoren ere, urtarrilak 10 eta 11 ean jokatuko dituzten E.H.F. Europako txapelketako bi partiduak prestatzeko. Abenduak 29 an, 12:30 tan, Barakaldon, Gabon Kopa jokatuko dute, Bordeleko Merinac taldearen aurka. Urtarrilak 4 ean, Mendabian (Nafarroa), Errege Torneoa, Lizarrako FCC.Itxakoren aurka. Bi partiduak zailak eta maila haundikoak izango dira oso ezagunak diren bi talde hauen aurka. Akabaren konpromezu internazionak eta ligako ondorengo partiduen prestakuntza maila ikusteko aukera egokia izango da. Hurrengo 15 egunetan ligako hiru partidu garrantzitsu jokatu beharko dituzte (Mar Osito- Vicar Goya- Elche).
Berriz ere lortu dugu eta aurten ere kirol honetako zaletuek kanpoan jokatu behar zen partidu internazional honetaz gozatzeko aukera izango dute. Donostiako talde honen zuzendaritzak, zeregin hauetan trebea, zozketa egin zen mementu beretik lanean jarri ziren eta bere lanaren saria jaso du, Turkiako taldearen erantzun baiezkoa jaso ondoren. Orain partidu hau eskubaloia bultzatu eta sustatu nahi duen probintziako herri batera eramateko lanean daude,azken urteetan arrakasta haudia izan duen kirol hau bultzatzeko nahiean. Turkiako taldea Urtarrilak 8 , asteazkenean iritsiko da Donostira. Lehenengo partidua Bidebietan jokatuko da, ostiralak 10, arratsaldeko 20:00 tan eta bigarrena non jokatuko den oraindik erabaki gabe dago, baina eguna eta ordua baieztatua dago; larunbatak 11, arratsaldeko 16:45 tan, eta ETB´k zuzenean telebistaz emango du.
Tenporada honetan Bera Berara iritsitako etorkizuneko jokalaria da,Gasteizeko Erihaldea taldetik, eta Espainiako Selekzio juniorrak Pinton (Madril) Abenduak 1 etik 8 ra egingo duen konzentraziora joateko deitua izan da berriz ere. Bertan Selekzio absolutoarekin batera egongo dira egun batzuk. Entrenamendu saioak goiz eta arratsaldez izango dira, itzulia berriz igandeak 8 goizeko entrenamedu saioaren ondoren. Zorte on
Akaba Bera Berako jokalari internazionala azaroak 28 an Pintoruntz (Madril) irten zen Danimarkan abeduak 7 tik aurreara ospatuko den Europako txapelketa prestatzeko. Entrenamendu saioak abenduak 5 arte izango dira, goiz eta arrtatsaldez. Zorte ona eta txapelketa on bat opa diogu.
Denek genekien Ferrobus Mislata taldea gainditzea oso zaila zela, sailkapen buruan dagoen eta ligako titulua lortzeko gai den taldearen aurrean. Baina inork espero ez zuena Akabak jokatutako lehen zatia izan zen. Lehen 15 minutuetan partidu parekatu bat izan behar zuela zirudien markagailu estu batekin, baina une batean dena aldatu zen, donostiakoak erasoan trabatu egin ziren eta balentziako talde indartsuari markagailuan nahiko abantaila hartzeko aukera eskeini zioten, atsedenera 5-15 emaitzarekin iritsiaz. Bigarren zatia oso desberdina izan zen, Akabak egiten dakiena erakustera irten zen, Ferrobus taldeari zailtasunak jartzen eta 10-7 aldeko partzial bat lortzen, ez partidua gainditzeko nahikoa baina bai bukaeraino borrokatzen dutela frogatzeko. Defentsa lanetan oi bezela ibili ziren, Ferrobus bezalako talde batek 22 gol besterik ez zizkion sartu (7 bigarren zatian) beste partidu guztitan 30 baino gehiago sartu izan dituanean. Donostiako golegilea Eli Pinedo izan zen 5 golekin. Ligako hurrengo partidua Urtarrilan bigarren astean izango da, Europako txapelketaren ondoren. Ligako geldiketa hau Espainiako selekzioa Europako txapelketaren prestakuntza eta lehiaketan dabilelako da.Donostiakoak, abenduak 21 eta 22 , Donostian ospatuko den ABF kopa eta urtarrilak lehen egunetan Europako EHF partiduak prestatzen jardungo dira egun hauetan.
