Espainiako Eskubaloi Federazioak, emakumeen arloko adituen batzordeak erabakita, Elke Karsten eta Lyndie Tchaptchet izendatu ditu Guerreras Iberdrola Ligako 12. eta 13. jardunaldietako jokalari onenak, hau da, MVP bikoitza eskuratu du super amara Bera Berak, 2025 historikoa ixteko.
Larunbatean Bidebietan, Lacturale Bera Bera kadete nahiz jubenilek ezin izan zuten Orioko taldeak menperatu. Hiru talde jaitsiko direnez, datorren denboraldiari begira maila galdu du klubak baina lanean ondo diardu. Urtarrilaren 18an, azken jardunaldian, Euskal Ligari eusteko azken aukera izango dute bi taldeek Elgoibarren.
Emaitzak:
Jubenilak:
LACTURALE BERA BERA 18-25 DHEMEN ZIPRI ORIO ERAGIN
Kadete:
LACTURALE BERA BERA 24-29 ATXEGA SUKIA ORIO ERAGIN
Norvegiako Moldetik Sora Ishikawa internazional japoniarra iritsiko da super amara Bera Berara urtarrileko lehen egunetan. 2027ko maiatzera arte lotuta egon den jokalaria neguan ekartzeko aukera aprobetxatu du klubak.
super amara Bera Berak urtea eta Guerreras Iberdrola Ligako lehen itzulia itxi ditu, Huerta del Reyn Caja Rural Aula Valladolid aise gaindituz (19-28, 13-21, atsedenaldian), jokoaren alderdi guztietan, eta Gabonetako atsedenaldira lidergoan bakarrik iritsi da.
Euskal Ligari eutsi nahian, Lacturale Bera Berako kadete nahiz jubenilek garaipenak behar dituzte Orioko taldeen aurka Bidebietan. Jubenil taldeak 16,15etan jokatu du eta kadete taldeak, 18etan, alegia. Aurten hiru talde jaisten direnez, kluba bezala maila galdu dugu baina oraindik aukerak daude Euskal Ligan jarraitzeko promozioaren bidez.
