Bera Bera - Berriak

01 Abendua 2011

Tunisiaren aurkako lagunartekoan bete zituen 100. partida Espainiako selekzioarekin, orain arte 184 gol sartu dituen taldearekin, hain zuzen. Eli Pinedok jakin badaki taldeko betebeharrak bihar gauean hasiko den Brasilgo Mundialean “preolinpikoa jokatu ahal izateko, gutxienez, final-laurdenetara iritsi eta, hortik aurrera, lasaitu ostean gauza handiak egin ditzakegu” adierazi du Bera Bera Eskubaloi taldeko jokalariak. Espainia B multzoan kokaturik dago Holanda, Errusia, Kazajistan, Australia eta Korearekin batera. “Garaipenak behar ditugu final-zortzirenetan Alemania, Montengro edo Noruega bezalako selekzio indartsuak ekiditeko” azaldu du arabarrak. Eli Pinedo 2011 Mundialean abenduak 3, larunbatean, egingo du debuta, 23,15etan (Euskadin) Holandaren aurka. Igandean Errusia izango da arerio latza (21etan Euskadin).Sao Paolon jokatutako lagunartekoetan, Espainiak Brasilen aurka galdu zuen eta Tunisiari 29-25 irabazi dio. “Lastima liga orain gelditu izana” Brasilen egon arren, Eli Pinedok Mar Saguntoren aurkako garaipena gogoan du. “Partida bukatu bezain pronto lankideei komentatu nien lastima zela liga orduan gelditzea”. Bere ustez, Sagunton “irabazi genuen partida osoan adi-adi egon ginelako” eta taldea “partidak jokatu ahala hobeto ikusten dut” azpimarratu du. Eli Pinedo disfrutatzen ari da. Egun Bera Bera taldeko golegile nagusiena da, asko jokatzen du eta adierazten duen kemena besteengan eragin positiboa du. “Oso pozik nago, jokuarekin gustora, taldearekin gustora eta jokalari eta lankideekin gustora”. Hori dela eta “sailkapeneko goiko postuak izan behar ditugu helburu”.

01 Abendua 2011

Bidebietan antzematen erraza da oso. Adinaz gain eta baloia dominatzeko gabeziak aparte, naranjaz dute kamiseta eta kiroldegitik astelehenero gerturatzen dira ilusioz beteta, 60 minutu eskas egiteko, arratsaldeko 6,30etatik 7,30etara, alegia. Halere, oso ondo aprobetxatzen dute denbora, asko gozatzen dute eta ederki pasatu, azken finean, helburua hori baino ez da. (eskolari buruzko bideoa)

Guztira 8 eta 12 urte bitarteko hogei gazte dira. Adina ez da oztopo neskak eta mutilak osatzen duten taldean. “Datorren urten mutilez osaturiko taldea ateratzea da gure erronka” dio Veronica Valverde, jokalari ohiak eta Bera Bera Eskubaloi taldeko harrobiko koordinatzaileak.

“Kirolara gerturatzea da helburua, psikomotrizitatea landu, eskubaloiaren ezagutzan hasi, arauak azaldu eta gozatu, baloiarekin jolastea gustukoena izan arren” azaldu du Veronicak. Bera Berako harrobiko koordinatzaileak azpimarratu du “ezaugarri hauekin eskola bakarra da gurea Donostian”. Bera Bera taldearen “tradizioa dela eta errazago da neskak erakartzea baina oso gustora gaude mutilekin”.

Oraindik gogoan dute Ohorezko mailako taldea sorpresaz gerturatu zenean erabiltzen duten pistako erdira. Bera Berako jokalari ezagunenak eta talde osoa argazkia atera baizuten eskolako gaztekin.

28 Azaroa 2011

Pasa den asteburua mamitsua izan da Bera Bera Eskubaloi taldeko harrobiarentzat, jokatutako partida guztiak irabazi baitituzte. Senior preferente mailako Egia Bera Berak 28-20 irabazi zion Ereintzari eta sailkapenean líder sendoa dirudi.

Bestetik, Bera Bera Egia jubenil taldea tinko darrai. Kasu honetan, Zumarragan Urola-Aiker 21-27 menperatu zuen eta sailkapenean bost puntuko aldera ateratzen dizkie Winbel eta Aloña Mendiri.

Bera Bera Egia Kadete 1 taldeak Urnietako B 15-17 gaindutu zuen. Atsedena izan arren Kadete 2 taldeak sailkapenean aurrena da Bartolo Jatetxea ZKE taldearekiko puntu bakar baten aldea duelarik.

Bestalde, Bidebietan, Bera Bera Egia Infantil A taldeak 25-11 nagusitu zitzaion Aiala ZKE C taldeari eta Bera Bera Infantil B taldeak 11-8 menperatu zuen Egia Bera Bera.

Argazkia: Olatz Ramón jubenila gola sartzeko prest.

Emaitzak: Senior ; Jubenilak ; Kadete ; Infantilak

28 Azaroa 2011

Pasa den asteburuan Brasilek eta Espainiak lagunartekoa jokatu dute datorren ostiralean, abenduak 2an hasiko den Mundialari begira. Partidan, Bera Bera Eskubaloi taldeko bi jokalarik topo egin zuten, Dara Carvalhok –zigorra dela kausa Sagunton jokatu ez zuena- eta Eli Pinedok, hain zuzen. Kapitain brasildarrak golik sartu ez eta hegal euskaldunak bi aldiz asmatu arren Brasilek 28-24 (17-15) lortu zuen garaipena.

Hurrengo egunean Brasilek Holanda gainditu zuen 30-27 beste lagunartekoan eta ostiralean, Kubaren aurka debuta egin aurretik, Montenegro eta Norvegia izango ditu aurrean.

Bestetik, Espainiak asteazkenean jokatuko du Tunisiaren aurka beste lagunartekoa eta Mundialean larunbatean egingo du debuta Holandaren aurka (23,15tan Euskadin).

Bestalde, Antonella Menarentzat 2012ko Mundiala larunbatean hasiko da Suediaren aurkako partidan.

25 Azaroa 2011

Senior preferente mailako Egia Bera Bera liderrak sailkapenean bigarrena den Ereintzaren aurka jokatuko du bihar larunbata. Egian izango da, arratsaldeko 4,45etatik aurrera. Donostiarrek Errenteriako taldeekiko abantaila handitu nahi dute.

Bihar, Zumarragako Ispilla kiroldegian, 12,15etatik aurrera, Bera Bera Egia jubenil taldeak Urola Aiker izango du aurrez aurre.

Infantil taldeak, aldiz, Bidebietan jokatuko dute. Goizeko 10,30etan hasiko da Bera Bera Egia infantil B eta Egia taldeen arteko lehia, eta 12etan Bera Bera Egia Infantil A taldeak Aiala C ZKE izango du aurrean.

Azkenik, Bera Bera Egia Kadete 1 taldeak bihar Urnietan jokatuko du, Urnietako B taldearen aurka, arratsaldeko 4etan. Bera Bera Egia kadete 2 taldeak atsedena hartuko du.