Bera Bera - Berriak

17 Azaroa 2011

Ziur aski ligako pista zailenetan jokatu ostean, Bera Bera Eskubaloia oso bide ona darama sailkapenean lehiaketa, Brasilgo Mundiala dela eta, eten denean.

Donostiarrak Lizarreria, Gijón, Leon, Elx eta Saguntotik pasatu dira. Hirugarrenak dira sailkapenean, Championseko postuetan dagoen Mar Sagunto puntu bakar batera du, pasa den asteartean gainditu zuen taldea, aitzitik, Itxako urruti dute. Etxean, Bidebietan, orain arte sendo aritu da Bera Bera, esan beharra dago Mar Alicante taldeak bakarrik oztopoak jarri dituela. Bestetik, Reyes Carrerek prestatzen dituen jokalariak aise gainditu zituzten Kukullaga, Porriño eta Castro. Donostiako pista asmoak gauzatzeko giltzarri izango da datorren urtean.

Horrela, Bera Bera Eskubaloiak ligari berriro ekingo dio urtarrilaren 7an orain arte lehiaketan ustekabea eman duten taldeen aurka, hain zuzen. BM Alcobendas izango da lehenengo arerioa Bidebietan, laugarrena sailkapenean gipuzkoarrak adina puntu dituena eta pasa den asteartean Itxakoren aurka gehiago merezi zuena. Horren ostean, Bera Bera Kanarietarra egingo du bidaia, Ro’Casaren pista zailan jokatzeko, hurrengo asteazkenean Elda Prestigio iritsiko da Donostiara eta lehenengo itzulia Murtzian bukatuko du talde gipuzkoarrak.

Sailkapena argitzeko balio izan dituzte bederatzi jardunaldiak. Itxako atzemanezina da–dena irabazi du eta Bera Bera eta Alconbendasen aurka sufritu du bakarrik-. Horren ostean laukotea dago bi puntutan: Mar Sagunto, Bera Bera, BM Alcobendas eta Mar Alicante Europako postuak helburu dutelarik. Pixka bat urrutiago boskotea: Ro’Casa, Elda Prestigio, Ucam Murcia, Elche-Mustang eta Cleba Leon eta sailkapena ixten jaisteko postuak ekiditzeko asmoz Porriño –abantail txikia duelarik-, Castro –bere entrenatzaileak utzi egin du taldea-, Kukullaga eta Gijón.

Ondorioz, pasa den denboraldi bukaeran irudi txarra erabat baztertu du taldeak. Bera Bera Eskubaloiak salto bat eman zuen Sagunton, bere burua aldarrikatuz eta datorren urtean Champions jokatzeko txartelak aurkeztuz.

Era berean, Europako kanporaketa amen batean bideratu zuen eta otsailean, final zortzirenetan, EHF Cupeko iazko finalerdiak jokatu zuen Lada errusiar bortitza taldea izango du aurrez aurre. Erronka berria begi-bistan.

16 Azaroa 2011

Reyes Carrere entrenatzaileak aurreko astean esan zuen. Partida honek “gure ibilbidea ligan finkatuko du” eta hemendik aurrera, Bera Bera Eskubaloiak ligako fase honi amaiera jarri dio Champions jokatzeko aukera ematen duten postuei begira. Bera Bera horma handia izan da Mar Saguntorentzat. Carrerek bertko jokalarien sarrerak ekiditu nahian defentsa itxia prestatu du, Rubio eta Berta hegalean kokaturik, Pinedo, Bea Fernandez, Mena eta Cuña erdian zirelarik. Mar Saguntok kanpoko jartiketa gutxi egin ditu, bere eraso jokua zuzentzailea zuen, Patri Alonso, alegia. Sei golekin, gehienak penaltiz lortuak, eutsi dio taldeari lehenengo zatian. Bera Bera defentsan ondo aritu zen baina beste atean sei metrotan jaurtiketa ugari huts egin zituen, batez ere, eskuin aldetik. Halere, gaizki hasi arren Bea Fernandez ondo bukatu zuen lehenengo zatia, bederatzina iritsiz. Bigarren zati hasieran Bera Berak 0-4 partziala ezarri zion Saguntori Punko, Pinedo, Matxalen eta Cuñak asmatu zutelako eta donostiarrek Patri Alonso bi minutu kalean zegoela aprobetxatu zutelako. Bera Berak beti ere 6-0 defentsan lan ona egiten jarraitzen zuen eta orduan Darly Zoqbi agertu zen atepean, harrigarria brasildarrak egin duena, Patri Alonso bera ere desesperatu egin zuen. Sagunto 14-15 gerturatu zen baina donostiarrak segituan gauzatu zituzten hiru kontraeraso jarraian eta Bea Fernandezen sarrerei esker (15-21) 10 minutu falta zirela. Sagunto saiatu zen Cuñari banakoa eginez pero ezin izan zuen donostiarren horma gainditu. Mar Sagunto (9+12): 21 Álvarez, Rocío, Escribano (3), Patri Alonso (8), Asensi (4), Anabel (2) y Nerea Fernández (1) –talde titularra- Eli Chávez (1), Viviane (2) eta Alicia Fernández. Bera Bera (9+16): 25 Zoqbi, Berta (1), Cuña (4), Rubio (1), Mena, Bea Fernández (7), Eli Pinedo (5) –talde titularra- Altuna (1), Ziarsolo (2), Punko (4) eta Campa Epaileak: Ignacio García eta Andreu Marín (Cataluña) Kanporaketak: Sagunto, Viviane, Alicia Fernández y Anabel Mateo (2); Bera Bera, Pinedo (2) y Rubio (2). Partzialak: 1-1, 3-3, 5-3, 5-4, 7-7, 9-9 (atsedenaldian) 10-13, 12-14, 14-17, 15-21, 18-22, 21-25 (bukaera).

15 Azaroa 2011

Inork nahi ez zuen taldea eta bidaiarik konplikatuena, halere, zozketan ageri da eta aurre egin beharko dio Bera Bera Eskubaloiak. Lada Togliatti da, Errusian joandako partida otsailaren 4ean edo 5ean eta bueltakoa Donostian otsailaren 11n edo 12an. Lada gaur egun laugarrena da Errusiako maila handiko ligan eta jokalari asko internazionalak ditu. Azkeneko kanporaketan Lugi HF suediarra kanpoan utzi zuen (54-47).

14 Azaroa 2011

Bera Bera Egia jubenilak eta kadeteak galdu gabe jarraitzen dute eta sailkapenetan jarraitzen dute lider. Asteburu honetan jubenilek 17-29 irabazi zioten Andoainen CDB Leizaran taldeari eta kadeteek 43-5 Consulting Social Alavés taldeari Gasca kiroldegian.

Datorren asteburuan, jubenil taldeak lidergoa jokuan jarriko dute, izan ere Gasteizko Winbel Eharialdea izango dute aurrean. Bestalde, kadete mailako bi taldeak elkarren aurka jokatuko dute Bidebietan.

Bera Bera Egia infantil A taldeak berdinketa lortu zuen Ereintza B taldearen aurka, aldiz, B taldeak 7-30 galdu zuen Ereintza A taldearen aurka.

Emaitzak

14 Azaroa 2011

Bihar, goizeko 11etan Vienan, besteak beste, EHF Cupeko final zortzirenak zozketatuko dira, otsailean burutuko den kanporaketa. EHFk egindako multzoak ikusirik, Bera Bera Eskubaloiari Mar Alicante, Danimarkako bi talde, alemaniar bat, rumaniar bat eta errusiar bat egokitu diezaioke. Hauek dira taldeak: KIF Vejen (DEN), Team Tvis Holstebro (DEN), HBC Nimes (FRA), TSV Bayer 04 Leverkusen (GER), Vaci NKSE (HUN), CSM Bucuresti (ROU) eta Lada Togliatti (RUS). Teorian, alacanteko taldeaz gain, Danimarkako Team Tvis Holstebro danés, Alemaniako Bayer Leverkusen eta Lada Togliatti errusiarrak dira arerio zailenak.