06 Abendua 2011

Bera Bera Eskubaloia eta Lagun Aro Gipuzkoa Basket klub gipuzkoarrak bere plantillen irudiekin egutegi bat egiteko elkartu dira kirolaren balioak transmititzeko helburuarekin. Eskubaloia eta saskibaloia – gizonezkoa nahiz emakumeezkoena – bezalako bi kirol desberdinetako bi kluben arteko elkarlan ekimen aitzindari honek Bera Bera eta Lagun Aro Gipuzkoa Basket zabaltzen saiatzen diren kirolaren balioen garrantzia erakutsi nahi dio Gipuzkoako gizarteari. Baikortasuna, gidaritza, integrazioa, berdintasuna… dira besteak beste, 2012 urteko egutegian eta, hamabost egunero, Pedro Usabiaga argazkilari donostiarrak 24 irudi artistikoen bidez transmititu nahi dituen balioak. Honela, hurrengo astelehenean, abenduaren 12an, bi klubek 2012 egutegia aurkeztuko dute Donostiako Aquarim-ean 20etatik aurrera ospatuko den ekitaldian. Aurkezpenean bi kluben plantillak eta zuzendaritzak egongo dira.

05 Abendua 2011

Bera Bera Eskubaloiko harrobiak pasa den asteburuan lortu dituzten emaitzaren artean azpimarratzekoak dira jubenil, senior preferente eta kadete 2 taldeak lortu dituztenak dira. Mauge Gezala entrenatzaileen jubenilak fase finalari irabazten ekin diote, izan ere, Bera Bera Egiak 32-18 irabazi zion Aloña Mendiri.

Bestetik,senior preferente mailako Egia Bera Berak etxetik kanpo irabazi 16-27 zion Aiala C ZKE eta sei puntuko aldea ateratzen dizkio bigarren sailkapenean. Kadete mailan Bera Bera Egia 2 taldeak 40-14 menperatu zuen Urnietako B eta Bera Bera Egia kadete 1 taldeak 16-22 galdu zuen CDB Leizaranen aurka. Azkenik, Bera Bera Egia Infantil A taldeak 1-18 irabazi zion Ordizia Eskubaloiari.

Emaitzak: jubenilak , kadeteak , senior

05 Abendua 2011

Ligan etenaldia ego narren, Bera Bera Eskubaloi taldeak ez du entrenaldietan erritmoa aldatu. Zubi askoko aste honen aurrean Bera Bera birritan entrenatu da gaur eta gauza bera egingo du asteazken eta ostiralean. Hau da, goizean ohiko Saioa eta arratsaldean, lagunartekoa.

Horrela, asteazken arratsaldean Zumaiako mutilen aurka jokatuko du Bera Berak eta , ostiralean, arratsaldeko 7,30etan Bidebietan, Castro Urdiales izango da arerioa. Bera Berak larunbatean Ohorezko mailako beste taldeari 22-33 irabazi zion, Kukullagari, alegia.

04 Abendua 2011

Atzo Euskararen Nazioarteko Eguna ospatzeko antolatu ziren ekintaldien artean azpimarragarriena izan zen Gipuzkoako hainbat herritan burutu ziren mintzodromoak. Bera Bera Eskubaloiak Donostiako Boulevardean parte hartu zuen, izan ere, Eider Rubio eta Nagore Arizaga jokalariak bertan ordu betez aritu ziren euskaraz solasean.

Donostiako karpan instituzioetako arduradunak izateaz gain, gizarte arlo ezberdinetako eragileen ordezkariaz elkartu ziren. ‘Guk ere euskaraz’ lelopean ekimenak euskararen erabilera sustatzea zuen helburu.