14 Abendua 2012

Bera Bera Eskubaloiak prestaketarekin jarraitzen du aste hauetan, burutzen duen bigarren aurredenboraldia, kontuan hartuz gero ligak ia bi hilabeteko etenaldia duela, aurten Serbiako Eurokopa dela kausa.

Orain arte Bera Berak mutilen taldeen aurka bi lagunarteko jokatu ditu, Ereintza eta Usurbil, bigarren nazionalean aritzen direnak. Bihar, ordeaz, Oñatiko Aloña Mendiren deiari erantzun dio eta emakumezkoen eskubaloiko ohorezko mailako talde baten aurka arituko da, Zuazo Barakaldo, hain zuzen. Partida Oñatiko Zubikoa kiroldegian burutuko da 18etatik aurrera.

Donostiarrek orandik ez dute Zuazoren aurka jokatu ligan –abuztuan, lagunartekoa-. Bizkaitarrak dira Rocasa liderrari punturik urratu dion taldea bakarra orain arte. Gainera ligara itzulikoa bata besteraren contra, urtarrilaren 9an Bidebietan 19etan. alegia.

Bera Berak lagunarteko gehiago nahi ditu Gabonak aurretik. Horrela, datorren abenduaren 18an, asteartean, Pasai Donibane izango da aurkaria, gizonezkoen beste talde bat, hain zuzen.

Eli Pinedo eta Patri Elorza

Bera Berak Eli Pinedo eta Patri Elorza internazionalen bajak izango ditu bihar, Serbiako Eurokopan aritu direnak. Espainiak atzo ere Montenegroren aurkako porrotarekin bostgarrena gelditzeko aukerak galdu zituelarik.

Eurokopa irregularra egin du Jorge Dueñasen selekzioak. Oso ondo hasi zuen –Alemania eta Kroazia gaindituz- baina bigarren fasean puntu bakarra baino ez du lortu Errusiaren aurka.

Bera Berako jokalariak aukera ezberdinak izan dituzte. Eli Pinedok norgehiagoka guztiak jokatu ditu, partidako ia 53 minutu, gainera. Patri Elorzak 13 minutuna izan zituen bi garaipenetan eta ostean ia ez du aukerarik izan.

12 Abendua 2012

Atzo arratsaldean Bidebietan jokaturiko partidan Bera Bera Eskubaloiak sensazio onak izan zituen gizonezkoen bigarren nazionalean aritzen den Usurbil senior mailako taldearen aurka 31-32 galdu arren. Ligari berriro ekiteko hilabetea falta denean, Bera Berak baliabideak hobetu nahi ditu eta jokalari gazteei minutuak eskaini. Horrela, Alba Menédez eta Nagore Arizagak partida osoa jokatu zuten. Bera Bera joku azkarra egiten saiatu zen, barneraketak egin edo pibote nahiz hegalekin loturak gauzatu. Horrela, Usurbil gainditu zuen lehenengo zatian baina ezin izan zion bigarren zatian emaitzari eutsi. Larunbatean Oñatin Zuazo Barakaldo izango da aurkaria, ohorezko mailan aritzen den taldea. Partida Zubikoa kiroldegian izango da 18etan.

11 Abendua 2012

Bidebieta kiroldegian jokatuko den lagunartekoak aldaketak izango ditu Kukullagan adierazi duelako Donostiara ezin duela etorri ohorezko mailako taldearekin. Halere, Bera Berak lagunartekoa jokatu nahi du eta lehengo asteartean bezala, mutilen taldeko Ereintza aurkaria izan zenean, oraingo honetan bigarren nazionalean aritzen den Usurbilen aurrean neurtuko da. Partidaren ordutegia eta lekua ez dira aldatu, 19etan Bidebietan, alegia. Datorren larunbatean Bera Berak Zuazo Barakaldorekin topo egingo du Oñatiko Zubikoa kiroldegian (18etan).

11 Abendua 2012

Bera Bera Eskubaloiak eta Donostiako udaleko Kultura eta Gazteria Departamentuak antolaturik, datorren abenduaren 13an, osteguna, Kritiñe Osa dietistak oinarrizko elikadura orekatua izeneko hitzaldia eskainiko du Kontadoretan.

Ekitaldia batez ere kirola sarri egiten ari diren seme alaben gurasoei dago zuzenduta, halere sarrera librea da eta edonor sar daiteke.

Izan ere, Bera Bera Eskubaloiak ‘Osasun Eskola’ jarri du martxan infantil, kadete eta jubenil mailako jokalariei begira, hau da, arlo desberdinak jorratzen ditu gutxi gorabehera eskubaloiaz gozatzen ari diren 60 gazteei zuzentuda, alegia.

“Helburua da kirola egitea osasu egoera onenean eta lesioak nahiz nekeak edo zorabioak saihestea” azaldu du Kristiñe Osak. Eta dagoeneko martxan da. Orain arte neurketa batzu egin dizkiete harrobiko jokalariei gazte bakoitza kokatze aldera. Ikastaroan zehar beste bi neurketa izango dira eboluzioa ikusteko.

Horrez gain, elikaduren inguruko aholkuak eta hiztaldiak izango dituzte, batez ere, entrenaldietan edo partida bati begira aurretik eta ondoren zer jan behar duten argi izateko.