Bera Bera - Berriak

09 Urtarrila 2013

Ia bi hilabeteko etenaldia jasan ostean, Bera Berak eta Zuazo Barakaldo taldeak elkartu dira gaur Bidebietan eskubali ligari berriro ekiteko. Donostiarrak ziren faborito garbia baina sufritzen jakin izan dute bizkaitarrak gainditzeko (31-25).

Partida aurretik, Reyes Carrerek ohartarazi zuen, puntu hauek larunbatean Kanarietan jokoan izango diren adina balio dute. Eta ongietorriak izan dira aurtengo aurrenekoak. Izan ere Bera Berak hiru baja izan ditu, Vero Cuña eta Nitsan Dunay ezagutzen zirenak eta, azken orduan, Eli Pinedorena, eskuin belauneko muskulu bikian kontraktura dela kausa. Ezker hegalak Rocasa liderraren aurka partidan jokatzen saiatuko da (larunbatean, 18,30etan).

Bera Berari asko kostatu zaio partidan sartzea. Hasierako minutuetan izandako baloi galduak berdinketa mantendu dute markagailuan. Alba Menendezen hiru golek abantaila eman diote taldeari (5-3, 11 min). Hortik aurrera Bera Bera aldea gehitzen saiatu da vaina Yañez Zuazo gerturatu du (10-9, 22 min).

Reyes Carrerek etenaldian entrenatzen izan dituen jokalariak jarri ditu pistan. Eider Rubio Yañezen ondoan kokatu da eta Nagore Arizagari eman dio gidaritza erasoan. Halere, 20 minutu zeramala Patricia Elorza atera du, lateralak bigarren zatian baino ez du asmatu.

Horrela, Zoqbiren geldiketak, Núñezen blokajeak eta Matxalenen kontraerasoei esker Bera Bera atsedenaldian 16-13 iritsi da.

Ez da erabakiorra izan. Bigarren zati hasieran, akatsak bata besteen atzetik bi taldeen partetik. María Núñezek markagailua mugitu du 36. minutuan eta beste hiru minutu behar izan du Zuazok. Bera Berak abantaila mantentu du, epaileek bederatzi kanporaketa adierazi dituzte bigarrren zatian eta partida kontrolik gabe aurrera zihoan.

Orduan Patricia Elorzaren ordua iritsi da, bost gol sartu ditu, penaltiz bi. Halere, Zuazok ez zuen amore ematen eta donostiarrak estutu du. María Núñezen gol batek (26-22, min 53) arnasa eman dio Bera Berari eta Elorzaren beste batek partida erabaki du.

Ondorioz, oso puntu garrantzitsuak, landuak, finkaturik erronkei heltzeko bidea zaila izango den seinale.

Fitxa: Bera Bera 31, Zuazo Barakaldo 25 Bera Bera 31 (16+15): Zoqbi, Altuna (3), Rubio (3), Menéndez (4), Ederra (2), Núñez (4) eta Ziarsolo (9) –titularra- Arizaga, Castro (1) eta Elorza (5, 2p).

Zuazo Barakaldo 25 (13+12): Temprano, Álvarez (2), Gil (3), Sagasti (1), Ahedo (1), Yañez (8) eta Galarza -titularra- Garañeda (1), Belloso, Botica (2), Hernández (6) eta Aldekoa (1)

Epaileak: Sergio Elordui (Euskalduna) eta Javier Gutiérrez (Kantabriarra) Kanporatuak: Rubio, Menéndez (2), Elorza (2), Ederra (2) eta Reyes Carrere (Altunak bete zuen) Bera Beratik eta Belloso, Botica, Aldekoa eta Ahedo (2) Zuazotik.

Partzialak 2-2, 4-3, 7-4, 9-7,12-10, 16-13 –atsedenaldia- 16-13, 18-14, 21-18, 24-21, 28-23 eta 31-25.

Gertakariak: Partida hasi aurretik Matxalen Ziarsolo kapitainak Anne Valle jubenil mailako jokalariari taldeko oroigarria eman dio Pontevedran ospaturiko Estatuko txapelketan Euskadirekin zilarrezko domina lortu duelako.

08 Urtarrila 2013

Euskadiko selekzioak Estatuko jubenil mailako selekzioen arteko azpitxapeldun sortatu gaur goizean Madrileko selekzioaren aurrean 36-24 galdu ostean. Pontevedran ospaturiko lehiaketa honek arrakasta handikoa izan da euskal eskubaloiarentzat, batez ere emakumeentzat. Urtarrilaren 3tik gaur arte, Euskadik sei partida jokatu ditu, horietatik hiru irabazi ditu Kanarietako selekzioari, Andaluziari eta Asturiasi; aurreneko fasean Asturiasekin eta Madrilen galdu zuten euskaldunek eta finalean beste behin txapelketa ondo merezita eskuratu duten madrildarren aurrean. Euskal selekzioarekin Bera Berako jokalari Anne Vallek jokatu du lehiaketa garrantzitsu hau. Bestetik, mutiletan Euskadik laugarren postuan gelditu da gaur Galiza ezin izan baitu gainditu.

08 Urtarrila 2013

Emakumeen eskubaloi ligako azken partida jokatu zuenetik –Leonen azaroaren 16an- Bera Bera Eskubaloiak lehiaketara ekingo dio berriro ere bihar Bidebietan (19etan) Zuazo Barakaldo hartuz. Nitsan Dunayren belauna bati egindako erresonantziak lesiorik antzeman ez arren, israeldarrak ezin izango du biharko partida jokatuko minak korrika egiten galerazten diolako. Ondorioz, Esther Arrojeria eta Uxue Ezkurdia senior mailako jokalariek biharko deialdia osatuko dute, denboraldi honetan ohorezko mailako taldean aritu direnak. Bihartik Aste Santurarte hiru txapelketatan parte hartuko dute donostiarrek: ligan, Cup Winners’ Cupean –otsailaren 3an Polonian eta 9 edo 10ean Donostian- eta Kopan, otsailaren 21etatik 24ra bitartean ospatuko dena lekua finkatzeke. Hau da, hamar astetan, ligako bederatzi jardunaldi, Europako bi eta gutxienez Kopako bati aurre egin beharko die Bera Berak, azken bi lehiaketan aurrera joan ahala gehiago izango direnak. Ondorioz, talde osoa ondo kudeatzea izango da gakoa, Reyes Carrere eta Martin Larrañaga entrenatzaileak ondo aztertzen ari direnak.

07 Urtarrila 2013

Bera Bera Eskubaloiko entrenatzaile Reyes Carrerek “lasaitasunez” hartu du ligaren itzulera, adierazi arren ez duela “ulertzen nola ia bi hilabeteko etenaldi ostean aste honetan asteazken eta larunbatean jokatu behar dugun, zaletu eta klubei mesede gutxi egiten dienean”. Horrela, hamaikagarren jardunaldian Bera Berak Zuazo Barakaldo hartuko du asteazkenean (19etan) eta egun lidergoan dagoen BM Rocasai egingo dio bisita larunbatean Antonio Moreno kiroldegian (18,30etan). Komunikabideen aurrean, Reyes Carrerek adierazi du taldea “ondo ikusten duela, konpetiziorik gabe normala dena”. “Lagunartekoetan betebehar batzu egin ditugu eta jokalariek ondo erantzun zuten eskatutakoari, halere, lehiaketak esango digu nola gauden” azaldu du. Nitsan Dunayren arazoak Zentzu honetan Nitsan Dunayren belauna bat kezkatzen du “geldirik dagoelako”. Israeleko jokalariari egin zioten erresonantziaren emaitzen zain dago Bera Bera. Reyes bera kezkati dago, “Vero Cuñaren baja jasan genuen eta harrobiko jokalariak ditugu entrenatzen, jokalari gazteak. Horregatik, gure eskura ditugun jokalarien kudeaketan asmatu behar dugu eta lagunartekotean hori egiten saiatu gara”. Aste honetako partiden inguruan, Reyesek onartzen du “teorian ez dira berdinak Zuazo eta Rocasa, partida orok ditu zailtasunak baina liga irabazteko aukerak nahi baditugu Zuazori ere irabazi behar diogu”. Bizkaitarra da Rocasa liderarri punturik kendu dion talde bakarra. Rocasari buruz, entrenatzaileak dio “partidarik galdu ez duena da eta larunbatean irabazi behar diogu besteen emaitzen zain ez gelditzeko”. Partida erabakiorrak, etxean Orain arte jokatu diren hamar jardunaldien ibilbideaz, Errenteriko entrenatzailearen ustez “etxetik kanpo pista zailenetan aritu gara”. Bere ustez bigarren itzulian partida erabakiorrak izango dira Bidebietan eta “oso garrantzitsua izango da etxean jokatzea” azpimarratu du. 2013. urteari begira ezarri diren helburuaz galdeturik, Reyes Carrerek adierazi du “lasaitasuna da nagusi gurean; besteetan emaitzak atera behar genituen proiektua aurrea ateratzeko; liga irabazteko aukera honetan presioa azal daiteke baina ditugun baliabideak ondo optimizatu behar ditugu helburu betetze aldera”. Bidebietan urtarrilaren 19an Castro Urdialesen aurka (17,30etan) lehenengo itzulia itxiko du Bera Berak eta bigarren itzuliari besteek baino lehenago ekingo dio, urtarrilaren 26an Porriño Bidebietan hartuz. Galizarren aurkako partida aurreratu egingo da Bera Berak otsailean 3an jokatuko baitu Gdynian Cup Winners Cupeko finalzortzirenetan.

04 Urtarrila 2013

Bera Bera Egiako jokalari Anne Vallek Euskadirekin Pontevedran ospatzen ari den Estatuko selekzioen arteko jubenil mailako txapelketako finala jokatuko du bihar.

Gaur eguardian Asturias gainditu du Euskadik (25-24) eta aurkaria Madril izango da bihar 11,15etan Moaña herriko kiroldegian.

Lehenengo fasean Madrilek 36-23 irabazi zion Euskadiri, ondorioz, oso partida zaila izango da euskaldunentzat.

Partidak hemen jarrai daitezke