18 Abendua 2012

Asteburua denatarik eman du: hiru garainpen, berdinketa bat eta bi porrot. Hauek Euskal Ligan eman ziren. Bidebietara etorri ziren Ermuako Errotabarri taldeak, kadete nahiz jubenil mailetan lidergoan daudenak. Aurreneko partidan alde handia egon zen (15-27), bigarrenean, berriz, Bera Bera Egia jubenil taldea bizkaitarren gertu egon ziren (23-26), emozioak amaierartea iraun zuelarik.

Andoainen eman zen berdinketa. Partida hasi aurretik, CD Leizaranen aurka puntua galtzea emaitza txarra zen, partida ostean ia eskerrak eman behar zuen Egia Bera Berak. Izan ere, zortzi golez galtzen joan ziren donostiarrak. Puntu horri esker lidergoan bakarrik jarraitzen dute baina oso gertu dute Elgoibarko Tecnifuelle taldea.

Eta garaipenak, etxetik kanpo. Zumarragan Bera Bera Egia kadete 2 taldeak 10-12 gainditu zuen Urola EK, Irunen Bera Bera Egia infantil Bi 9-27 irabazi zion Bidasoari eta Errenterian 12-16 Bera Bera Egia Bat taldeak Ereintza Beissierri. Sailkapenak

Argazkian: Euskal ligan aritzen den kadete mailako Bera Bera Egia

18 Abendua 2012

Nahiz eta lehiaketarik ez izan, Bera Bera Eskubaloiko jokalariek atseden egunak hartzeko gogokin daude. Halere, aste honi ekin behar diote, Bidebietako ohizko saioaz gain, mutilen aurkako beste bi partida-entrenaldiak izango baitituzte. Patricia Elorza internazionalak taldearekin bat egingo du gaur arratsaldean, Bidebietan 19etan gizonezkoen Pasai Donibaneren aurkako lagunartekoan. Bihar arratsaldez arituko dira, ostegunean goizean eta arratsaldean Egiako jubenilen aurka eta ostiralean azken saioa Santo Tomaseko egunaz gozatu aurretik. Eli Pinedorentzat plana berezia Taldea urtarrilaren 2an itzuliko da entrenaldietara, plantilla osoa elkartuko den eguna. Eurokopako sei partidak jokatu ditu Eli Pinedok, batez beste 53 minutu norgehiagoka bakoitzean, eta kontutan harturik 2011ko irailatik daraman partida zama, Reyes Carrere entrenatzaileak eta Iker Fernández prestatzaile fisikoak plangintza berezia egitea erabaki dute jokalariaren maila fisikoa eta psikologikoa hobetze aldera.

17 Abendua 2012

Inguru eder bat aukeratu zuen Bera Bera Eskubaloiak Gabonetako bazkariaz gozatzeko, Aldura jatetxea, San Markoseko Gotorlekuaren baitan, itsasoa eta mendia lotzen dituen bistak eskaintzen dituena.

Bazkarian 111 pertsona elkartu ziren, horien artean, maila guztietako jokalariak: infantil, kadete, jubenil, senior eta ohorezko mailakoak, entrenatzaialeak, delegatuak, gurasoak eta Bera Bera Eskubaloiko zuzendariak bertan biltzea eskertu zutenek.

Bazkaria bikain egon zen, batez ere, haragi masaila zoragarriak zeunden eta Karmelek akordeoiarekin bertakoak alaitu zituen. Poxpolinak bihurturiko maila ezberdinetako jokalarien argazkia izan zen oparia eta ondoren ohorezko mailako taldeko bi kamiseta zozketatu ziren –Vero Cuñak emandako bat-, kiroletako materiala eta Kukuxumusu dexente, gehienak lehen taldeko jokalariak banatu zituztenak Mauge Gezalaren deia erantzuten.

Oparien ostean musika iritsi zen, Reyes Carrere eta Darly Zoqbik salsa batekin ireki zuten unea, Adriana Castro eta Yamiley Rodríguez segituan jarraitu zutelarik. Eta bukatzeko Karaokea, jokalari gehiago animatu ziren eta hainbat guraso.

Bi aste baino ez dira falta 2012. urte oparoa amaitzeko eta 2013ari ongietorria emateko, erronkaz beteriko urtea, Bera Berak zalegoekin batera bizi nahi dituenak, hain zuzen ere.

16 Abendua 2012

Oñatiko Aloña Mendi taldeak antolaturiko partida eskuratu zuen atzo Bera Bera Eskubaloiak Zuazo Barakaldo 34-20 aise gaindituz, sarrera polita izan zuen Zubikoa kiroldegian.

 Donostiarren defentsak eta kontraerasoak izan ziren berriro ere Bera Berak ondo erabili zituen baliabideak bizkaiatarren aurrean, batez ere Matxalen Ziarsolo kapitaina eraginkor izan zen erasoan, 15 golekin (penaltiz 9, jaurtitutakoak). Eli Pinedo eta Patri Elorza internazionalik gabe, Reyes Carrerek prest zituen hamaika jokalarien artean banatu zituen minutuak.

Alba Menéndez eta Matxalen Ziarsolo izan dira partida osoan aritu diren bakarrak, atean Zoqbi eta Yamileyk bakoitzak zati bat jokatu du, minutuak banatu dira Altuna eta Castroren artean eta Arizaga, Rubio eta Dunay lehenengo lerrokoak. Núñez eta Ederra defentsan elkarrekin aritu dira eta erasoan bost golekin hobeto ibili da nafarra.

Gainera, Zuazo Barakaldo izango da aurkaria, urtarrilaren 9an Bidebietan, Ligako hamaikagarren jardunaldian. Gabonetako oporrak baino lehen Bera Berak, datorren asteartean, Pasai Donibane mutilen taldea hartuko du Bidebietan.

Fitxa: Bera Bera 34, Zuazo 20 Bera Bera 34 (17+17): Zoqbi, Altuna (1), Rubio (4), Menéndez (3), Arizaga (1), Ederra (5), Ziarsolo (15), Castro (1), Dunay (3), Núñez (1) eta Yamiley (o.a.).

 Zuazo Barakaldo 20 (10+10): Temprano, Belloso (1), Álvarez, Yáñez (5), Botica (2), Hernández, Gil (5), Sagasti (1), Aldekoa (2), Ahedo (2), Calderón (o.a.), Heras, Bonilla (1), Galarza (1) eta Fernández.

Partzialak: 2-2, 6-4, 6-6, 10-6, 14-8, 17-10 –atsedenaldia- 20-10, 22-10, 24-13, 29-15 eta 34-20

Epaileak: Iñigo Vicente eta Gorka Vicente (Gipuzkoa)
Kanporatuak: Menéndez (2) eta Núñez (2) Bera Beratik eta Heras, Bonilla (2) eta Galarza Zuazotik.