Bera Berak bihar larunbata Bidebieta 19etatik aurrera asko aldatu den BM Porriño hartuko du (Matías Muñiz eta Joseba Jokin Orkoki, Nafarroa). “Bai, oso jokalari garrantzitsuak galdu ditu -Alicia Fernández eta Isa Bastero batez ere- baina oso jokalari onak fitxatu ditu” adierazi du Maialen Múgicak. Horien artean daude, besteak beste, Dapena ahizpak, Alba –oraindik ez da osatu- eta Andera eta Bárbara Cerqueira pibote gaztea, guztiak Mecalia Atlético Guardésetik eta Mar Alicante Anabel Mateo –osatzen hau ere bai- eta Susi Sánchez atezaina.
Porriñok ez du suerterik izan egutegiarekin batez ere jokalari asko lesionaturik ditu oraindik -Nekane Terés pibotea ere bai- eta aurreneko jardunaldian Rocasa bisitatu zuen. Halere, Prosetecnisa Zuazo Barakaldo aise gainditu zuen azken jardunaldian.
“Bideoetan ikusi dudana asko gustatu zait” dio Múgicak. Bere ustez, “aurredenboraldiko partiden batean eta Superkopan ondo aritu ginen baina oraindik Ligan ez dugu gure benetako maila eman, oraindik asko falta zaitu eta partida polita izan daiteke horretarako”.
Aitor Etxaburuk ezin izango du Ana Martínez deialdian sartu ezta ere Nagore Arizaga gihar iskiotibiletan mina duelako, Amaia Azanzak aldiz aduktorean gainkarga du eta kolokan dago bere partaidetza, Uxue Ezkurdia bueltako da zerrendara eta Alba Menéndezek ondo dauka eskuin besoa.
Jardunaldia garrantzitsua da sailkapenerako, izan ere, iazko denboraldiko aurreneko bost taldeetatik lau elkarren artean arituko direlako. Bidebietaz gain, Telden Rocasak Helvetia Alcobendas hartuko du 19,30etan. Bestetik, Mecalia Guardések Elche Mustang taldearen visita izango du eta Valladolideko Aula Culturalek Leónera egingo du bidaia.
Mariscos Bruñori esker itsaski zozketa egongo da, Pasai Donibaneko arraunlariei harrera egingo zaie Liga eta Kontxa irabazteagatik eta zoritxarrez, aste honetan zendu den Montxo Gonzálezen omenez minuto isilunea gordeko da, Erreka Laranjako partaide eta taldea duela urte asko jarraitu duena.
Denboraldiko planifikazioa ez ezik, eskubaloi partidak antolatzen ere eskuratu du aitortza, agiriaren esparrua finkatuz. Grupo Gismaren gidaritzapean, kudeaketa sistemak urtebeteko epea behar izan du martxan jartzeko. Ziurtagiriak adierazten du Bera Bera Eskubaloiak prozesuak identifikatuta dituela, ardurak ere bai, adierazleak finkatzen ditu prozesuak eraginkorrak diren jakiteko eta bezeroen arreta jartzen du.
Horrez gain, kirol helburuaz gain bestelako asmoak finkatzen ditu Bera Bera Eskubaloiak eta sistemaren hobekuntza du hizpide. Auditorian, SGS enpresak zoriondu zuen Bera Bera araua bere beharretara moldatu zuelako eta horrez gain harrituta gelditu zen batez ere Champions Leagueko partidek sortzen duten lan izkutuarekin eta, orokorrean, goi mailako talde baten kudeaketak exijitzen duenarekin.
Gaurko agerraldian, Jon Ander Madariagak “aholkuak” eman dizkio Bera Berari, “orain bezala lanean jarraitzeko, gauzak ondo egiteko ohiturari heltzeko eta epe luzera begiratzeko”.
Bestetik, Tati Garmendiak adierazi du “ISO 9001:2008 ziurtagiria eskuratzea ezohikoa da kirol taldeetan, Bera Berak kudeaketari arreta berezia jartzen dion seinale”.
Grupo Gismako gerente Gorka Sedanok azaldu du “kalitate sistemaren inplantazioan garrantzitsuena da prozesuak ezartzea eta etengabeko hobekuntza sustatu nahi duen taldea osatu”.
Azkenik, Gipuzkoako Foru Aldundiko Kiroletako zuzendari Asier Sarriegik adierazi du “ziurtagiria harro egoteko beste arrazoi bat da”. Era berean aipatu du “Gipuzkoa historikoki lehenengo lurraldea izan da kirol erakundeen kudeaketan kalitatearen aldeko horrelako apustuak sustatzen” eta horren adibidideak dira 87 erakunde direla kudeaketa hobetze aldera neurri ezberdinetako konpromisoak hartu dituztela”, horien artean Bera Bera R.T. kluba osoa.
Argazkian, Jon Ander Madariaga, Tati Garmendia, Asier Sarriegi eta Gorka Sedano.
