Izan ere, Bera Berak Porriñon jokatuko du Porriñon larunbatean 18etan eta ordubete beranduago Helvetia Alcobendasek, bigarren sailkatua, A Guardan Mecalia Atlético Guardesen aurka. Bestetik, BM Rocasa Ace Gran Canariak Kukullaga Etxebarri hartuko du 19,30etan (Euskadin).
Historian finkaturik dagoen pistara itzuliko da Bera Bera, hirugarren Kopa eskuratu zuen lekura, alegia. Eta sufritzen jakin izan zuen udal kiroldegi horretan. Kopako final-laurdenetan Zuazo luzapenean gainditu zuen; final-erdietan Elcheren aurkako partida irauli egin zuen bigarren zatian (8-12 atsedenaldian) eta gol bakar batez gainditu zuen Rocasa finalean (25-24).
Horrez gain, kasualitatez, duela urtebete Kopako final-laurdenetan ziren A Guardan, Mecalia Guardés eta Helvetia Alcobendas. Orduan galiziarrak nagusi izan ziren 26-22, final-erdietan Porriñon Rocasarekin topo egin zuten arte. Halere, Alcobendasek mendekua Ligan hartu zuen handik bi hilabetera (24-26) irabazita, galiziarren kalterako ia laugarren postua ziurtatuz.
Porriño eta Guardes taldeen igoeratik, Galizan beti puntuak lortu dituzte Bera Berak nahiz Alcobendasek. Azken bi urteetan, donostiarrek bi aldiz gainditu dute Porriño, beste bat Guardes non beste behin berdindu zuten; madrildarrak, aldiz, A Guardan lorturiko garaipena gehitu behar zaie Porriñon eman diren bi berdinketak. Halere, ez dute erraza izango, laugarrenak eta bostgarrenak dira egun sailkapenean eta Etxebarrin eta Castelldefelsen jasandako porrotak ahaztu nahi dituzte. Alicia Fernández jokalariarekin kezkaturik daude Porriñon, Catalunyan belaunean mina hartu baitzuen eta atzo egin zioten erresonantziaren emaitzen zain dira, denboraldia galdu baidezake.
Horrela, 9 eta 11 urte bitarteko 50 gazte inguruk eskubaloiarekin gozatzeko aukera izan zuten eta kirola hizpide elkarrekin aritu.
Hasieran batak eta besteek neska-mutilen norberaren taldearekin jokatu zuten baina ondoren nahastu ziren. Emaitza, oso arratsalde bikaina Bidebietan, jarraipena izango duten ekimenan.
Argazkia: Juan Antonio Garaikoetxea.
Eta hori Bera Bera ondo hasi zela. Arrojeria zuzendari lanetan, Menéndez eta Elorza alboetan, Ederra pibotean eta Etxeberria eta Ziarsolo hegaletan. Menéndez eta Elorzaren golek taldea konzentraturik zegoela adierazten zuten baina Arrojeriaren gola ostean (3-1), gipuzkoarrek eraso jokua galdu dute eta defentsan Tania Yáñezen barneraketekin sufritu dute.
Halere, gauza zailak jartzen direnean Bera Bera onena azaldu da. Atsedenaldi aurretik, Castro eta Pinedok Zuazorekiko aldea murriztu dute erdira utziz (11-14). Aldagela ondo etorri zaio Bera Berari iparra berreskuratze aldera.
Izan ere, bigarren zati hasiera erabakiorra izan da. Bera Beraren defentsa sendotu da Zuazoren albokoei estutuz. Ondorioz, lau kontraeraso jarraian eta donostiarrak aurretik (15-14) hiru minutuetan, hau da, lehenengo zati amaieratik eta bigarrenaren hasiera kontutan izanda, 9-2 partziala eta bigarren zatiko hamar minutuan, 9-1 (40. min, 20-15) Castro eta Pinedoren hiruna golei esker, hau da, Bera Berak 17 minutuetan 14-3 partziala ezarri zion Zuazori.
Baina partida ez da hor amaitu. Tania Yáñezek penaltian egindako hutsa ahaztu egin du eta jaurtiketei esker eta Ainhoa Hernándezen golei esker, Zuazo 21-20 gerturatu da Bera Beraren bi kanporaketa aprobetxatuz eta ondorez, 24-22. Halere, Pinedok asmatu du egoera ezberdinetan (penalti, hegaletik loratua eta pibotean) eta fisikoki Zuazok ezin zuen gehiago.
Ondorioz, garaipen landua, Bera Berak lidergoan bakarrik jarraitzeko balio duena.
Fitxa: Bera Bera 28, Zuazo Barakaldo 23
Bera Bera 28 (11+17): Temprano, Etxeberria (1), Menéndez (2), Arrojeria (1), Ederra (1), Elorza (3) eta Ziarsolo (1) –titular- Núñez (1), Pinedo (9, 1p), Ana Martínez (3), Castro (5), Arizaga (1) eta Dunay. Deialdian, María Akuña (o.a.).
Zuazo Barakaldo 23 (14+9): María Esteban, Etxabe, Bonilla (1), Hernández (2), A. Gil, Ahedo (4), Oihane Gil (1) –titular- Yáñez (11), Aldekoa (1), Cobo, Álvarez (3), Andraka eta Heras.
Epaileak: Alberto Hermoso eta David Monjo (Madrid) Kanporaketak: Menéndez, Elorza, Ana Martínez (2), Pinedo, Arrojeria eta Castro Bera Beratik eta Bonilla (2) eta Gorka Santibáñez entrenatzaileari Zuazo Barakaldotik.
Partzialak: 3-1, 3-3, 4-6, 5-10, 8-12, 11-14 –atsedenaldia- 16-14, 20-15, 21-19, 24-20, 25-22 eta 28-23.
Bestetik, euskal ligako bigarren fasearen hasieran, Bera Bera kadete taldeak 30-18 galdu zuen eta jubenilek 40-18 Etxebarrin Kukullagarren aurrean.
Datorren astean senior mailako taldeak hasiko du bigarren fasea.
Izan ere, Bera Bera oso defentsa ona betetzen ari da eta zutabe horrekin Bidebietako azken partidan Mecalia Atlético Guardés (22-19). Kanariaseko porrotaren ondorioz eta gol average galdu izanak, sailkapena asko estutu da. Bera Berak puntu bateko aldea du Alacanten irabazi zuen Helvetia Alcobendasekiko eta bi Rocasarekiko. Jardunaldi honetan, madrildarrek Cleba León hartuko dute kanariarrak, berriz, Valladoliden aritu dira.
Rocasaren aurrean, Eli Pinedok berriro mina sentitu zuen koadrizepsean. Trataera ezberdinak jaso eta gero, atzo taldearekin entrenatu zen eta ziur aski bihar partidan ere bai. Horrez gain, Imanol Álvarezek atsedena eman die Maitane Etxeberria eta Nagore Arizagari baina biak Bidebietan izango dira bihar.
Denboraldi hasieratik hona, Bera Berak eta Zuazo Barakaldok lau aldiz elkar ikusi dute: abuztuan Mendaviako lagunartekoan, irailean Ligako partida Lasesarren, abenduan Ermuko lagunartekoan eta Zumarragan Euskal Kopan. Norgehiagoka guztietan Bera Bera garaile irten zen baina Barakaldoko liga partida estu joan zen (20-25). Gainera, sailkapeneko erdialdean, Zuazok Kopan sartzeko helburua lortu du eta, besteak beste, Tania Yáñez jokalariak Ligako bigarren goleatzaile nagusia da, partidako zortzi gol baino gehiagorekin.
Argazkia: Juan Antonio Garaikoetxea.
