Egutegiko kontuak direla eta, Bera Berak aurreneko bi jardunaldietan, batetik igo berri den Granollers izan du aurrean eta bestetik, Adesal, Mar Alicantek utzitako hutsunea bete duena izango ditu aurrean. Bihar Fuensantan 19etan hasiko den partida Kordobako Pablo García Sánchez eta Badajozeko Juan Manuel Vinagre Vázquez bikoteak zuzenduko dute.
Iazko taldearekin konparatuz gero, Adesal Córdobak galdu ditu besteak beste Inés Hernández (Guardés), Bea Puertas eta Paula Valdivia (Málaga). Egun jokalaririk arriskutsuena da Yacaida Tejeda, iaz Bidebietako partidan donostiarren defentsa estutu zuen pibotea.
Aitzitik, biharko partidari begira Aitor Etxaburuk erasoko jokoan hobetu nahi du eta defentsan maila mantendu.
Taldea garaiz jaikiko da bihar. Autocares Davidek goizeko 7etan irtengo da Zaragozara bidera non 10,20an AVEra igoko da Kordobara 13,20 iritsiz. Bazkaldu eta atsedena hartu ostean, Fuensanta kiroldegira abiatuko da 18ak aldera. Kordoban egingo du lo taldeak eta igandean 9,44etan berriro AVEra igoko da.
Argazkian, lehengo larunbatean laugarren Superkoparekin Bidebietan.
PuntuEUS Fundazioko zuzendari Josu Walinok azaldu zuen “zazpi urteko lana ostean .eus domeinuak eskatzeko unea iritsi da”. Fase hau “elkarte, enpresa eta instituzio publikoen domeinuizenei bideratua dago, domeinu-izenak eskatzeko eta babesteko balioko duena”.
Domeinu izena eskatzeko aukera izan du Bera Bera Eskubaloiak beste lau erakunde edo enpresekin batera. Matxalen Ziarsolo kapitainak adierazi zuen Bera Berak .eus ez ezik “domeinua euskaraz ere jarriko duela eta era berean, Europan aritzen garenean euskaldunak garela adierazteko”.
Aurkezpenean ere izan ziren Iñaki Goirizelaia EHUko errektorea, Itxaso Compañon, Arabar Errrioxako Compañon Arrieta upategiko arduraduna, UstaritzekoIkas Euskal Pedagogia Zerbitzuaren izenenean, Aines Dufauk eta Jose Antonio Gartzia, Zumaiako merkataritza indarberritzeko plataformaren lehendakaria.
Ondorioz, Arrojeriak taldearekin entrenatu zuen atzo, nahiz eta oraindik arreta handia izan. Astea joan ahala, Aitor Etxaburuk zentrala Kordobara eraman lezake, lehengo lerroari arnasa emate aldera. Taldeak iazko bidaia egingo du, hau da, Autocares Davidekin Zaragozara helduko da non AVE hartuko duen goizeko 10ak aldera eta hiru ordu ostean Andaluziako hirian izango da. Fuensantako kiroldegian 19etan hasiko da partida, taldeak gaua egingo du Kordoban eta igande goizean berriro AVEra igoko da.
Antza, egunak pasatu ahala, donostiarren defentsa sendoago dirudi eta Ana Tempranoren saioiak iazko denboraldi amaiera dirudi. Erabiltzen den 6-0 defentsa sisteman ardatzak diren Elorza, Núñez, Menéndez, Pinedo eta,neurri apalagoan Ederra eta Arizaga, jokalariek hirugarren urtea elkarrekin beteko dute eta, horrez gain, etorri berri diren Azanza eta Múgica konposizioara ondo baino hobeto egokitu dira. Gainera, taldekideak hobeto ezagutu ahala, Temprano ondo ordezkatuko du Maite Zugarrondok.
Bera Beraren arrakastetan giltzarri defentsa izan denez, Aitor Etxaburuk ideiari jarraipena eman nahi dio eta baliabide gehiago erabili, 5-1 esaterako, jorratzeko.
Ligako aurreneko aldiz txapeldun izan zen denboraldian, Bera Berak 21 gol jaso zituen bataz beste. Iaz, partidako 20,5 gol izan ziren, Bidebietan 20 eskas eta etxetik kanpora ez ziren 21 goletara iritsi.
Azken hamar urtetan, Bidebietan KH7 BM Granollersek baino gol gutxiago sartu zuen talde bakarra BM Porriño izan da. 2012ko urrian jokaturiko norgehiagokan 11 gol egin zizkion Bera Berari. Galizarrak dira hurrengoak Bidebietan (irailaren 27an, 19etan).
Etxekoak nagusi
2014-15 Liga hasieran, zazpi partidatan Elche Mustang taldeak baino ez du garaipena eskuratu etxetik kanpo, Cleba León 25-32 nagusituz, ondorioz, jardunaldian etxeko taldeen garaipena da hizpide. Partidarik estuena, A Guardan, 21-19 gainditu zuelarik Mecalia Atlético Guardések Helvetia Alcobendas, Bidebietan bezala (40) gol gutxien eman zen partida. Aitzitik, Valladolideko Aula Cultural Valladolid eta Canyamelar Valencia taldeen artean 65 gol sartu zituzten (36-29), hau da, 55 segunduero gola bataz beste. Zuazo Barakaldo da aurreneko liderra, gol kopuruei esker, (34-20) Adesal Córdoba gainditu zuelako, Bera Berako hurrengo aurkaria (irailak 20, larunbata 19etan).
