Bera Bera - Berriak

12 Martxoa 2014

Urte bikoitiak ez dira onak Bera Berarentzat Kopari dagokionez. Izan ere, eskuratu dituenak 2007, 09 eta 13an izan dira, eta L’Eliana (Valentzia), Movóvar (Alacant) eta Porriño (Pontevedra) Bera Berarentzat esanahi bereziko lekuak dira ordutik. Urte bikoitia izan arren Bera Berak laugarren Kopa eskuratu nahi du Liga ondo aparkaturik utzi ondoren.
Kopako XXXV. edizioa Alcobendaseko Amaya Valdemoro pabilioian burutuko da asteburu honetan. Eta Kordoban Adesal aise gaindituta, Bera Berak begirada kopan ezarri du. Iaz Porriñon bezala, gipuzkoarrak líder iritsi dira Kopara baina aldea zedozer handituz. Orduan, 16. Jardunaldi ostean, Elche Mustang baino puntu bakar bat gehiago zuen eta Helvetia Alcobendas baino hiru gehiago, gainera bi talde hauek Bidebietatik pasatu behar ziren.
Orain, 19. Jardunaldi ostean, Bera Beraren aldea Helvetia Alcobendasekiko bi puntukoa da –maiatzaren 3an Pabellón de los Sueñosen jokatuko dute- eta hiru puntura Rocasa Ace Gran Canaria. Zazpi partida falta direla aurkariekiko aldea zedozer handiago da baina egutegia ez da lagungarria izango.
Bera Bera burubelarri prestatzen ari da Kopa. Horretarako, astelehenean goiz eta arratsaldez entrenatu zuen Bidebietan; atzo eta gaur, arratsaldean eta ostegunean goizeko 10,30etan Manteo kiroldegian, Bidebietan saio burutzeko zailtasunak direlako. Arratsaldeko 4etan autobusez, Autocares Davidekin egingo dute bidaia Alcobendasera eta ostiral goizean, ordubeteko saio burutuko dute Pabellón de los Sueños kiroldegian.
Donostiarrek final-laurdenetako azken partida jokatuko dute ostiralean 20,15etan Zuazo Barakaldoren aurka. Sebastián Fernández eta Alberto Murillo, Andaluziko epaileek zuzenduko dute norgehiagoka.

11 Martxoa 2014

Adesal Córdoba taldea gainditzeaz gain, asteburu honetan ohorezko mailan aritzen denetik (1990-91), Bera Berak 19.000. gola egin zuen. Gaur Garan Juan Carlos Elorzak ezagutzera eman duenez, Patri Elorza da kopuru horretara iritsi dena 23. golarekin. Bigarren zatian izan zen, 10-23 igo zen markagailuan gipuzkoarren alde. Silvia Ederra eta Patri Elorzak elkar ulertu zuten, arabarra sei metroetatik partidako bostgarren gola lortuz. Lehiaketa ofizial guztiak kontutan hartuta (Liga, Kopa, Superkopa eta Europakoak) osaturiko zerrendak agertuko da Patri Elorza. Bertan dira, besteak beste, Eli Pinedo 18.000. golarekin, 2013ko otsailaren amaieran egin zuena eta Libe Altuna, 17.000.

10 Martxoa 2014

Asteburuko emaitzan artean, Bera Berako harrobiak garaipen bakarra lortu zuen, senior taldeak bereganatu zuena Erentiza Aguaplasten aurka (25-22). Euskal Liga, kadete nahiz jubeniletan, Bera Bera kadete taldeak 18-29 galdu zuen Tecnifuelle Elgoibarren aurka eta jubenilek 22-28 Astigarraga Gys Sport Elgoibarren aurrean. Eta lurralde mailako kadete taldeak gol bakar batez galdu zuen Egia Veltins (16-15) taldearen aurka Egian bertan.

07 Martxoa 2014

Kordoban dago taldea dagoeneko. Bera Berari gaur garaiz jaikitzea tokatu izan zaio autobusez Iruñara joateko, hemen Alvian Zaragozara eta hemendik Kordobara iristeko 700 kilometro betetzeko hiru ordu eskas erabaili ditu. Plantilla Averroes hotelean dago, bazkaldu eta atsedena hartzeko denborarekin. Imanol Álvarez eta Martin Larrañagak 18etan video Saioa prestatu dute, ondoren ibilalditxoa egingo dute -20 gradutan- eta La Fuensanta pabilioian 19,30etan iritsiko dira, gaur egungo futboleari dagokion ordutegi batean 20,45etan, alegia. Halere, Bera Berak Kordobako taldeak egindako eskaera onartu zuen. Castelldefelsen garaipen garrantzitsua eskuratuta lehiatuko da Bera Bera bertako taldearen aurrean. Adesal Córdoba jaitsiera postuetatik kanpo dago eta kataluniarrekin gol average delakoa berdinduta du. Gainera Bera Berak uste baino lan gehiago egin behar izan zuen Bidebietan eta andaluziarrek aurpegia eman nahi dute gaur (José Molina Baena eta Pablo García Sánchez, Kordoba). Tejeda pibotea eta Valdivia hegalekoa izan ziren Castelldefelsen jokalari onenak, Inés Hernández eta Beatriz Puertas bezala, taldeko golegile nagusienak. Era berean Valeria Flores baja izango da Txilerekin baitago. Adesal Córdoba golak trukatzen eroso sentitzen da, Bera Berak baino 34 gol gutxiago daramazki eta 505 golekin, ligako gol gehien jasotzen duen bigarren taldea da, partidako 28 eta harrigarria bada ere, etxean 31,3. Bestetik, azkeneko partidetako deialdiarekin, Bidebietan lehengo larunbatean Canyamelar Valencia taldearen aurrean egindako jokuari jarraipena eman nahi dio Bera Berak. Lehengo asteburuan sailkapenean hartutako aldea ezta Kopa gertu dagoela ezin dute taldea helburutik urrundu.

07 Martxoa 2014

Bera Berak gaur ostirala, bihar eta igandean ditu partidak. Ohorezko mailako taldea Kordoban arituko da Adesal taldearen aurka 20,45etan, harrobiak berriz asteburua irekiko du bihar larunbatean 16etan Bidebietan, Bera Bera Senior eta Ereintza Aguaplast partidarekin.
Bestetik, kadete mailako lurraldeko taldeak Egia kiroldegian Egia Veltins taldearen aurka jokatuko du 16,30etan.
Eta euskal ligan, kadete nahiz jubeniletan, Donostiako Josean Gasca kiroldegiak bi talde hauen partidak hartuko ditu. Bera Bera kadetea 10,30etan arituko da Tecnifuelle Elgoibar taldearen aurka eta 12,30 etan jubenilen txanda Astigarraga Gys Sport Elgoibarren aurrean.
Juan Antonio Garaikoetxearen argazkian, Amaia Jaka (baloiarekin) eta Maider Amilibia