06 Martxoa 2014

Atzo arratsaldean, Bera Berako ohorezko mailako jokalariek, bigarren taldekoek, harrobiko entrenatzaileek eta delegatuek DYA Gipuzkoarekin Kardiobiriken Susperketaren eta Desfibriladore Automatikoen (DEA) erabileraren oinarrizko informazioa jasotzeko aukera izan zuten.
Bera Berak kirolan segurtasuna bermatzeko ideiarekin bat egiten du. Bi orduko saioan azalpen teorikoak jasotzeaz gain, bertan elkartu ziren 14 pertsonak ariketa praktikoak egiteko aukera izan zuten, kardiobiriken susperketaren metodologia ezezik Desfibriladore Automatikoen erabilera ere ikasi zutelarik.
Bidebieta kiroldegiak horrelako bat du. DYAko hezitzaileek gertaera baten aurrean protokola ahalik eta gehiena betetzea azpimarratu zuten, lanak banatuz, denboral kontrolatzu eta kardiobiriken masaia lasaia eta oso konzentraturik burutzeko.
Bera Berak DYA Gipuzkoari eskertzen dio emandako erreztasunak horrelako saioak burutzeko. Horrela, pistaren inguruan ia egunero diren pertsonek horrelako egoera baten aurrean jakin badakite zer egin behar duten.
Argazkian, Patri Elorza eta Adriana Castro.

05 Martxoa 2014

Hiru urte pasa dira azkenengo aldiz Bera Bera Andaluzian izan zela, emakumezkoen eskubaloiko ohiko norabidea izan denean. Halere, Kordoban aurreneko aldiz jokatuko du datorren martxoaren 7an, ostirala (20,45etan) bertako Adesal taldearen aurka. Norgehiagoa Adesal Córdoba taldeak eskatuta aurreratu da, bertako agintariek partida ikusi ahal izateko. Donostiarrek onartu zuten proposamena eta, gainera, ez da lehenengo aldia Bera Berak Ligako partida bat ostiral batean 20,45etan jokatzen duela. 2012ko azaroaren 16an izan zen azkena eta donostiarrak nagusitu ziren 25-34. Kopara begira ordutegira egokituko dira, izan ere, martxoaren 14an, ostirala, Alcobendasen Zuazo Barakaldo izango dute aurrean 20,15etan. Kordobara egin behar duten bidaia ezbedina izango da erabailiko den garraioa ere ezohikoa izango baita, trena hain zuzen. Bera Berak partida egunean egingo du bidaia. Garaiz jaikiko da Iruñara autobusez joateko, Alvia hartuko du Zaragozara eta hemen AVEn Kordobaraino, 13,30etan iritsiko delarik. Hotelean atsedena hartzeko denbora izango du taldeak eta ostean Fuensantako pabilioian bi puntu poltsikoratu nahiko du jaitsiera postuak ekidin nahi dituen aurkari baten kontra. Bidebietan Adesal gainditzeko lana egin behar izan zuten (28-23) gipuzkoarrek, izan ere, Zuazorekin batera Donostian gol gehien sartu duen taldea izan baita. Andaluzia Horrela, Granada, Málaga eta Almeria probintzietara Kordoba gehitu zaio ostiralean. Garako kazetari Juan Carlos Elorzaren datuen arabera, 1997-98 denboraldian –Jorge Dueñas entrenatzaile- egin zuen debuta Andaluzian Bera Berak, Granadan La Ragua taldearen aurka, Ligako azken partida, (19-28) irabazi zuen laugarren postua berresteko. Hurrengo denboraldian bisita eta garaipena errepikatu zen urrian (25-29). 1999ko azaroan Malagan igo berri zen Famadesa taldeari irabazi zion Bera Berak (19-31), eta 2000ko martxoan Almerian Vicar Goya Jarquil (14-21), beste hamar partida jokatu zuen aurkaria, alegia. Hurrengo urtean berriro martxoan garaipena lortu zuen (22-26) Tati Garmendia eta Patri Pinedok zazpina gol sartuz. Halere, jokalari historiko hauen ekarpena ez zen nahiko izan hurrengo partidan, 2002ko maiatzean, Ligako azkena (25-20). 2002-03 denboraldian Granadan ireki zuen Liga Bera Berak Venta La Nava-Iznalloz igo berri zen taldearen aurrean. 16-18 irabazi zuen baina Vicar Goyaren aurka 2003ko urtarrilean galdu zuen (22-19). Hurrengo urtean–2004ko urtarrilean – Granadako Transarmilla Iznalloz gainditu zuen (12-29) -Ziarsolok zazpi gol- eta Vicar Goyari 2004ko martxoan (19-20). Baina ondore, lau porrota jarraian: 2004-05 denboraldia bertan ireki zuten donostiarrek 23-17 galduz, 2005eko azaroan (29-24), 2006ko irailean (32-29) eta 2008ko maiatzean (31-30). Halere, Bera Bera berriro Almerian garaile irten zen (29-31) 2009ko maiatzean, irailean (24-32) eta Andaluzian jokaturiko azken partida berdindu zuen (30-30) duela hiru urte, 2011ko urtarrilean Vicar Goyaren aurka. Horrela, ohorezko mailan jokaturiko 17 partidetatik, gipuzkoarrek hamar irabazi dituzte, sei galdu eta bakarra berdindu.

03 Martxoa 2014

Ana Tempranok twitterren laburbildu du norgehiagoka ostean, partida handia, dakigun bezala jokatu dugu behingoz eta gozatuz gainera, partidari ez zaio ezer falta. Horrela bai, neskak. Eta hasieratik. Matxalen Ziarsolok gauzaturiko kontraeraso batek markagailua ireki du, partidak korrika egiteko aukera emango zuela adieraziz. 6-0 defentsak, Elorza, Núñez, Menéndez eta Martínez erdian, Canyamelar taldea oztopatu du behin eta berriz, baloi galduak eraginez edo Tempranok urruntzen zituenak, kontraerasora irteteko aukera emanez. Horrela, Ziarsolo, Etxeberria eta Menéndezek gauzatu dituzte, 11. Min 6-2 eta Susana Parejak lehenengo hutsartea eskatu du. Valentziarrak aldeari eutsi diete (25. min, 10-6) Santaisabelen golari esker. Halere, Núñezek, Arizaga bizkorra egon den baloi batean, Pinedok penaltiz eta Elorzaren beste batek Bera Berari arnas gehiago eman diete (14-9) atsedenaldian. Bigarren zatian, Bera Berak gehiago estutu du defentsa, valentziarrak erabat gaindituz. Imanol Álvarezez minutuak banatzeko aprobetxatu ditu. Izan ere, pistan aritu diren jokalari guztiek gola egin dute, taldeak korrika egiteko aukera izan du eta oso jokaldi politak ikusi izan dira Ziarsolo, Ana Martínez, Pinedo eta Nitsan Dunayren aldetik, israeldarrak hiru gol sartu ditu. Ondorioz, oso jardunaldi ona Bera Berarentzat, joku ona berrezkuratzeaz gain aurkari zuzenekiko aldea pixka bat ireki duelarik, izan ere, Alcobendaseko Pabellón de los Sueños delakoan Helvetia Alcobendas eta BM Rocasa Ace Gran Canaria taldeen arteko berdinketak (31-31) oso ondo datorkio, madrildarrak bi puntura eta kanariarrak hirura utziz. Fitxa: Bera Bera 32, Valencia Canyamelar 17 Bera Bera 32 (14+18): Temprano, Etxeberria (3), Arrojeria (1), Elorza (3, 1p), Núñez (1), Martínez (4) y Ziarsolo (7, 2p) –titular- Menéndez (1), Pinedo (5, 2p), Castro (1), Ederra (1), Arizaga (2) eta Dunay (3). Deialdian, María Akuña (o.a.). Canyamelar Valencia 17 (9+8): Aguas, Santaisabel 5), Segura (5), Esterri (1), Morell (2), S. Bravo (2) y Payá –titular- E. Descalzo, Amo (2), Llinares. Epaileak: Miguel Gardón (Madrid) eta Antonio Martin (Gaztela Leon) Kanporaketak: Arizaga eta Elorza Bera Beratik eta Segura, Santaisabel, Esterri, Morell eta Llinares Canyamelaretik. Partzialak: 2-1, 6-2, 9-3, 9-4, 10-6, 14-9 –atsedenaldia- 19-12, 22-13, 24-15, 25-15, 29-16 eta 32-17

03 Martxoa 2014

Lehiaketa amaitzeko hiru hilabete falta dira, hau da, zortzi partida maiatzaren 17ra. Eta hiru punturen aldean hiru talde gelditu dira sailkapeneko buruan Canyamelar Valenciaren aurkako garaipenari esker (32-17), Bera Berak bi puntuko aldea du Helvetia Alcobendasekiko eta hiru BM Rocasarekiko, Alcobendaseko Pabellón de los Sueños pistan bi talde hauek berdindu baitzuten (31-31). Donostian albiste pozgarria izan zen. Garaipena Alcobendasen gelditzeko zorian egon zen partidako 50 minutu baino gehiagotan, halere, BM Rocasan irauli egin zuen -19 gol bigarren zatian- baina azken jaurtiketan ez zuen asmatu. Donostiarrentzat emaitza aproposa zen hiru arrazoi direla medio. Alde batetik, aurkariekiko aldea puntu baten gehitu duelako, Bera Berak bere zilborrari baino ez diolako begiratu behar. Bestetik, Alcobendas bi puntura badu ere eta gipuzkoarrak Pabellón de los Sueñosetik pasatu behar dutela ere, madrildarrek oso zaila dute gol average bereganatzea, Bidebietan 36-22 galdu baitzuten eta 14 golez galtzea ez da inoren buruan sartzen. Hau da, bigarren partida batean huts egin beharko luke Bera Berak. Eta hirugarren arrazoia da BM Rocasarekiko aldea hiru puntura zabaldu dute eta erabakiorra izan daiteke. Telden Bera Berak ikusi zuen kanariarrak bi puntura gerturatu zirela eta gol average delakoa bereganatzen zutela, donostiarrak akatsik egiteko aukerarik gabe utziz eta egutegi latza aurretik. Etxetik kanpo bost jardunaldi Horiz jantzitakoak dute egutegia alde. Falta diren zortzi jardunaldietatik, Bera Berak etxean hiru norgehiagoka izango ditu eta etxetik kanpo, bost; BM Rocasak, alderantziz. Telden BM Rocasak hartuko ditu (Mar Alicante, Kopa aurretik; apirilean, Guardés, Carmen Martín fitxatu berri du eta Elche eta maiatzean, Porriño eta Kukullaga) eta hiru etxetik kanpo (León, Kopa ostean, Zuazo apirilean eta Canyamelar Valencia maiatzean). Bestetik, Helvetia Alcobendas Barakaldo bisitatuko du antolatzen duen Kopa arestian; ostean, final-laurdenetan aurrean izango duen Porriño berriro hartuko du Ligan, gero Valentziara abiatuko da, Adesal hartu, Castelldefelsen jokatuko du, maiatzaren 3an Bera Bera hartu, Valladolid izango da azken bidaia eta Liga Kukullagaren aurka amaituko du. Eta donostiarrak Kordoban arituko dira ostiral honetan Kopari ekin aurretik. Ostean, martxoaren 22an Castelldefels hartuko dute. Selekzioen partidak direla eta etenaldia izango dute eta Bera Berak bi irteera zailak izango ditu Elche eta Valladolid (apirilaren 5 eta 12an), Aste Santu ostean Kukullagak Bidebieta bisitatuko du (apirilaren 26an), Alcobendasera berriro (maiatzaren 3an), Mar Alicante hartuko du (maiatzaren 10ean) eta denboraldia Leonen itxiko du.