05 Otsaila 2014

Alcobendas hiriak hartuko du martxoaren 13tik 16ra bitartean Kopako XXXV. edizioa Espainiako federazioak, Balonmano Alcobendas kluba, Udala eta Madrilgo Komunitateak adostu duten hitzarmena medio. Lehiaketa honi begira Bera Bera eta Helvetia Alcobendas izango dira zerrenda buruak zozketan, izan ere, lehenengo itzuli amaieran sailkapenean lehenengo eta bigarrena izanik, ondorioz, donostiarrak balizko finalean baino ez dira madrildarrekin topo egingo. Zozketan (ez dago zehaztuta noiz den) izango dira Rocasa, Mecalia Atlético Guardés, BM Porriño, Elche Mustang, Zuazo Barakaldo eta Mar Alicante. Horrela, final-laurdenak (martxoaren 13an edo 14ean) Amaya Valdemoro eta Pabellón de los Sueños kiroldegietan ospatuko dira, azken hau Helvetia Alcobendasen ohiko pista. Era berean, final-erdiak (martxoaren 15ean) eta finala (martxoaren 16an) Amaya Valdemoro kiroldegian burutuko dira, 2.300 lagunentzako lekua duena.

05 Otsaila 2014

Atzo goizean iritsi zen Maitane Etxeberria eta Ainhoa Etxeberria jubenil mailako Gipuzkoako selekzioak burutuko duen entrenaldira joateko deialdia. Berau Zumaiako Lubaki kiroldegian izango da igandean 10etatik 12ak bitartean.
Saioan ez da Maitane Etxeberria izango, lehen taldearekin Kanarietan jokatuko baitu larunbatean eta igande eguardian iritsiko da Donostiara.
Eta gaur iritsi da kadete mailako deialdia, Bera Berako bigarren entrenatzaile Martin Larrañagak burutua. Bertan izango dira Irati Camino eta Elene Vázquez, Donostiako La Salle kiroldegian, 16etatik 18ak bitartean entrenaldia burutze aldera.
Juan Antonio Garaikoetxearen argazkian, Irati Camino jaurtitzen eta atzean Elene Vázquez.

03 Otsaila 2014

Bera Bera Eskubaloiko kadete nahi jubenil taldeek Euskal Ligan jarraituko dute datorren denboraldian, larunbatean Barakaldon jubenilen garaipenari esker (14-18). Liga amaieran kadete eta jubenil sailkapenak bateratuz finkatzen dira azken posizioak eta, ondorioz, Bera Berak bi puntu atera dio Usurbil K.E.ri, Zumaiako Pulporekin batera maila galdu duten taldeak. Bera Berak kadete eta jubeniletan oso maila altua duen Zuazo Barakaldoren aurka jokatu behar zuen eta gutxienez puntu bat behar zuen bi partida horietan. Lehenengo norgehiagokan donostiar kadeteak liderraren aurrean irabaztean joan arren Zuazok partida irauli egin zuen (21-19). Ondorioz, jubenil taldearen norgehiagoka erabakiorra gertatu zen. Eta oso ondo eutsi zioten erronka eta presioari. Partida osoa aurretik joan ziren, kontrolpean izan zuten lehia eta azkenean (14-18) nagusitu ziren, mailari eusteko behar ziren puntuak eskuratuz. Hau esanda, Bera Bera Eskubaloiak Euskal Federazioari idatzi bat luzatu behar dio erabakiorrak ziren partida hauek hasteko falta ziren ordu gutxi batzu falta zirela baldintza bereziak bezain jasaezinak bizi izan zirelako. Alde batetik, Lasesarren 16etan jokatu behar ziren partidak, Zuazo Barakaldo eta Bera Berako kadete eta jubenil taldeak Gorostizako kanpoko instalakuntzetara joan behar izan zuten, gure ustez ez zen lekurik egokiena azken jardunaldirako, behin betiko sailkapena zehaztu behar duena. Gainera, ostiralean 18,16etan gure helbide elektronikora iritsi zen mezu baten bidez izan genuen aldaketaren berri, hau da, partida hasteko 22 ordu lehenago. Honek gure planfikazioan ez ezik senior eta ohorezko mailan eragin handia ere izan zuen, Maitane Etxeberria jubenilekin eta lehen taldearekin aritu behar zuelako. Eta, argi gera dadila, gertaera guzti hauetan ez diogu ezer leporatzen Zuazo Barakaldori. Senior Bestetik, Bera Bera senior taldeak Errenterian Ereintza gainditu zuen 23-25 eta Euskal Ligan bigarren jarraituko du.

01 Otsaila 2014

Bera Bera Eskubaloiak beste urrats bat eman du gaur berriro Liga irabazteko ahaleginetan, Bidebietan Mecalia Atlético Guardés gaindituta, laugarren sailkatua zortzi puntura utziz.
Eta lortu du zailtasunak zailtasun. Batetik, erasoko jokuan arazoak izan ditu, galiziarrek Bera Beraren albokoak, hasieran Elorza eta Ana Martínez, estutu dituelako. Arabarrak aurreneko abaintaila eman dio taldeari (2-0).
Halere, defentsak nagusi izan dira, baloi azkar mugitzen ez dute asmata batak eta besteak eta gainera Ana Temprano eta Cristina Maestro asmatu dute atepean. Ondorioz, lehenengo zati erdian (3-3) baina Bera Berarentzat kezkagarria ziren María Núñez bi kanporaketak.
Bi entrenatzaileek eskaturiko hutsarteak donostiarrak bizi ditu. Eli Pinedo 22. minutuan atera da eta Bera Berak 4-1eko partziala lortu du, Elorza, Ziarsolo (2) –gaur 32 urte - eta Menéndezen golei esker.
Baina zailtasunak itzuli dira, izan ere, epaileek Silvia Ederrari txartel gorria atera diote aurkari bat bultzatu duelakoan jaurtitzera zihoala. Atsedenaldira, 10-6. Bigarren zatian,
Arizagak hartu du Núñezen lekua defentsan baina Guardések ez zuen asmatzen. Pinedo eta Núñezen golei esker, Bera Berak galiziarrak bikoiztu ditu (12-6) halere 35 minutuetan egin ez dutena ia bost minutuetan lortu dute, 1-5 partziala eta Guardés berriro partidan zegoen.
Andrea Dapenaren gol batek bere taldea gol batera utzi du baina Pinedok lehenengo lerrotik bi gol lortu ditu, Bera Berak defentsan estutu du Castro eta Ziarsoloren kontraerasoak baliatuz eta 5-0 partzialak lasaitasuna eraman du Bidebietara (20-14, min 49).
Halere, akatsak ez dira amaitu baina Mecaliak ezin izan du aldea gehiago murriztu. Oso garaipen garrantzitsua zailtasunak gainditu dituelako eta Ligarako erabakiorra izango den partida atarian, izan ere, Bera Berak Kanarietan jokatu du BM Rocasaren aurka datorren larunbatean.
Jardunaldia pozgarria izan da Bera Berarentzat, jubenilek Barakaldon lorturiko garaipenari esker –Maitane Etxeberria bertan izan da- , kadete nahiz jubenil taldeak datorren urtean Euskal Ligan jarraituko dutelako.

Bera Bera 22, Mecalia Atlético Guardés 19

Bera Bera 22 (10+12): Temprano, Castro (4), Martínez (1), Arrojeria, Núñez (2), Elorza (4) eta Ziarsolo (6, 3p) –titular- Menéndez (1), Ederra, Pinedo (4) y Arizaga. Deialdian, María Akuña eta Uxue Ezkurdia.

Mecalia Atlético Guardés 19 (6+13): Maestro, Ana Cerqueira (2), Doiro (2), Alba Dapena (1), Kurchankova (8), Andrea Dapena (2) y Amorós (1) –titular- Raquel Corte (2), Morais (1), Barrios Bárbara Cerqueira eta Irene Sánchez (o.a.).

Epaileak: Gregorio Muro (Madrid) eta Alfonso Rodríguez (Valentzia)
Kanporatuak: Bera Beratik, Núñez (2), Pinedo eta Ziarsolo eta txartel gorria Ederrarentzat. Mecalia Guardésetik, Ana Cerqueira eta Manu Etayo (Andrea Dapenak bete du).

Partzialak: 2-1, 2-2, 3-3, 6-5, 7-5, 10-6 –atsedenaldia- 12-6, 13-9- 15-14, 20-14, 20-17 eta 22-19.

Argazkia: Juan Antonio Garaikoetxea.