Bera Bera - Berriak

15 Martxoa 2014

Alcobendasen ospatzen ari den Kopako XXXV. edizioko finalerdietan izango da Bera Bera, gaur arratsaldean Prosetecnisa Zuazo Barakaldo gainditu ostean (18-29).
Hasieratik, Imanol Álvarezen jokalariak konzentraturik atera dira oso. Defentsan, erdian Menéndez eta Núñez, Martínez eta Pinedo eta hegelatan Castro eta Arrojeria. Gaur kopan debuta egin duen usurbiltarrak atea ikusi du hasieran. Bere hiru golei esker Bera Berak lehenengo abantaila hartu du. Zuazok Ainhoa Hernández pibotearekin jokatzen saiatzen zen baina ostean donostiarren defentsa estutu du eta Castrok eta Pinedo ondo gauzaturiko kontraerasoak iritsi dira.
Tartea zabaltzen joan da minutuak pasatu ahala. Temprano gelditzen hasi da eta baloi luzeak bidaltzen hegaleko jokalariei. Posizionalean Arrojeriaz gain Ana Martínez zen hutsuneak aurkitzen zituena.
Imanol Álvarezek minutuak banatu ditu jokalari guztien artean, Patri Elorza mina hartuta eserlekuan utziz. Arizaga, Etxeberria, Dunay eta Ziarsolo sartu dira eta esker hegaleko gaztea fin ibili da ate aurrean.
Atsedena aurretik Bera Berak asmatu du zortzi goleko aldea hartuz (10-18). Alba Menéndezen bi kanporaketa izan da arlo negativo bakarra.
Bigarren zatian, Zuazo indarberrituta atera da eta Tania Yáñezen lau golei esker bizkaiarrak gerturatu ditu 14-19 (39. min).
Halere, Bera Bera berriro ere defentsan ondo aritu da eta erasoan lasaitasuna aurkitu du Pinedo eta Ana Martínezekin.
Partida amaieran Vero Cuña galiziarrak minutu batzu izan ditu. Belaunean duela urte eta bost hilabete ostean berriro itzuli da pistara. Kopan debuta egin dute Uxue Ezkurdiak eta Maria Akuña atezainak. Bihar, 16etan, Alcobendaseko Amaya Valdemoro kiroldegian,
Bera Bera eta Mecalia Guardés taldeek bigarren finalerdikoa jokatuko dute eta aurretik, 13,30etan Helvetia Alcobendas vs Rocasa.
Juan Antonio Garaikoetxearen argazkian, Esther Arrojeria.

Fitxa: Zuazo 18, Bera Bera 29

Zuazo Barakaldo 18 (10+8): Esteban, Álvarez, Bonilla (1), Ahedo (3), Alexandra Gil (1), Hernández (3), Aldekoa –titular- Yáñez (10, 4p), Cobo, Heras, Fernández (p.s.), Markaida eta Galarza

Bera Bera 29 (18+11): Temprano, Castro (5, 1p), Martínez (3), Arrojeria (5), Núñez (1), Menéndez (1) eta Pinedo (5, 2p) –titular- Arizaga (1), Dunay, Ederra (1), Etxeberria (5), Ziarsolo (1), Ezkurdia, Cuña (1p) eta Akuña (o.a.)

Epaileak: Sebastián Fernández eta Alberto Murillo (Andaluzía)
Kanporaketak: Menéndez (3, gorria), Ziarsolo eta Castro Bera Beratik eta Cobo (2), Heras eta Bonilla Zuazotik.
Partzialak: 1-2, 4-6, 5-9, 7-12, 8-14, 10-18 –atsedenaldia- 13-18, 14-20, 15-22, 17-24, 17-27 eta 18-29

15 Martxoa 2014

Bera Bera Eskubaloiak berriro ere frogatu du Kopa gustoko duela eta Mecalia Atlético Guardés (21-26) gainditu du Alcobendaseko Amaya Valdemoro kiroldegian burutzen ari den Kopako XXXV. edizioko bigarren final-erdian. Porriñon, iaz bezala, Rocasa Ace Gran Canaria izango da aurkaria Helvetia Alcobendas (30-37) gainditu baitu.
Bera Berak oso partida serioa jokatu du defentsan eta erasoan aukera asko erakutsiz, batez ere bigarren zatian asmatu duelarik. Partida oso paretsu joan da 25. minutura arte. Estela Doirok ondo mugitu du taldea eta Bera Berak baloiak galdu ditu erasoan. Halere, Temprano baloiak gelditzen hasi da eta Bera Bera 4-6 jarri da Pinedoren kontraeraso bati esker. Halere berriro berdintasuna ageria da: 6-6, 7-7. 8-8, 9-9.
Imanol Álvarez defentsan Elorza eta Núñez erdian kokatu ditu, Menéndez eta Pinedo lagun eta Castro eta Martínez. Arrojeriak Elorza ordezkatzen zuen erasoan, internazionalak atzo ez zuen jokatzerik izan eta gaur defentsan aritu da.
Ederrak sarturiko gol bati esker, 9-9 berdindu da partida eta hortik aurrera Bera Berak gehiago estutu du eserlekutik atera diren jokalariei esker. Ana Martínez –lau gol- eta Ziarsoloren golekin (10-12) iritsi gara atsedenaldira. Núñez, Pinedo eta Castro atsedena hartu dute lehenengo zatian.
Bigarren zati hasieran, Pinedo lehenengo lerroan jarri da. Baina batez ere defentsa gaindiezina ibili da eta, ostean, Temprano Bera Berako jokalari onena aukeratua. Menéndezek bost gol sartu ditu ardura hartuta eta guzti honek garaipena eman dio Bera Berari. Kopako 15. Finalerdian, 10. Finala jokatuko du bihar Bera Berak Rocasaren aurrean 1etan (Teledeporte)

Fitxa: Mecalia Atlético Guardés 21, Bera Bera 26

Mecalia Atlético Guardés 21 (10+11): Maestro, Amorós (3), Doiro (5), B. Cerqueira (2), Kurchankova (5), Andrea Dapena (1) eta Raquel Corte (2)–titular- Morais, Barrios (2), Carmen Martín (1) eta Irene Sánchez (p.s.).

Bera Bera 26 (12+14): Temprano (1), Castro (3), Martínez (4), Menéndez (5), Núñez (2), Elorza (1) eta Pinedo (5, 3p) –titular- Arrojeria (1), Etxeberria, Ederra (2), Ziarsolo (2), Arizaga. Deialdian: Dunay, Cuña eta María Akuña.

Epaileak: Javier Álvarez (Bizkaia) eta Ion Bustamante (Nafarroa)
Kanporatuak: Menéndez (2) eta Martínez (2) Bera Beratik eta Barrios eta Carmen Martín Mecaliatik.

Partzialak: 2-2, 4-4, 5-6, 7-7, 9-9, 10-12 –atsedenaldia- 10-14, 12-18, 14-22, 15-24, 18-25 eta 21-26

13 Martxoa 2014

Lehiaketa “hasteko, bizitzeko, gozatzeko eta irabazten saiatzeko” gogoa duela onartzen du. Bera Bera Eskubaloiko entrenatzaile Imanol Álvarezek, Kopan debuta egingo duena Alcobendasen, aurreneko aldiz plantilla osoa du prest. Azkeneko partidetan deialdian sartu diren 14 jokalariei Uxue Ezkurdia, Vero Cuña eta Yamiley Rodríguez gehitu zaie. “17 jokalari goaz, horietako bi –Vero eta Yamiley- lehiatzeko erritmo faltan izan arren lagungarriak izango dira”. Verónica Cuña zentrala deialdi batera itzuliko da 2012ko urrian belaunean mina hartu zuenetik eta Yamiley Rodríguez atezaina, hernia diskala kausa, 2013ko irailaz geroztik pistetatik kanpo dago. Imanol Álvarezen esanetan, “talde guztiek pentsatzen dute irabazteko aukerak dituztela”. Bera Bera faborito nagusien artean izanik, entrenatzaileak onartzen du egoera “txapeldunak gara, faboritotzat hartzen gaituzte batzuk baina ez gara gu hortik jaitsiko garenak”. “Txapelketa irabazteko asmoarekin goaz” azpimarratu du. Halere, adierazi du “lehenengo partida baino ez dugu prestatu”. Bera Berak Kopako final-laurdenak Prosetecnisa Zuazo Barakaldoren aurka itxiko ditu, aurtengo denboraldian bost aldiz gainditu duen taldea (Ligako bi, Euskadiko Kopa eta bi lagunarteko). Halere, Imanol Álvarez Zuazoren indarguneak azaldu dizkie beste behin bere jokalariei. “Ligako partida izango balitz bezala prestatu dugu eta gero norgehiagokak horrela uzten badigu jendeari atsedena emango diogu baina ezin dugu indarrak gorde partida irabazi gabe” azaldu du. “Partidarik zaileena aurrenekoa denez”, Imanol Álvarezek eskatu die jokalarie “azkeneko partidetan egin dugun defentsa burutzeko eta erasoan, lasaitasuna eta konfidantza”. Porriñon 2013an lortutako tituluari eusteko balizko presioaz galdetuta, Ermuko entrenatzaileak onartu du bere taldea faboritoen artean egotea baina “gehienetan garaile da ondoen egoten dena”. “Kopan egun batean erabakitzen da dena, Ligan hain garrantzitsuak ez diren alderdiak kanporaketa batean, bai”. Taldeak gaur arratsaldean Autocares Davidekin egingo du bidaia, bihar 10,45etatik 11,45etara entrenatuko da Pabellón de los Sueños pabilioian, Mar Alicante eta Mecalia Atlético Guardés partida ikusiko di, hotelera itzuliko da bazkaltzera eta atseden hartzera. Gero, 20,15etatik aurrera, Amaya Valdemoro pabilioian Zuazo Barakaldo izango du aurrean Bera Berak (Sebastián Fernández eta Alberto Murillo, Andaluzia), Kopan 23 urtetan, 15. final-erdia helburu.

13 Martxoa 2014

Harrobiko talde guztiek egun batez aurreratu dute jardunaldia Alcobendasen ospatuko den Kopako XXXV. edizioa ikusi ahal izateko, gutxienez final-erdiak eta finala bertan bizitzeko. Horrela, bihar Donibaneko kiroldegian, Bera Berako lurralde mailako kadete taldeak Urnieta Mecanizados Kamox izango du aurrean 17,45etan. Euskal Ligan, Bera Berak Kukullaga hartuko du Bidebietan. Kadete taldeak 18etan eta jubenil taldeak, 19,30etan. Eta senior mailako taldeak Mundakara joango da, 20,30etan bertako kiroldegian Urdaibai taldearen aurka jokatzeko. Lerro hauen bidez Bera Berak talde guzti hauek eskerrak eman nahi dizkie jardunaldia aurreratzeko erraztasunagatik.

12 Martxoa 2014

Azken orduko aldaketak medio, Sagrario Santana hautatzaileak Espainiako junior selekzioan kokatu du aurreneko aldiz Maitane Etxeberria, martxoaren 23tik aurrea burutuko den konzentrazioan. Junior mailako selekzioak Frantziako Deauville hirian lau nazioen txapelketan parte hartuko du Hungaria, Alemania eta Frantziarekin batera martxoaren 28tik 30ra bitartean. Bera Berako hegalekoa -97an jaioa gazteena izango da 94 eta 95ean jaiotakoak osatzen duten deialdian- Joaquín Blume residentzira joango da martxoaren 23an Teresa Francés ordezkatuz, ikasketak direla eta joaterik ez duelako. Goiz eta arratsaldez entrenatuko dira astelehenetik asteazkenera eta Sagrario Santanak 16 jokalariekin –bat soberan dago- osaturiko zerrenda ezagutzera emango du, ostegunean bidaia egiteko, ostiralean Hungariaren aurka jokatzeko, larunbatean Alemania izango da aurkaria eta igandean bertakoak. Junior mailako selekzioa Madrilera iritsiko da martxoaren 31n arratsaldeko 2etan.