16 Urria 2014

Asteburu honetan infantil mailako Gipuzkoako ligako neska eta mutilen taldeak lehiatzen hasiko dira. Aurtengo nobedadea da eskubaloia Bera Bera RTko egituran dagoenetik aurreneko aldia da mutilen talde bat osatu dela. Horrela, mutilek larunbatean Zarauzko Antonianosen jokatuko dute 11,15etan eta aurrean Amenabar E ZKE taldea izango dute. Bestetik, infantil mailako neska taldeak igandean Yoldin 10,45etan Udarri B Usurbil taldea hartuko dute. Era berean, Bidebietan larunbatean 16etan lurralde mailako kadete taldeak Pneumax Elgoibar izango du aurrean, hau da, ohorezko mailako taldeak Helvetia Alcobendas (18 etan) hartu aurretik. Bestetik, igandean Bidebietak kadete eta jubenil mailako taldeak hartuko ditu Urdaibairen aurka. Aurrenekoak 10etan eta jubenilek, 12etan. Eta senior mailako taldeak Gascan jokatuko du Aloña Mendiren aurka igandean 12,30etan.

16 Urria 2014

Azkeneko bi urtetan izandako taldekideak hartuko ditu Bidebietan larunbatean. Hori dela eta “beraiekin egoteko irrikan nago, intentsitate handiko bi urte izan dira oso oroitzapen onekin baina era berean pistan errespetu handie diet”. Maite Zugarrondo atezainak Helvetia Alcobendas definitu du “etengabeko proiekzio taldea gisa, metodologi definitua duena, maila ezberdinetan selekzioarekin aritu diren jokalariak hartzen ditu beraiekin lanean jarduteko eta, ondorioz, indibidualki oso kalitate ona dute”. Félix Garcíaren taldeak ez du zorterik izan egutegiarekin aurreneko jardunaldietan A Guardan, Telden eta orain Donostian aritu delako. Zugarrondoren ustez “sailkapenak egun ez du errealitatea adierazten Alcobendas beti aurreneko lau taldeen artean egongo delako”. Horregatik, “orain hona guztia ematera etorriko dira, guk errespetu handia diegu eta adi egon behar dugu”. Nafar atezainak azpimarratu du Alcobendasen “defentsa, erdian jokalari onak dituzte, Paula Garcia galdu dute baina Judith Sans fitxatu eta eraso jokoa definituta dute Silvia Arderius gidari hegaletan gol asko dutelarik. Halere defentsa eta kontraerasoa aipatuko nituzke”. Zugarrondok partidarekiko “sentsazio onak ditut”. Gainera atezaina izanik jakin badaki taldekideen ezaugarri nagusienak “eta hor psikologia arloa garrantzitsua da”, ondorioz, “konzentrazioa” azpimarratuz. Donostian daraman denboraz dio “taldeari ez, baina jokuari moldatzea hasieran kosta egin zitzaidan. Alcobendasekiko aldaketa nabarmena da eta defentsarekin koordinazioa kostatu zait baina orain oso gustora nago, ni neu izaten hasi naiz eta jokatzeko irrikan nago”. Zugarrondok oso oroitzapen politak ditu Alcobendasetik eta batez ere Estela Carrera atezainarekin. “Izan dudan taldekideen artean onenetarikoa izan da eta minutuak banatzen genituen elkarren artean”. Eta orain oso pozik dago “Ana Tempranorekin, sekulan ez nuen imaginatuko bere ondoan egongo nintzela eta oso gustora, erlazio ona dugu, elkarri asko laguntzen diogu eta hori pistan nabaritzen da” amaitu du.

15 Urria 2014

Gustora dago, ez taldeak lidergoan dagoleko aurreneko etenaldira iritsita, “egindako lanagatik” baizik. Bera Berako entrenatzaile Aitor Etxaburuk adierazi du lau jardunaldi hauetan “gure lana bete dugu” eta bere ustez “hasiera honek lan orokorra egiteko aukera eman digu”. Horrez gain, ez da harritu aukari zuzenak (Gaurdesek Valladoliden eta Rocasak Valentzian) puntuak galdu izana “pista horietan horrelakorik gerta daitekeelako”. (entzun Aitor Etxabururen adierazpenak -erderaz-)
“Intentsitate handiko bi hilabete igaro ostean, abuztua eta iraila, etenaldia ondo etorri zaigu” adierazi du komunikabideei. “Lanean deskarga egin dugu, arazo fisikoak izan ditugu baina ez larriak eta aprobetxatu dugu fisikoki errekuperatzeko eta froga fisikoak egiteko”.
Pozik da, antza, denboraldi hasieratik lehenengo aldiz izango du prest plantilla osoa Bidebietan larunbatean (18etan) –ohi baino ordubete lehenago- Helvetia Alcobendas hartzeko. Horrek esan nahi du Ana Martínez debuta egingo duela larunbatean. “Errekuperazio fasea amaituta, alta dauka nahiz eta zenbait ariketa egin behar dituen” azaldu du.
Bestetik, Elorza, Núñez eta Pinedo internazionalak entrenaldietara gaur itzuliko dira Tunezen Espainiako selekzioarekin jokatu ostean.
Bera Berak orain bete behar duen denboraldiko bigarren zikloaz galdeturik, Ligako sei partida eta EHFko kanporaketa aurrean dituelarik, Etxaburuk baieztatu du. “Urrian aurkari zuzenak izango dugu eta azaroa liluragarria izango da” onartu du “baina lehenengo oztopo Alcobendas da eta Valentziaz haratago ez dut begiratu” adierazi du.
Era berean, Etxaburu gustora dago “pixkanaka pixkanaka taldeak nahi duguna egiten duelako”. “Gure jokuan Temprano nahiz Zugarrondok garrantzi handia dute eta defentsari etekina ateratzen ari gara transizio eta kontraeraso ezberdinak gauzatuz” azaldu du eta “bigarren boladan hasieran baino baloi gutxiago galtzen ari gara”.
Ligari buruz, Etxaburuk “alde handia ikusten dut etxean edo kanpoan aritzea; iritsi eta jokatu zaila da”. Zentzu honetan, Helvetia Alcobendasek aise irabazi ditu etxeko partidak pabellón de los Sueñosen eta A Guardan eta Telden. “Guardes estu hartu zuen eta etxekoak ondo atera ditu”.
Bera Berako entrenatzailearen ustez Alcobendasek “aniztasuna du erasoan nahiz defentsan. Mugikortasun handia du, Arderiusek ondo zuzentzen du taldea, Ausas eta De la Cruzekin kanpoko jaurtiketa du, barneraketak egiteko aukera, hegaleko bikainak eta pibote altuak, hau da, lehiakorra eta baliabide ugari dituena defentsan eta erasoan”.
Pinedo (Ligako golegile nagusiena) eta Ziarsolo (aurreneko hamargarren artean) jokalariekiko taldeak duen dependentziaz galdeturik, Etxaburuk onartu du “gol asko egiten dituzten jokalariak dira” baina ez dago ados “eraso posizionalean beraiekiko dependentzia ez da hain nabaria”.

13 Urria 2014

Bera Berak burutu duen hilabete t’erdi honetan, laugarren Superkopa bereganatzeaz gain Ligako lau jardunaldietan garaipenak poltsikoratu ditu, aurreneko etenaldira lidergoan iritsi delarik Valladolideko Aula Cultural taldearekin batera. Gaur arratsaldean donostiarrak entrenaldietara bueltatu dira Ligako sei partida eta Europako kanporaketari heltzeko, denboraldiko etorkizuna markatuko duten sei aste garrantzitsu izango dituzte aurrez aurre. Etxean sendo ibili arren, 34 partida jarraian irabazi ditu Bera Berak (Bidebietan, 33) hiru aurkari indartsuak hartuko ditu hurrengo hilabetean. Aurrenekoa larunbatean, hilak 18, 18etan –ohi baino ordubete lehenago- Bidebietan Helvetia Alcobendas izango delarik. Hurrengoa, azaroak 1, eta Elche Mustang izango da aurrean eta Mecalia Atlético Guardés taldearen aurkako norgehiagoka astean zehar iritsiko da, ziur aski, azaroaren 12an, bi taldeek, euskaldunak nahiz galizarrak Europako kanporaketari heldu behar dietelako. Izan ere, larunbat honetan Bera Berak ezagutuko du finalhamaseietan izango duen aurkaria, Italian (ostiralean eta larunbatean) bertako Jomi Salerno eta Isladiako IBV taldeek jokatu behar duten kanporaketaren irabazlea, alegia. Guardesek, aldiz, urriaren 25era arte itxaron beharko du aurkaria ezagutzeko, Norvegiako Byasen Trondheim edo Montenegroko WHC Danilovgrad hain zuzen. Bera Berak etxean irekiko du kanporaketa azaroaren 15ean eta itzulekoa azaroaren 22an izango da. Ligan, Bidebietatik at, Bera Berak Valentzian, Valladolid eta Málagan jokatuko du. Gipuzkoarrek Canyamelar Valenciaren (urriaren 25ean) pista bisitatuko du, aurreneko liga irabazi zutenean 25-23 galdu zuen eta azken jardunaldian Rocasak puntu bat utzi duen. Azaroaren 8an Huerta del Rey kiroldegian Aula Cultural izango du aurrean, egun lidergoan dagoen taldea. Eta Eurokopako etenaldia aurretik Málagan arituko dira donostiarrak –astean zehar- igo berri den Clínicas Rincónen kontra.