Bera Bera Eskubaloia datorren denboraldirako akordioa iritsi da taldeko bizkar hezurra osatu duten jokalari askorekin, azkeneko urtetan arrakasta ugari lortu dutenak. Jokalariak dira: Ana Temprano atezaina (30 urte), Patricia Elorza (30 urte) eta Alba Menéndez (23 urte) hegalekoak eta María Núñez (25 urte) eta Silvia Ederra (30 urte) piboteak.
Bost jokalari hauek, kontratua duen Eli Pinedorekin batera, datorren deboraldiko plantilla osatuko dute. Bera Bera Eskubaloiko arduradun Tati Garmendiak “garrantzitsutzat” jo ditu jokalari hauek “batez ere defentsa arloan, Bera Beraren oinarri izan dena azkeneko denboraldietan lorturiko arrakastan”.
Jokalari hauen ibilbideari dagokionez, “Ana Tempranok arrazoia eman digu bere aldeko apostua egindakoan, asko gelditzeaz gain Kopan jokalari onena izendatu zuten eta Jorge Dueñasek deitu du denboraldia amaieran”. Bestetik, Bidebietan bigarren urtean, Bera Beraren arduradunaren esanetan, “Elorza eta Núñez funtsezko lana burutu dute, nabarmenagoa defentsan izan dena; Silvia Ederrak duen eskarmentua oso ondo datorkigu eta ziur naiz gehiago emango diola taldeari”. “Azkenik -amaitzen du- Alba Menéndezek urrats handia eman du bere proiekzioan, Champions League eta Erreginaren Kopa harrigarriak egin dituenak eta orain erregulartasuna aurkitu behar du, hobekuntza moduan”.
Garmendiak berresten du “jokalari multzo gehiena mantendu nahi dugu, baliabide ekonomikoen arabera indartuko duguna”. Zentzu honetan, berarekin jarraitu nahi izan arren, klubak ezin izan dio Adriana Castro brasildarrari kontratua berritzeko eskaintza.
Bestetik, Matxalen Ziarsolo, Ana Martínez eta gazteekin elkarrizketak oso aurreraturik daude taldean jarraitze aldera. Beharren aldetik, Bera Berak atezaina behar du eta, gutxienez, jokalari bat postu bat baino gehiago menperatzen duena, aurreneko denboraldiak utziko dituen lau baja betetzeko. Lan horretan murgilduta dago dagoeneko Aitor Etxaburu, entrenatzaile berria, bideoak ikusi dituenak eta Tati Garmendiak erreferentziak eman dizkiona.
Select your language
