Bera Bera - Berriak

21 Apirila 2013

Partida amaitzeko 20 minutu falta direnean Reyes Carrerek atsedena ematen badie Eli Pinedori eta Patri Elorzari, 15 minutu falta direnean Uxue Ezkurdiak Matxalen Ziarsolo ordezkatzen badu eta Yamileyk Zoqbi, horretarako arrazoi sakonak zituen. Bera Berak gol festa batekin saritu ditu Bidebietan bildutako zaleei lidergoan jarraituz. Elche eta Rocasa taldeen garaipenak, Lizarran eta Castron gauzan ziren bezala uzten ditu.
Jaialdia ez da erasoan bakarrik gauzatu, defensan ere bai. Beti bezaian leial, Bera Berak oso ondo defendatu du Cleba Leonen erasoa. Hasierako 0-1 aurreratu arren, Leongo jokalariek asko sufritu dute erasoan, are eta gehiago Darly Zoqbi partidan erabat sartuta dagoenean.
Erasoan, Bera Berako jokalariak gose ziren. Castrok eta batez ere Patri Elorzak hutsuneak aurkitu dituzte 3-3 defentsan eta donostiarrek tartea ireki dute (13. Min., 7-2).
Eta horrez gain zalegoak gozatu egin du, batez ere aurreneko zatian Eli Pinedoren fly zoragarri batekin eta bigarrenean olinpikoek bere pistatik sartutako golekin.
Bera Berak Cleba Leonen defentsa irekia gainditu dute (20. Min 12-6). Halere, lasaitasun uneak aprobetxatu dute Leongo neskako gerturatzeko 12-8. Matxalen Ziarsolok bi gol jarrain sartu ditu eta Núñez eta Ederra piboteek gol bana berriro tartea ireki dute (24 min. 16-8).
Atsedenaldian, Bera Berak bere markarik onena gainditzeko zorian ego da, 23 gol sartu baitzion Gaskan Valentziari.
Halere, gehiago nahi zuen eta lortu egin du. Pinedok eta Elorzak kontraerasoak oztopatzen saiatu den Cristina atezaina gainditu dute bere pistatik eta donostiarren defentsak ez dute jaurtitzeko betarik eman (34. Min 26-11).
Bigarren zati honetan, Reyesek Nagore Arizagari eman dio ardura eta andoaindarrak gozatu egin du Ederrari bi asistentzi emanez eta bost golekin. Horrez gain minutuak eman dizkie Uxue Ezkurdia eta Esther Arrojeria gazteei. Egiakoak bi gol sartu ditu eta usurbiltarrak barneraketa bikaina gauzatu du Bidebietak gogoz txalotu duena.
Aipamen berezia, Darly Zoqbirentzat. Gaindiezina izan da partida osoan zehar eta bere ordezkoa, Yamiley Rodriguezek ere ondo bete du bere lana, bost gol baino ez ditu jaso akaso minutu zailenetan. Donostiarren garaipen berri bat sailkapeneko buruan jarraitzeko. Hurrengo geltokia, Barakaldo, larunbata 18,30etan. Liluragarria!

Fitxa: Bera Bera 46, Cleba León 20

Bera Bera 46 (22+24): Zoqbi, Castro (6), Elorza (7), Menéndez, Pinedo (5), Núñez (4) eta Ziarsolo (6, 2p) –titularra- Ederra (5), Arizaga (5, 1p), Dunay (2), Altuna (3), Ezkurdia (2), Arrojeria (1) eta Yamiley (o.a.).

Cleba León 20 (11+9): Cristina, Cristina Álvarez, Ausas (4), Andrea Álvarez, Ilina (5), Raquel de la Cruz (5) eta Caño (3) –titularra- De Garnica, Gutiérrez, Clara García (2) eta Blanco (1)

Epaileak: Luciano Adrian eta Sergi Melus (Kataluniarrak) Kanporaketak: Menéndez, Pinedo, Elorza, Ederra eta Arrojeria Bera Beratik eta Ausas, De Garnica eta Ilina (3, gorria 42. min).

Partzialak: 3-1, 6-1, 8-2, 12-6, 16-8, 22-11 –atsedenaldia- 27-12, 31-13, 33-14, 38-16, 41-18 eta 46-20.

19 Apirila 2013

Ez dago minik. Bera Berak baliabide guztiak erabiliko ditu bihar Bidebietan Cleba Leon taldearen aurkako partidan (larunbata 19etan, Luciano Adrian eta Sergi Melus, kataluniarrak). Horien arten, Eider Rubio. Bizkarrez ondaezik, donostiarra minutu batzu jokatzeko prest dago.
Era berean, arazoekin ziren jokalari guztiek gaurko entrenaldian parte hartu dute eta gogo handia dago bihar Cleba Leon hartzeko. Jokalariek jakin badakite partidaz partida, garaipenak bata bestearen atzetik iritsi behar direla.
Bera Berak bere eskuetan du helburua, gertuago izango duena orain arteko jokua eginez gero.
Cleba Leon taldeak sailkapen erdian kokaturik dago, Europan jokatzeko aukera eskasak ditu –zortzi puntura- baina ez dago behera begira. Horrez gain, bolada polita darama, izan ere, azkeneko zazpi partidatik Rocasak baino ez dio irabazi eta lehengo larunbatean Porriñoren aukra berdindu egin zuen.
Cristina atean, Ilina pibotean, Ausas hegalean eta Raquel Caño golegile nagusiena dira talde honetako erreferentziak. Denboraldi honetan 3-3 defentsa egin du, 5-1 bihurtzen dena.
Bera Berak joaneko partida gogora ekarri nahi du, etenaldi aurretik ospatu zena. Zazpi kanporaketa jasan arren, Bera Bera hasieratik nagusitu zen.

18 Apirila 2013

Lehiatu gabe aste batzu egon ostean, Bera Bera Egia jubenil taldeak larunbatean, apirilak 20, 16etan Urnietako udal kiroldegian hasiko du Kopan ibilbidea Urnieta HK10 Hotela taldearen aurrean. Ordizia Eskubaloia, Ereintza Aguaplast eta CDB Leizaran taldeak osatzen dute multzoa. Bestetik, kadete mailako taldeak datorren asteburuan debuta egingo du Egian. Infantil mailan, Gipuzkoako txapelketan, Bera Bera Egia Infantil Bi igandean 12etan Yoldin La Salle Legazpi hartuko du eta Foru Aldundia txapelketan Bera Bera Egia Infantil Bat taldeak Bidebietan jokatuko du 12,30etan Aiala B ZKE taldearen aurrean. Lehiaketa berean, baina kadete mailan, Bera Bera Egia vs CDB Leizaran partida larunbatean 16,30etan ospatuko da Bidebietan, hau da, ohorezko mailako Bera Bera vs Cleba León aurretik. Deialdia Gipuzkoako federazioak Maitane Etxeberria eta Anne Valle deitu ditu Ordizian entrenaldia burutzeko apirilak 28 igandean, goizeko 9,45etatik aurrera, jubenil mailako aurreselekzioa osatze aldera.

18 Apirila 2013

Bera Bera Eskubaloiko entrenatzaile Reyes Carrerek “oso une gozoan gaude” dio halere, onartu du “onena gelditzen da, batek ez daki onena den edo gehien presionatzen duena baina horrelako momentuetan gozatu behar dugu eta amaiera iristen denean egindako ibilibideari erreparatu”. “Orain bidean gaude eta gozatu egin behar dugu” azpimarratu du. Ibilbide horretan, Reyesen arabera, taldeak bera jokuarekiko lehiala izan behar du. “Ezinbestekoa da, batez ere, talde ausarta izatea, hemen baldin bagaude talde ausarta izan garelako da, kontraerasoetara bildur gabe atera dena, beti bezala arriskuak hartuz”. “Gure jokua egin behar dugu –jarraitu du entrenatzaileak-, defentsa sendo bat abiadura bermatuko dueta eta arriskuak hartuz, orain arte, ondo joan zaigulako”. Zentzu honetan, Reyesek eskatu du “erabakitzeko ahalmena iraunkorra izatea, hau da, egoera batek ezin digu besoak lotu behin eta berriz”. Datorren larunbatean Bidebietan, Bera Berak Cleba Leon hartuko du 19etatik aurrera (Luciano Adrian eta Sergi Melus, kataluniarrak). Hori guztia kontutan izanik, Reyes “oso ondo” ikusten du taldea, “ondo entrenatzen ari delako, pozik dago, emaitza positiboak lagun, lesionaturik ziren jokalariak sendatzen ari direlako, borrokan jarraitu nahi duelako eta gu guztiok bat egin dugulako helburuarekin” azaldu du. Larunbatean “jokalari guztiak prest izango ditugula espero dut”. Eider Rubio taldearekin entrenatu da bizkarrean duen mina erabat sendatu ez arren eta gaur Libe Altunak atsedena hartu du belaunean gainkarga dela kausa. Anestesia Arazo fisiko hauen inguruan galdeturik, Reyesek adierazi du “sprint honetan helmuga ikusi eta ia ukitzen ari gara, ondorioz, helmuga hori anestesia gisa erabili behar dugu agertzen diren miñei aurre egiteko eta partidatako krisialdiak gainditzeko”. Cleba Leónen inguruan, entrenatzaileak dio “jardunaldiak pasatu ahala hobetzen joan da”. “Entrenatzaile berriak eskatzen duenari moldatzen kostatu omen zaio, baina talde bizia da, Raquel Caño golegilea, Cristina atean eta Ilina piboteak hiruki garrantzitsua osatzen dute” azaldu du. Halere, Reyes saiatzen da “gure taldean arreta guztia jartzea eta gakoa da eginkizunean sakondu eta ez markagailuan”.

17 Apirila 2013

Castelldefelsen lorturiko hamar golei esker, Bera Berako kapitaina emakumeen eskubaloi ligako 22. Jardunaldiko golegile nagusiena izan da. Hirugarren aldia da denboraldi honetan Matxalen Ziarsolok horrelako markari heldu diola. Aurrena iragarpena gisa izan zen, Jorge Dueñas lekuko, Etxebarrin Kukullagaren aurka. Hautatzaileak bigarrena ere ikusi zuen, Kopako finalean, Rocasaren aurrean Porriñon. Garako kazetari Juan Carlos Elorzak bildutako datuen arabera, orain arte Matxalen Ziarsolok birritan heldu zen hamar goletara partida batean, 2005-06 denboraldian Lizarrerian Itxakoren aurka eta hurrengo urtean Tenerifeko Quintercon Perdoma taldearen aurrean. Partida guztiak, Bidebietatik at. Marka hauek kapitainaren kalitatea eta egungo sasoi fisikoaren ispilu dira. Taldeko golegile nagusiena da Ligan, 116 golekin, Eli Pinedok 105 sartu ditu eta Patri Elorzak, 79. Halere, lehiaketa guztiak hartuta Pinedo da 173 golekin –Matxalenek baino bederatzi gol gehiago- taldeko golegile nagusiena. 1.065 gol Bera Berarekin mila goletara iritsi zen Matxalen Etxebarrin. Lehiaketa guztiak bilduta: liga, kopa, Superkopa eta Europakoak 1.065 gol daramazki: 825 ligan, 146 Europan, 80 Kopan eta 14 Superkopan, hain zuzen. Zenbaki hauek Bera Berako golegile nagusi ondoan kokatzen dute Matxalen, hau da, Tati Garmendia eta Esme López jokalari historikoen ondoan. Liga amaitzeko lau partida gelditu arren, Matxalenek bere marka guztiak gainditu ditu 116 golekin. 103 gol sartu zituen 2006-07 denboraldian; 105, 2006-07an; 92, 2006-07an eta 91 2008-09an. Matxalen aurtengo 34 partidatan egon da, A Guardan baino norgehiagoka guztietan nabaritu da bere ekarpena, Galizan aurreneko minutuetan mina hartu baitzuen. Bataz beste, partidako 5,27 gol egin ditu ligan. Gabonak ostean, urtarrilean, Reyes Carrere eta Martin Larrañagak Eli Pinedo aurreneko lerroan kokatzen hasi ziren ezker albokoaren ardura guztia kapitainari emanez. Zenbakiek entrenatzaileei arrazoia eman die. Ligako aurreneko hamar partidatan Matxalenek 35 gol sartu zituen eta Eli Pinedo, 62; hau da, bien artean 97. Zuazo Barakaldoren aurkako partidatik hona –ia itzuli osoa- kapitainak 81 sartu ditu eta olinpikoak, 41 –Elik lau partida galdu ditu-, bien artean 122, alegia.