03 Apirila 2013

Apirilean behin sartuta, emakumeezkoen eskubaloi ligak ez ditu etenealdi gehiago izango ezta astean zehar jardunaldirik ere. Horrela, hurrengo sei larunbatak sei geltoki lilugarri gisa agertzen dira, ligan diren talde gehienentzako dena jokoan baitago.
35 puntuekin Bera Berak etorkizunari lidergotik begiratzen dio, Elche Mustang taldeak baino bat gehiago eta gol average delakoa alde. Hiru puntutara, Kopako finalean aurkari Rocasa, Donostiatik pasatuko dena gainera. Bera Berak 20-26 irabazi zion Kanariar Uharteetan, kontutan hartzeko moduko emaitza. 

Hiru talde hauek Ligako txapeldun izateko aukera gehienak dituzte. Helvetia Alcobendas (30 puntu) eta Mecalia Atletico Guardés (29 puntu) taldeak zelatan dira, akatsak noiz gertatu zain. Datorren asteburuan azkeneko aukera izan liteke beraientzako, izan ere, madrildarrak izango dira Bera Beraren aurkariak Donostian (larunbata, 19,30etan) eta galizarrek Elche Mustang hartuko dute (18,30etan).
 
Egutegiari erreparatuz gero, Bera Beraren huts batek kanariarrei ere aukera emango lieke, izan ere, Rocasak etxean lau partida izango ditu (Zuazo, Itxako, Porriño eta Kukullaga) eta bi etxetik kanpo, Castro Urdialesen eta Donostian (maiatzaren 4an). Elche Mustang taldeak, kontrakoa, bi Carrusen (Mar Alicante eta BM Alcobendas) eta lau etxetik urrun (Guardés, Itxako, Valencia eta Castelldefels). Bera Berak, berriz, Bidebietan hartuko ditu BM Alcobendas (larunbatean 19,30etan), Cleba León (apirilak 20) eta Rocasa (maiatzak 4) eta horrez gain bisitatuko ditu Castelldefels (apirilak 13), Barakaldo (apirilak 27) eta Castro Urdiales (maiatzak 11). 

Lehenengo itzulian, Bera Bera 12 puntuen jabe egin zen oso garaipen aipagarriak eskuratuz Alcobendas eta Kanariar Uharteetan. Elchek Alcobendasen galdu zuen eta Rocasak Barakaldo eta Etxebarrin berdindu eta Bera Beraren aurka etxean galdu. 

Horregatik, geltoki bakoitzak zailtasunak izango ditu, oraindiik ere talde asko jaitsiera postua gertu baitute. Argi dagoena da liga Bera Beraren eskuetan dagoela, hori bai, bidean bestelako akatsik ez baditu betetzen behintzat.

02 Apirila 2013

9 eta 12 urte bitarteko 29 gazte gerturatu dira gaur Bidebieta kiroldegira Bera Berak antolatu duen lehenengo Kanpusean parte hartzera. Goizeko 9etatik 2ak bitartean, 15 neska eta 14 mutil, Bidebietako pistan eta kanpoak ariketa ezberdinak burututzen aritu dira. Verónica Valverde eta María Graciaren koordinaziopean, ohorezko mailako Adriana Castro eta Nitsan Dunay jokalariak lagundu dute jardueran eta baita ere, jubenil mailako Anne Valle, Maialen Husillos eta Andrea Arellano eta kadete mailako Maialen Eguren. Jardunaldia bi zatietan banatu da. Goizeko 11ak arte Bidebietako pistan izan dira, eskubaloia ezagutzeko ariketa ezberdinak gauzatuz eta amaieran zabalean partidak jokatuz. Dutxatu eta hamaiketako ostean kiroldegitik gertu dagoen kirol anitzetako pistan ibili dira bestelako jokuak burutzen. Kanpusa ostiralera arte luzatuko da eta larunbatean ohorezko mailako norgehiagoka hasi aurretik –Bera Bera vs Helvetia Alcobendas (19,30etan)- partida batzu jokatuko dute eskubaloi eskolako partaideekin batera.

27 Martxoa 2013

Martxoak 27, Liga itzuli da asteazken honetan. Valencia Aicequip eta Bera Bera Eskubaloiak Aste Santuari aurrea hartzea erabaki zuten eta gaur 20eetan El Cabañal udal kiroldegian 20. Jardunaldiari dagokion partida jokatuko dute (Ordi Ausas eta Miquel Florenza, kataluniarrak). Hau da, denboraldia amaitzeko zazpi partida gelditzen direnean, Bera Berak kalitatea erakutsi nahi du eta Elche Mustang berriro ere hiru puntura alderatu, izan ere, elxetarrek Kukullaga gainditu zuten larunbatean eta 34 puntu dituzte. Taldea David autobusera 9,30etan igo da Bidebietan. Monreal del Campon bazkaldu eta Valentziara 18etan iristea da asmoa. Eli Pinedo baja izango da, ezker belaunean mina hartuta jarraitzen duena baina erresonantziak ez du hausturarik ikusi. Bere ordez Uxue Ezkurdia gaztea sartuko da deialdian, aurten bi gol sartu dituen ezker albokoa. Bestetik, Patricia Elorza, Silvia Ederra eta Adriana Castro internazionalak egoera onean iritsi dira. Aurrean, Morskovak zuzentzen duen Valencia Aicequip, Castelldefels, Itxako, Kukullaga eta Mar Alicante taldeekin batera azken aurreko postua sahiestu nahi duena. Gol gehien jasotzen duen Ligako bigarren taldea da Valenvcia, 30 kontra eta 24 gol sartzen ditu. Partida ostean Bera Bera Donostiara itzuliko da eta entrenaldietara astearte arratsaldean Bidebietan. Apirileko aurreneko larunbatean Bidebietan Helvetia BM Alcobendas hartuko du Bera Berak (19,30etan) eta liga ez da berriro geldituko maiatzaren 11rarte.

27 Martxoa 2013

Bera Bera Eskubaloiak Elche Mustang taldearen aurrean lorturiko abantaila utzi du gaur Valentzian eta, ondorioz, partida batean huts egiteko aukera. Denboraldi osoan maila handia mantentzea zaila da, 32. partida iristen denean eta aurkaria puntuak irabazteko premia duenean, partida sufrimendua izan daiteke. Eta aurreneko minutuetan aurkariari defentsa ahula erakusten baduzu, ahalik eta gehiago. Bera Bera beti atzetik joan da partida osoan, Valencia Aicequip taldea azkeneko minutuetan baino ez baitu estutu, berandu baina. Lehenengo zatian defentsa gaizki aritu da. Inork ez dio 17 gol sartu Bera Berari ligan zati batean, Alacanten 15 egin zizkion Mar Alicantek. Eli Pinedoren baja zuen Bera Berak eta defentsak ezin izan du Cristina Morellen jaurtiketak eten. Valenciak oso ondo kudeatu du lau goleko abantaila. Bera Berak Altuna eta Ziarsoloren bitarez kontraerasoetan asmatu du baina posizionalean kostata ibili da. Darly Zoqbik Yamiley ordezkatu du 20. minutuan baina ezin izan du lehenengo zatian ezer egin. Bigarrenean, donostiarrek intentsitate handiago jarri diote defentsari, Valenciak gol erdia sartuz baina erasoan Bera Berak baloi ugari galdu du, beste iraulketa bat sahiestuz. Emaitza honekin Bera Berak sarea galdu du. Ezin du beste huts berri bat egin Elche Mustang puntu bakar batera duelako, larunbatean Kukullaga gainditu ostean. Orain atseden egunak iritsiko dira, jokalari internazionalak ondo hartuko dutenak –gol bat Elorza, Ederra eta Castroren artean- eta apirilaren 2tik aurrera berriro ere aurten erakutsi duten maila berreskuratu eta partidaz partida gelditzen diren sei finalei aurre egin. Hurrengoa, apirilaren 6an, Bidebietan Helvetia BM Alcobendasen aurka. Fitxa: Valencia Aicequip 25, Bera Bera 23 Valencia Aicequip 25 (17+8): Aguas, Herreros (3), Adelina, Descalzo (2), Esterri (5), Morell (6), Monros (1), Segura (5), Cañavera (1), Mestre (2) eta Gimeno (o.s.) Bera Bera 23 (13+10): Yamiley, Altuna (5), Ederra, Elorza, Rubio (3), Menéndez (4), Ziarsolo (7) –titular- Castro (1), Ederra, Arizaga, Zoqbi (o.a.), Núñez (1) eta Dunay (2). Epaileak: Ordi Ausas eta Miquel Florenza (kataluniarrak) Kanporaketak: Descalzo, Esterri eta Segura Valenciatik eta Núñez eta Elorza Bera Beratik, Partzialeak: 3-1, 6-2,9-5, 11-7,14-10, 17-13 –atsedenaldia- 19-14, 21-17, 22-19, 23-21, 24-23 eta 25-23