Asteburua gaur irekiko du Egia Bera Bera senior taldeak Oñatiko Zubikoa kiroldegian Aloña Mendiren aurka 20etan, Gipuzkoako kopako jardunaldian.
Eta bihar Bera Bera Egia jubenil taldeak Gipuzkoako kopako finala jokatuko du Usurbilgo Oiardo kiroldegian 16etan Aiala ZKE taldearen aurka.
Bera Bera Eskubaloiak Ana Temprano atezaina fitxatu du datorren denboraldirako.
29 urteko asturiarra, Zuazo Barakaldo taldean jokatu du aurten. Aldez aurretik Balonmano Gijón taldean lau urte eman zituen, Castro Urdialesen beste bi eta Ucam Murcian bakarra.
Datorren astean Bidebieta kiroldegian aurkeztuko den Temprano, Yamiley Rodríguezekin batera izango dira Bera Beraren datorren denboraldiko atezainak.
Bera Bera Eskubaloiak gaur goizean Bidebieta kiroldegian Imanol Álvarez aurkeztu du, datorren denboraldian ohorezko mailako taldea zuzenduko duen entrenatzailea.
46 urteko ermuarra, Eibarren burutu du bere kirol ibilbidea, jokalari nahiz entrenatzaile gisa. Viktor Debre eta Julián Ruiz entrenatzaileen bigarrena izan zen eta aurten Lehenengo Nazionaleko Somos Eibar Eskubaloia taldea zuzendu du.
Aurkezpenean, Bera Bera Eskubaloiko arduradun Tati Garmendia pozik agertu da “Imanol aurreneko aukera zen eta aurrean jarri diogun erronkari eutsi egin diolako”.
Imanolek onartu du “Tatiren deia ostean egun batzuk hartu nituen, erronka zaila baina erakargarria baita, etortzeko modukoa”. Bera Berak Liga, Kopa eta Superkopa irabazi ditu eta Europan ibilbide duina egin “horrek guztiak interesa handitzen du, kanpotik talde honek seriotasuna eta lan onaren irudia ematen du, erakargarriagoa egiten duena”.
Gizonezkoen eskubaloian duen eskarmentuaz galdeturik, Bera Berako entrenatzaile berriak adierazi du “kirol bera da, eta oso pozik nago emakumeen eskubaloiko elitean dagoen taldea zuzentzeko aukera eman didatelako”. “Ez dut uste taldeari moldatzeko arazoak izango ditudanik –jarraitu du- eta ez dut uste asko aldatuko denik kirol bera delako, hau da, taldearen onurako lan egingo duen jokalari multzoa”.
Imanol Álvarezek “gustoko dut defenditzen duen taldea, korrika egiteko aukera ematen duena” azaldu du. “Eta talde honek badaki hori egiten, lerro honetan jarraituko dugu eta beste urrats bat eman nahi nuke, baloiak lapurtzeko aurrera hartzea; ez da erraza baina ideia horrekin nator” aipatu du.
Plantillaren inguruan “sakonean hitz egin behar dugu, bilerak egin” onartu du eta Tati Garmendiak gehitu du “iazko talde gehiena mantenduko dugu eta lehenengo lerroko jokalariak fitxatzeko lanean gaude”.
Darly Zoqbi brasildar atezaina ez da izango dagorren urteko Bera Berako plantillan. Beste urtebetez kontratua izan arren, eskaintza jaso duenez Bera Berari berau berdintzeko aukera gelditzen zitzaion.
Azken ibilbide honetan Darly Zoqbik burutu dituen bi denboraldiak aipagarriak izan dira. Iaz Kopan eta Ligan lorturiko azpitxapeldunetan oinarrizko jokalari izan zen eta aurten makina bat uneetan emandako maila oso altua izan da. Gogoratzekoak izan dira, besteak beste, Kopako txapelketa osoa, eta batez ere Bera Berak finaleak Rocasa gainditu zuen norgehiagoka (25-24), Europan Poloniako txapeldun Vistal Laczpol Gdynia taldearen aurkako Gaskan bizi izan zena, 12 goleko iraulketa, alegia eta Ligan Bidebietan Rocasaren aurkako azken partida. Bost aldiz ligako azpitxapeldun izan ondoren, Darly Zoqbik aurreneko liga eskuratu du Bera Berarekin.
Erakutsi duen mailari esker Darlyren izena merkatuan mugitu da eta Frantziako talde batek egindako eskaintza onartu du, aurrekontuak jasango duen murrizketa dela eta Bera Berak berdindu ezin duena.
Bera Berak Darly Zoqbiren profesionaltasuna goraipatu nahi du, klubarekiko eta hiriarekin izan duen inplikazioa eta konpromisoa eskertu eta ibilbide berrian zortezik onena opa dio.
Darly Zoqbi berak lehio hau erabali nahi du “Bera Berako taldekide, Reyes, Martin eta Iker, zuzendaritza eta zalegoari agur esan eta eskertu nahi diet, egoera ulertu dutelako”. “Etxean bezala egon naiz, Bera Bera biotzean eramango dut eta banoa kirol proiektua oso interesagarria delako”.
Bera Berak ezin izan zuen Kukullaga gainditu Etxebarri kiroldegian jokaturiko Euskadiko Kopako finalean (27-25). Halere, donostiarrek azken minutura arte aukerak izan dituzte eta oraina izateaz gain, etorkizuna bermaturik dagoela frogatuz.
Lehenengo zatian boladak eman ziren. Hiruna berdindu ostean, Kukullagak tartea zabaldu zuen (10. Min 6-3). Halere, Bera Berak buelta eman zion egoerari 1-5 partzialari esker. Halere, bizkaitarrek gauza bera egin zuten erosoan galdutako baloiak aprobetxatuz, atsedenaldian 15-11 iritsiz.
Bigarren zatian Esther Arrojeria sartu zen lehen lerroan eta gola sartu zuen hasi eta berehala, Horren ostean kanporatua izan zen eta Kukullagak kanpotik asmatu zuen Nogalesen zuzendaritzapean (37. Min 20-14). Halere, Usurbiltarra partidan sartuta zegoen, Bera Berak defentsa hobetu zuen, kontraerasoak gauzatu eta hamar minutu falta zirela gerturatu zen (23-21).
Nogalesek berri ardura hartu du, Olgak penalti garrantzitsu bat sartu du, Ezkurdiak itxaropena zabaldu du baina Azkonak gol erabakiorra sartu du.
Fitxa: Kukullaga 27, Bera Bera 25
Kukullaga 27: (15+12): García, Bayón, Echabe 1, Nogales 9, Azaola 2, Azkona 4, Rodríguez 4, Agirregomezkorta 1,Olga 6, Alba Fernández, Castaños eta Claudia o.a.
Bera Bera 25 (11+14): Yamiley, Altuna 3, Menéndez, Núñez 3, Castro 4, Dunay 3, Ederra 4, Arizaga 1, Ezkurdia 3, Arrojeria 4, Ainara García y Leal (p.s.).
Epaileak: Sergio Ezonki y Endika Batikon
Kanporaketak: Reyes (Nagore Arizaga), Núñez eta Arrojeria Bera Beratik eta Nogales, Azkona eta Alba (3, gorria 49., min) Kukullagatik
Partzialak: 3-2, 5-3, 7-5, 9-9, 13-10, 15-11 -atsedenaldia- 18-13, 21-16, 22-18, 23-21, 25-23 eta 27-25
