Bera Bera - Berriak

17 Maiatza 2013

Bera Bera Eskubaloiko plantillak gaur eguardian Donostian 2012-13 denboraldiko ligako garaikurra jaso du Espainiako Eskubaloi Federazioko presidente Paco Blázquezen eskutik. Gipuzkoako kirol federazioak biltzen dituen Kirol Etxeko areto nagusian burutu da ekitaldira Bera Berak Bidebietan irailaren 1ean lortu zuen Superkopa eta otsailaren 24an Porriñon eskuratu zuen Kopa. Denboraldi bikaina burutu du taldeak, argazki historikoan gordeta utzi nahi izan duena, izan ere, aurreneko liga da eta Gipuzkoako kirolarentzat aurreneko tripletea. Euskadiko eta Gipuzkoako presidenteak, José Manuel Ruiz eta José Ángel García Varak lagundu dute Espainiako Federazioko presidentea eta Bera Bera goraipatu dute. Paco Blázquezek zoriondu du Bera Bera Eskubaloi osoa “lortutako arrakastak planifikatutako lanaren poderioz izan delako, urte askotan eta pertsona askok egin dutena”. Bera Bera “eredu da duen egituragatik, txeketegia baztertu duena, oinarri sendoa eta etorkizuna bermatzen duena”. Bere ustez, “eskubaloiaren arrakasta da eta gure kirola sustatzeko ondo funtzionatzen duenak eredu izan behar du”. Horregatik, “zorionak guztioiri, Euskadiri eta Gipuzkoari” eta era berean “proiektuarekin indarrez jarraitzeko” animatu du. Ondoren, hiru presidenteek plantilla osoari dominak banatu dizkie, Gipuzkoako Federazioak jokalariei garaikurrak eman dizkie eta Paco Blázquezek Matxalen Ziarsolo kapitainari kopa eman dio. Argazkian, Libe Altunak Superkopakin; Matxalen Ziarsolo Kopakin eta Darly Zoqbi, Ligarekin.

17 Maiatza 2013

Bera Berak akordio batera iritsi da Matxalen Ziarsolo kapitainarekin eta Patricia Elorzarekin datorren urtean bi jokalariak taldean jarraituko dutelarik. Horrez gain, hurrengo urterako sinatua izan arren, Eli Pinedok beste urte betez luzatu du hitzarmena, hau da, 2015eko ekainerarte. Taldeko aurrekontuak jaitsiera jasan arren, Bera Berako arduradun Tati Garmendiaren asmoa da “ahal dugun neurrian hiru txapelketak eskuratu dituen taldea mantentzea”. Zentzu honetan, “hitzarmena berritzeko jokalariek egin duten esfortzua eskertu nahi dut”.

17 Maiatza 2013

Bera Berak Zuazo Barakaldori berriro ere irabazi dio, oraingo honetan gaur iluntzean Etxebarrin Euskadiko kopako bigarren finalerdian. Garaipenak (31-26) finalerako txartela eman dio eta bihar leku berean 20etan Kukullaga Etxebarri izango du aurrean, Aiala 32-12 gainditu baitu. Partida bigarren zatian erabaki da, donostiarrek defentsako lana areagotu dutenean –Zuazok hiru gol sartu ditu 15 minutuetan-. Norgehiagokan azpimarragarriena Alba Menéndez eta Nitsan Dunay hegalen ekarpena (golen erdia) eta, bestetik, Ainara García ‘Txiki’ gol batekin eta Elisa Leal atezaina debuta egin dute, azken honek azkeneko hamar minutuak jokatuz. Fitxa: Bera Bera 31, Zuazo Barakaldo 26 Bera Bera 31 (14+17): Yamiley, Castro (6), Núñez (1), Menéndez (6), Ezkurdia (1), Ederra (4), Altuna (3), Arizaga, Dunay (9), Ainara García (1) eta Leal (o.a.) Zuazo Barakaldo 26 (15+11): Temprano, Belloso (4), Yañez (9), Gil (3), Ahedo (2). Bonilla (3), Álvarez (2), Botica, Maialen (1), Sagasti, Aldekoa, Galarza (1) eta Fernández (o.a.) Epaileak: Juan José Gude Prego eta Carlos Javier Gude Prego Kanporaketak: Arizaga (2) eta Menéndez Bera Beratik Partzialak: 1-2, 2-4, 7-9, 10-11, 11-12, 14-15 17-17, 20-17, 22-18, 25-20-28-23 eta 31-26

16 Maiatza 2013

Bera Bera Eskubaloiak bihar ostirala Etxebarrin (20,30etan) Euskadiko kopako Zuazo Barakaldoren bigarren finalerdia jokatuko du Matxalen Ziarsolo, Eli Pinedo, Darly Zoqbi, Patricia Elorza eta Eider Rubio jokalariak baja direla. Denboraldia oso luzea izan da, 38 partida ofizialak jokatu ditu Bera Berak: Ligako 26, Europako 8, Kopako 3 eta Superkopako bat, eta horrez gain, makina bat lagunarteko. Ondorioz, minutu gehien pistan aritu direnak atsedena izango dute. Halere, denboraldia ez da Eli Pinedo eta Patri Elorzantzako bukatu, izan ere, astelehenean Madrilera joango dira Espainiako selekzioarekin bat egitera, datorren astean Seulera egingo dute bidaia Mazedoniaren aurkako kanporaketa prestatze aldera. Jokoan, Serbiako Mundialean txartela. Horrela, Reyes Carrere eta Martin Larrañagak Egia Bera Berako Elisa Leal atezaina eta Ainara García ‘Txiki’ hainbat postuetan joka dezakeuna deitu dituzte. Hauek gainontzeko taldekideekin bat egingo dute: Yamiley atezaina, Castro eta Altuna eskuin albokoan; Ezkurdia, ezkerrena; Arizaga eta Arrojeria, zentral moduan; Menéndez eta Dunay hegaletan eta Núñez eta Ederra pibotean. Beste finalerdia Kukullaga eta Aiala Zarautz taldeek jokatuko dute eta irabazleek finalean larunbatean elkar ikusiko dute, 20 etan, leku berean. Bestetik, bihar eguardiko 12etan Donostiako Kirol Etxean, Espainiako Eskubaloi Federazioko presidente Paco Blazquezek 12-13 denboraldiari dagokion Kopa emango dio Bera Berari.

16 Maiatza 2013

Bera Bera Eskubaloiak Imanol Álvarez Arruti entrenatzailea fitxatu du datorren denboraldiak ohorezko maila zuzentzeko.
Ermuan jaioa, duela ia 46 urte bere ibilbidea batez ere Arraten eta egun Somos Eibar Eskubaloia taldeetan garatu du.
Imanol Álvarezen bigarrena Martin Larrañaga izango da, Bera Beran jarraituko duena Reyes Carrereren ondoan urtebete igaro ostean.

Currículum Vitae Imanol Álvarez Arruti (Ermua, 67/05/19)
1993tik Nazional mailako entrenatzaile. Eibarreko taldeetan aritu da gehien bat, desagertu zen Juventud Deportiva Arraten eta Somos Eibar Eskubaloian.
Lorpenetan aipagarriak dira Arraterekin, Viktor Debre entrenatzailearen bigarrena izanik, 2007-08 Kopako finalerdikoa eta EHF Kopa 2008-09 denboraldian, Julian Ruiz entrenatzaile zela. Bestetik, Somos Eibar Eskubaloia taldeak Lehenengo Nazionala hirugarren amaitu du.

Entrenatzaile gisa:
• J.D. Arrate: 1. Entrenatzailea 2. Nazionala gizonezkoa
• Arrasate: 1. Entrenatzaile 1. Nazionala gizonezkoa
• J.D. Arrate: 1. Entrenatzaile Ohorezko maila gizonezkoa
• J.D. Arrate: 2. Entrenatzaile ASOBAL (Viktor Debre eta Julián Ruiz)
• J.D. Arrate: 1. Entrenatzaile 1. Nazionala (5 denboraldi)
• Gipuzkoa Gizonezkoen selekzioako hautatzailea (2011)
• Eibar Eskubaloia lehen taldeko entrenatzailea (2 denboraldi)
• Eibar Eslubaloia taldeko emakumeen sekzioko koordinatzailea

Jokalari gisa:
• J.D. Arrate (Eibar, Gipuzkoa)
• Barakaldo (Bizkaia)
• Caja Vital Kutxa (Vitoria-Gasteiz)
• Arrasate (Gipuzkoa)
• Vinarós (Castellón)