Bagenekien aste bukaera honetako partiduak oso zailak izango zirela Bera Berako taldeentzat, eta tamalez pronostiko txarrenak bete egin ziren, eta gure talde guztiek galdu egin zuten.
Infantilek ezin izan zuten Leizaran liderraren aurka ustekabea eman, eta 10-14 galdu zuten. Kadeteek ere Ermuarako bisitan ezin izan zuten ezer positiborik lortu, Errotabarri jaun eta jabe izan baitzen. Emaitza 29-17. Egia Bera Berako jubenilek ere arerio berdina izan zuten, eta baita emaitza berdina ere: porrota. Errotabarrik ez du areriorik euren multzoan, eta donostiarrek ezin izan zuten ezer egin.
Bukatzeko, seniorrek Portugaleten jokatu zuten igandean, Jarrilleras lider sendoaren kontra. Bizkaitarrak nagusi izan ziren nabarmen, eta Bera Beraren gainetik pasa ziren, 41-19 irabaziz.
Gaur goizean Kirol Etxean Bera Bera Eskubaloiaren jokalari berri bezala aurkeztu da. Amurriotarrak bertan sinatu du Klubarekin lotzen duen kontratua, printzipioz denboraldi baterako lotzen dituena.
Prentsa agerraldia Klubeko arduraduna, Amaia Ramirez, buru zela hasi da, Eli Pinedo bera alboan zuela, ilusioz beterik Bera Berako jokalari berria izateagatik. Amaia Ramirezek “urguiluaz” hitz egin du Pinedoren kontratazioaz aritu denean. Baita ere, taldeari emango diona nabarmendu du “Guztiz erakutsita duen maila altua eta dudatik kanpo dagoen konpromezua”.
Eli Pinedok bestalde, ilusioz beterik Bera Beraren kamiseta hartzean, aitortu du “Bera Beratik irten nintzenetik, urtero urtero pentsatu izan dut bueltatzea. Hemen hasi zen dena, eta itzultzea neretzat ametsa da. Etxera bueltatzen naiz, hemen beti horrela sentitzen naizelako”.
Bere kirol ibilbidea duen jokalari batentzat, ez da inundik ere atzera pausoa Bera Berara itzultzea. “Ezta gutxiago ere. Hau taldea handia da, eta aurtengo ibilbide bikaina hurrengo urtean are eta hobea izan dadin laguntza osoa emateko nator”.
Bukatzeko, extremo internazionalak Reyes Karrereren irudia nabarmendu nahi izan du “Dudarik gabe bera entrenatzaile izateak ere erabakia errazagoa egin du. Hasi nintzenean, berak babesa eman eta gehien erakutsi ninduena izan zen. Horregatik, bere albora itzultzea ere berezia izango da”.
Bera Bera eskubaloiak bihar 19:00etan Marina Park-en kontra jokatu du Santanderren. Kantabriarrak mailako azken sailkatuak dira, eta Bera Berak bere potentziala aprobetxatu behar du egutegiaren faserik gogorrena jokatzeko lasaitasuna emango dion garaipen bat lortzeko.
Donostiarrek azken bi jardunaldietan itxuraz galduta zeuden sentsazioak berreskuratu dituzte. Bi garaipen abantaila garbiekin eta joku maila altuarekin, taldearen animoak igoarazi dituzte, sailkapenean hirugarren postua berreskuratuta.
Etxeko partiduetan zegoen segurtasuna kanpoko lehietan ere erakustea zen helburua, eta hori Madriden lortu zuen gaur zortzi. Orain azkenaren aurka berrestea tokatzen da, 19 partidutan 2 garaipen eta 17 porrot jaso dituena. Lehen jardunaldian Saguntoren kantxan irabaziz denak ahoa zabalik utzi gintuen arerio hark, partidu bakarra irabazi du harrez geroztik etxean Vicar Goyaren kontra.
Egia da azken partiduetan, ia euren jaitsiera konfirmatuta dagoela, beren maila zer edo zer hobetu dela presio gabe aritzeagatik, eta ez dutela gol askogatik galdu. Hala ere, donostiarrek ezin dute kalerik egin bertan, Marin Park baino askoz ere talde indartsuagoa baitira. Myriame Sad zentrala da euren jokalaririk onena, eta bera gelditu ezkero, Bera Berak lan handia eginda luke.
Etxetik kanpo bigarren garaipena jarraian lortzeak taldeari konfiantza handia eta lasaitasuna emango lioke Elda hurrengo astean jaso baino lehen. Horretarako, bihar ezin dute kalerik egin Santanderren. Talde osoa Alba Menendez ezik, prest egongo da partidurako. Konzentraziorik gabe badakigu taldeak ze hutsune izaten dituen, beraz, despisterik gabe, jo ta ke!
Bera Beraren harrobiko taldeentzat partiduz beteriko aste bukaera berri bat dator. Pasa den jardunaldiko partiduak oso zailak izan baziren, jardunaldi berri honetakoak ere ez dira batere errazak izango.
Infantiletatik, A taldeak bakarrik jokatuko du, B taldeak Egiaren aurka jokatu behar zuen partidua atzeratua izan baita. Bera Beraren arerioa Andoaineko Leizaran B izango da, Foru Aldundiaren Txapelketa honetako liderra. Hala ere, gure neskak bi puntura bakarrik daude, eta igandean 10:00etatik aurrera Bidebietan, sailkapenean harrapatzen saiatuko dira.
Kadeteek eta jubenilek arerio berbera izango dute oraingoan, Ermuako Errotabarri. Lehenengoek 15:45etan jokatuko dute Miguel Angel Blanco Kiroldegian. Bere multzoan berdintasun asko dago, eta lehia hau ere oso parekatua izango da. Jubenilak 18:30etan irtengo dira kantxara. Bizkaitarrak indartsu dabiltza, baina sorpresa emateko gai dira Bera Berakoak.
Bukatzeko, seniorrek 16:30etan jokatuko dute larunbatean Portugaleten Jarrillerasen kontra. Mailako liderrak, portugaletekoak oso arerio gogorra izango dira. Bera Bera bere hutsuneak aprobetxatzen saiatuko da.
Eli Pinedo Amurrioko jokalari bikainak, hurrengo ostiralean Bera Berarekin lotuko duen kontratua sinatuko du. Bertan adostuko denez, hurrengo uztailaren 1etik aurrera taldearen partaide izango da, printzipioz denboraldi batez. Bere aurkezpena hurrengo ostiralean, martxoak 18, izango da Kirol Etxean 11:30etan. Komunikabide guztiei deialdia egiten zaie bertara hurbiltzeko.
Jaiotze data: 1981/05/13
Lekua: Bilbo (Betidanik Amurrion bizi izan da)
Altuera: 1,77 cm
Pisua: 59 kg
Posizioa: Extremoa
Ibilbidea:
Debuta ABFn: 2000/01 Bera Bera
2001/02 Bera Bera
2002/03 Bera Bera
2003/04 Bera Bera
2004/05 La Unión Ribarroja
2005/06 Sagunto
2006/07 Sagunto
2007/08 Itxako
2008/09 Itxako
2009/10 Itxako
2010/11 HC Odense (Danimarka)
Lorpenak:
Espainiako Superkoparen Txapelduna Saguntorekin 2005/06
Txapeldunen Ligako semifinalista Saguntorekin 2005/06
ABFko Txapeldunorde Saguntorekin 2006/07
EHFko Txapeldunorde Itxakorekin 2007/08
ABFko Txapeldunorde Itxakorekin 2007/08
10º Munduko Txapelketan Espainiak Selekzioarekin 2008
ABFko Txapelduna Itxakorekin 2008/09
EHFko Txapelduna Itxakorekin 2008/09
Europako Txapeldunorde Espainiako Selekzioarekin 2009
Hirugarrena Mediterraneoko Jokuetan Espainiako Selekzioarekin 2009
Espainiako Superkoparen Txapelduna Itxakorekin 2009/10
ABFko Txapelduna Itxakorekin 2009/10
Erreginaren Kopako Txapelduna Itxakorekin 2009/10
