Gure kapitaina den Zulai Agirre Espainiako Selekzioarekin arituko da Alemanian ospatuko den VI Nazio Txapelketa Internazionalean. Zulaiz gain, selekzioarekin egongo da baita ere, ohitura den moduan, gure jokalaria den Bea Fernandez.
Biak gaur 14:00etan Guadalajaran egongo dira kontzentrazioa egiteko. Asteazkeneak, hilak 20, Alemaniara egingo dute hegan Madridetik, eta itzulera apirilaren 25ean izango da, astelehena.
Bera Bera eskubaloi taldetik Zulai zoriondu nahi dugu bere deialdiagatik, eta nola ez, baita Bea Fernandez ere, selekzioarekin partidu pila daramatzana. Biei zorte on!
Datorkigun asteburuan gure harrobiko talde batek bakarrik izango du partidua. Bera Bera B izango da, infantil mailan, larunbatean 10:30etan Aiala Aren kontra jokatuko duena Bidebietan. Gure neskek hainbat berdinketa lortu dituzte Gipuzkoako Txapelketan, eta horregatik oraingoan garaipena lortzen saiatuko dira bigarren sailkatuaren aurka.
Bihar 19:00etan Bidebieta bere jantzi dotoreneekin jantziko da liderra jasotzeko, kopako txapelduna, eta Championsaren semifinalista den Itxako. Bera Berak derbia irabazteko helburuarekin intengo da kantxara, Europara ate handitik bueltatzea izango litzatekeena. Kirol hau maite duen ororentzat galdu ezin den hitzordua da biharkoa.
Pasa den larunbatean Elxen galdu ondoren, donostiarrek aukera berri bat dute Europara itzultzeko puntuak lortzeko. Alakanteko partiduak Azenaide lesionatuta utzi du, txorkatila bihurritu ondoren, eta bihar jokatzeko larri ibiliko da. Osterantzean, Reyes Karrere entrenatzaileak ez du aienerik nahi “ez dago triste egoteko denborarik. Pena bat izan zen gol bakar baten faltan gelditu ginelako, baina laister aztertu behar da galtzearen zergatia eta egindako akatsak konpondu”.
Bera Bera Bidebietaren magiara atxikitzen da, non partidu guztiak irabazi dituen salbuespen bakarrarekin. Arerioak ez du inporta behar, nahiz eta Itxako izan. Garaipena Donostian geratu behar da. Bertatik pasa diren oilartxo guztiek galdu dute: Eldak, Saguntok, Alicantek, Elchek... eta bihar Itxakok ere sufritu egingo du. Joaneko partiduan nafarrek asko sufritu zuten Bera Bera gogor bati irabazteko, eta bihar ez da desberdina izango. Donostiarrek Itxakoren nekeak aprobetxatzen saiatuko dira, larunbatean Gyori hungarierren aurka jokatu baitzuten, eta hurrengo larunbateko bueltako partidua aurrean dutelako, non Txapeldunen Ligako finala jokatzeko txartela lortu dezaketen.
Hala ere, Reyes Karrerek ez du nafarren despistea espero: “ezta gutxiago ere. Itxakok denboraldi osoan zehar erakutsi du ez dela inoiz despistatzen. Ia astero bizpahiru partidu egon da jokatzen sekulako efikaziarekin. Kopa irabazi dute, Liga poltsikoan dute, Championsean finalaurrean... erlaxatuak etorriko direla pentsatzea erokeria da”.
Itxako garaitzeko errezatagatik galdetuta, Karrerek argi dauka: “oso zaila izango da. Modu bakarra beraiek baino partidu hobea egitea da, horrek suposatzen duen zailtasunarekin. Oso partidu borobila behar dugu, oso erregularra fase guztietan”. Izan ere nafarrak “talderik goleatzaileena dira, eta gol gutxien jaso duena baita ere. Alternatiba ugari duen taldea da, ez dago ia diferentziarik titularren eta ordezkoen artean”.
Honenbestez, bihar laguntza guztiak ondo etorriko dira erronka zail honi aurre egiteko. Itxakori irabaztea sekulakoa litzateke, eta ilusio horri helduta zaleek ezin dute hutsik egin. Denak Bera Bera animatzera!
Pasa den aste bukaeran infantiletako bi taldeek bakarrik izan zituzten liga partiduak. Beste mailetako gure jokalariak deskantsatzen edo selekzioarekin entrenatzen egon ziren.
Bera Berak Foru Aldundiaren Txapelketari amaiera bikaina eman zion, Bidebietan sekulako garaipena lortu baitzuen Feropticos Ikus Elgoibar liderraren kontra. 26-14 gogor batekin irabazi zuten. Horrela liga bigarren postuan amaitu dute.
Beste alde batetik, Bera Bera Bk beste berdinketa bat lortu zuen Gipuzkoako Txapelketan. Kasu honetan 21 goletara berdindu zuen Casa Astigarraga Elgoibarren kontra. Gure neskak sailkapenaren erdian daude kokatuak.
Bera Bera Eskubaloi taldeak bihar 19:30etan Carruseko udal kiroldegian, Elxen, Europara itzultzeko azken pausoa eman lezake. Donostiarrek Elche Mustang-i egingo diote bisita, seigarren sailkatua Bera Berarengandik bederatzi puntutara. Galtzen ez badute, gipuzkoarrek matematikoki Europan jokatzeko txartela lortuko lukete.
Honenbestez, jokoan dagoen sariak partidua final bat balitz bezala jokatzea ekarri behar du. Denboraldi hasieran optimistenek ere ez zuten espero garai hontan, bost partidu faltan, Europako txartela matematikoki lor zitekeenik, baina Bera Beraren ibilbide bikainak amets egiteko aukera eman dio.
Berdinketak balioko lukeen arren, Bera Beraren egoerak optimistak izatera bultzatzen gaitu, eta zergatik ez bigarren postua lortzeko borrokan sartu nahi du taldeak, hurrengo denboraldian Txapeldunen Liga jokatzeko aukera izateko. Itxakok txapelketa hau irabaziko balu, hirugarrenak ere eskubi hori edukiko luke, horregatik zenbat eta puntu gehiago eduki, oraindik eta hobeto. Hau kontuan hartuz, Alakant-en garaipena lortu behar da.
Eldari irabazi ondoren moralez gainezka dago taldea, baina Reyes Karrere entrenatzaileak dioenaren arabera “helburua pasa den asteko maila mantentzea da. Eldaren kontra partidu oso ona jokatu genuen, eskubaloi ederra jokatuz, eta nola edo ahala hori mantendu egin behar dugu. Helburua gure jokoan erregularrak izatea behar du; oso zentratuak egon behar gara”.
Elchek azken 14 puntuetatik 4 bakarrik batu ditu. Garaipen bat, bi berdinketa eta lau porrot azkeneko zazpi partiduetan. Argi dago ilizitarrak ez daudela momenturik onenean, nahiz eta denboraldia bikain hasi eta sailkapenaren gorenean egon. “Talde gaztea da, eta horregatik irregularra baita ere” Karrereren esanetan. “Beren kantxan ordea, inoiz ez zaigu ondoegi joan. Oso defentsa zuzena dute, eta Cristina Cabezas bezalako jokalari beteranoek taldeari sendotasuna ematen diote. Nahiko joku polita dute, eta hasieran partiduari aurpegia galtzen ez badiote, ez dira arerio samurra izango”.
Taldea Europatik puntu bakarrera dago, baina Bera Berak burua “irabaztean du. Puntuak beranduago iritsi daitezke, baina partidu hau irabazita aurrera pauso izugarria emango genuke. Irabazi ezkero beste aspirazio batzuk izateko aukera edukiko genuke”. Horregatik guztiagatik, entrenatzaileak partidua horrela deskribatu du “denboraldiko klabeena. Match point-a da”.
