Horrela, Elcheren aurka jasotako porrotaren ostean, BM Castro Urdialesen aurrean beste irudi bat eman nahi du Bera Berak. Kantabriarrek bi garaipen izan arren, norgehiagoka guztiak borrokatu dituzte. Patricia Elorza eta Tania Yañez dira erasoko jokuan ardura gehien hartzen duten jokalariak.
Bestalde, Reyes Carrere entrenatzaileak Dara Carvalhoren baja izan dezake, izan ere, pibote brasildarrak txartel gorria ikusi zuen Elcheren aurkako partidan. Bihar eguardian jakinaraziko da zigorra. Gainontzeko jokalariak prest daude eta Elche-Mustang taldearen aurkako partidan galdutako konfidantza berreskuratu nahian aterako dira.
Elche-Mustang taldean Lara Gonzalez bueltatuko da hegalera eta denboraldiko bigarren garaipena eskuratzea dute helburu, Lizarrerian Itxakoren aurka galdu arren partida ona burutu ostean (33-25).
Bera Bera Eskubaloi taldeko entrenatzaile Reyes Carrerek jokalari guztiak ditu prest eta berriro ere Alba Menendez sartu du deialdian. Donostiarrek hamaika egunetan bost partida jokatuko dituzte eta defentsaz baliatuko dira Elche-Mustang taldeari aurre egiteko.
Taldeak atzo egin zuen bidaia autobusez eta gaur entrenatu da El Altet kiroldegian.
