Egia Bera Berako senior mailako taldeak igandean (12etan) jokatuko du Egia kiroldegian Aloña Mendiren aurka. Bera Bera Egia jubenil taldeak ordu berean eta oñatiarren aurka izango dute lehia Gascan.
Bera Bera Egia kadete 2 taldea Ordizia Irurenaren aurka arituko da larunbatean 12,30etan Goierriko Majori kiroldegian, eta kadete 1 taldeak Gasteizko Abetxuko kiroldegira egingo du bidaia Consulting Social Alaves taldearen aurka jokatzeko.
Bestalde, Bera Bera Egia infantil A taldeak larunbatean jokatuko du Ereintzaren aurka 10,30etan Pasaian eta infantil B taldeak CDB Leizaranen aurka Gascan, 10,30etan.
Sei jardunaldi ospatu ostean, Bera Bera Eskubaloia da ohorezko mailan gol gutxien jaso duen taldea. Guztira, 120 aldiz zulatu dute Darly Zoqbik, Yamiley Rodriguez kanarriarra lagun, zaintzen duen atea, bataz beste partidako 20 gol jasotzen dulelarik, Reyes Carrere entrenatzaileak gustoko dituen zenkabiak, alegia.
Bera Berako atea zaintzen ardura gehien hartu duena da Darly Zoqbi brasildarra. “Gol gutxien jasotzen dugun taldea bagara jokalari guztien lanari esker da, defentsan nahiz eresoan dugun gaitasuna bermatzen du hori”. Bera Bera ondoren, Ucam Murcia taldea dago 128 golekin. “Talde batek gutxienez bi defentsa menperatu behar ditu eta, gure kusuan, 6-0 eta 5-1 sistemekin oso prestakuntza onak gauzatzen ditugu, baloiak berreskuratzen eta kontraerasoak eraginez”. Bera Bera Eskubaloia da, Itxako ostean, 180 golekin golegile nagusiena, partidako 30 gol, hain zuzen ere.
Darly “etxera” bueltatu da aurten. “Donostia eta Bera Bera gustoko izan ditut beti eta, ondorioz, bueltatzea erreza izan da”. Talderaz galdetuta dio “autokritikoa da oso, hobetzeko gaitasuna frogatzen duena”.
Darlyk badaki bere herriko mundiala galduko duela. “Lastima, halere, Brasilgo selekzioari onena opa diot”, gainera, horrek esan nahi du “atseden gehiago izango dudala Bera Berari laguntzeko”.
Elx
Biharko partidaz “Leonen gertatutako ezin dugu errepikatu” ohartarazi du. “Betidanik, Elche zaila izan da Bera Berarentzat, halere, partida irabazteko guk dugun guztia eman behar dugu”.
Bera Bera Eskubaloiko kapitaina Matxalen Ziarsolo, taldea ordezkatuz, “Kirol arloan emakume eta gizonen egoera Donostian diagnostikoa” osatzeko helburu duen jardunaldi batean partehartu zuen.
Emakume eta Gizonen Berdintasunerako II Planaren baitan dago diagnostikoa, izan ere, Donostiako udalak hiriko kirol praktika eta egoeraren mapa egitea erabaki du emakume eta gizonen egoera ezagutzeko.
Horrela, lehengo astean Donostiako Emakumeen Etxean burutu zen lan saioan, Matxalen Ziarsolok kirol-lehiaketaren inguruko iritzia eta bizipenen ekarpenak egin zituen.
Bera Bera Eskubaloiko jokalariek buruan dute azaroaren 15erarte jokatu behar duten norgehiagoka segida, Brasilgo Mundiala dela eta liga geldituko den arte.
Ligako hori partida izango dira eta EHF Europako kopako kanporaketa. Horrela, larunbatean Elxen (7,30etan) Elche-Mustang aurrean izango du Bera Bera Eskubaloiak. Hortaz gain, zortzigarren jardunaldia aurreratuko denez donostiarrek Castro Urdiales taldea jasoko dute azaroaren 9an, asteazkena (7etan).
Europa
Azaroaren 12 eta 13ko asteburuan aurtengo EHF kopan debuta egingo du Bera Berak Belgikako DNW Antwerpen taldearen aurka. Partidak Donostian jokatuko dira, larunbatean (5,30etan) Gasca kiroldegian eta igandean (1etan) Egia kiroldegian.
Europako kanporaketa ostean, Bera Bera Eskubaloiak norgehiagoka garrantzitsu bati aurre egin beharko dio azaroaren 15ean , asteartean, Saguntoren aurka Valentzian.
Aste honetako plangintzaren arabera, gaur arratsaldean entrenatuko dira, bihar goizean eta Bera Berak ostiralean, goizeko 9etan, autobusez egingo du bidaia Elxeraino. Hemen larunbatean goizean entrenamendua egingo dute eta arratsaldean, partida.
Eskolarekin, argazkia
Argazkian, ohorezko mailako jokalari guztiak eta Reyes Carrere entrenatzailea Bera Berako eskubaloi eskolarekin agertzen dira. Astelehenero topo egiten dute eta, zubia izan arren, Bidebieta kiroldegian elkartu ziren herenegun. Egun horretan eskolara etortzeagatik saria jaso zuten, goi mailako taldearekin argazkia, alegia.
Pasa den igandean zazpigarren garaipena eskuratu zuen Bera Bera Egia kadete 2 taldeah, oraingo honeta, Bidebietan Casa Astigarraga Elgoibaren aurka (32-12), sailkapenean lidergoan direlarik. Asteburu honetan Ordiziara abiatuko dira (larunbata, 12,30etan), Bera Bera Egia kadete 1 (16-27) menperatu zuen taldearen aurka jokatuko du, alegia. Bera Bera Egia kadete 1 taldeak Gasteizen jokatuko du arratsaldeko 4etan Consulting social Alaves taldearen aurka. Bestetik, jubenilek atsedena hartu zuten eta infantilen arteko derbia, ‘A’ taldeak irabazi zuen (20-11).
