Donostiarrek valentziarrak gaindituz gero eta Itxakok gauza bera egiten badu BM Alcobendasekin (Lizarreria, larunbata 18tan), Bera Berak birtualki bigarren postuaren jabe egingo litzateke Champions jokatzeko aukerarekin liga amaiatzeko lau partida falta direla.
Horregatik, Reyes Carrere entrenatzaileak “hitzordu historikoaz” mintzo da. “Gipuzkoako kirolak jakin beza talde bat Champions postuak eskuratzeko zorian dagoela” oihukatu du. Bera Berako prestatzaileak ohartarazi du erronka “garrantzisua bezaian zaila da, hain konplikatua da ezen 20 urte kosta zaigu hona iristea eta klub honek horrelakorik merezi du”.
Bidebietan larunbatean biziko den giroaz galdetuta, Reyes Carrerek adierazi du “gure zaletua leiala da, eskubaloiaz ulertzen duena eta garbi du ze Bera Bera ikusi nahi duen , hau da, Bera Bera alaia, borroka egingo duena, elkartasuna eta kemena bezalako baloreak zabaltzen dituena”. “Bidebietak beti eskatu izan digu anbizioaz aritzea eta borrokatuz gero porrotak barkatu dizkigu” aipatu du.
Erregulartasuna
Azkeneko 15 partidatatik, Bera Berak 14 irabazi ditu; liga osoan gol batez Itxakoren aurkako norgehiagokak galdu ditu, Elxen eta Leonen, berdindu. Hori dela eta, hirugarren postuan diren Mar Sagunto eta BM Alcobendas sei puntura daude egun. Honetaz “aurtengo meriturik handieta erregulartasuna da” dio Reyes Carrerek.
Lehenengo itzulian Mar Sagunto hiru puntura eta Dara Carvalho pibotearen baja zituela egin zion bisita Bera Berak. Donostiarrek sekulako partida egin zuten eta 21-25 emaitzak bigarren postuari begira kokatu zituen. Bera Berako entrenatzailearentzat egoera ezberdinak dira azarokoa eta oraingoa. “Martxoan gaude, denboraldia aurrera doa eta nabaritzen dira partidak, Saguntok jokalari garrantzitsuak galdu arren adi egon behar dugu edozein momentutan galdu dezakegulako” ohartarazi du.
Horregatik, “aurrera begiratu behar dugu eta abiaduraz gozatu”. Era berean “sutsu defendatu behar dugu arazoak uxatzeko” eskatu du eta, bere ustez, “eserleku luzea izateak desorekatu dezake partida”.
Zentzu honetan, partidaren garrantziaz jabetuta, Reyes Carrerek ez du “taldea estututa ikusten, izan ere, eskarmentu handiko jokalariak ditugu eta taldeari lasaitasuna eman diotenak”.
Gipuzkoako txapelketan, Bera Bera Infantil A taldeak ezin izan zuen Udarregirekin Bidebietan (17-22).
Eta asteburuko emaitzekin bukatzeko, jardunaldi batean faltan Egia Bera Berak Udazkeneko kopako prestatze txapelketa eskuratu du CDB Leizaran (28-17) gainditu ostean eta Aloña Mendi Errenterian galdu zuelako.
Emaitzak: Infantil A, Infantil B, Kadete 1, Egia Bera Bera
Sailkapenak
Era berean, BM Alcobendasek Lizarrerian (larunbatean, arratsaldeko 6etan) eskubaloi liga honetan partida guztiaren jabe egin den Itxakoren aurka galtzen badu, donostiarren abantaila zortzi puntukoa izango litzateke lau partida falta direla, hau da, matematikak baino ez dute ospakizuna oztopatuko.
Iragarpen hauekin, larunbateko partida erabakiorra izan daiteke, donostiarrek poltsikoetan beste aukerak izan arren, hau da, okerrenean jarrita, valentziarrak eta madrildarrak lau puntura jarriko balira, Bera Berak ‘gol average’ delakoa babestuz gero –Sagunton 21-25 irabazi zuen eta Alcobendasen apirilaren 21ean jokatuko du (36-25 Donostian)- Bidebietan Rocasa eta Ucam Murcia gainditzearekin nahikoa izango luke, arerioek puntu guztien jabe eginez gero, jakina.
Sagunto baztertu
Horregatik, Bera Berak Mar Sagunto hartuko du aurreneko match ball aprobetxatzeko kemenarekin, arerioa aukerarik gabe utziko luke garaipenak. Taldeak Bidebietan duen konfidantza lagungarria izango da eta, era berean, lasaitasunez arituko da sailkapenean duen aldea beste partidatan kudeatzekoa aukera izango duelako.
2012. urte hasieran bigarren postuan kokatu zenetik, Bera Berak partida bakarra galdu du –Itxakoren aurka gol batez Bidebietan- eta egoera zailak kudeatzen jakin izan du, besteak beste, Eldaren aurka etxean, Alacanten eta, gertuena, Castro Urdialesen azken norgehiagokan.
Gipuzkoarrek hamaika astez jarraian Champions postu horretan diraute, Matxalen Ziarsolo kapitainak “taldeak merezi duela” adierzi zuen. Zentzu honetan, erzker hegalak “eskubaloiaren eta Bera Beraren zaletua gonbidatzen zuen larunbatean etortzera partida historikoa izan daitekeelako”.
Nahiz eta asteburu honetan ligak atsedena hartu selekzioek Eurokopa jokatzeko txartelak eskuratzeko, taldea entrenaldiak betetzen ari da, mutilen aurka lagunartekoak jokatzen eta taldearen buruan Mar Saguntoren aurkako partida ageri da (Bidebietan, martxoaren 31n, arratsaldeko 7etan).
Partida berezi hori aipatu baino lehen, Matxalen Ziarsolok denboraldiari errepasoa jo dio. Hasteko, taldeak duela bi urte bizi zituen aldaketak dugu hizpide “jende berria iritsi zen eta gure arteko aurreneko kontaktua izan zen”. Urtea elkarrekin pasa ondoren egitura mantendu zen eta fitxaketa berriak iritsi. “Taldea sendotu dugu, bat gara eta emaitzetan nabaritzen da” azpimarratu du.
Ligan bigarren jardunaldian Lizarran gol batez galdu ostean, Leongo berdinketak eta Elxen jasotako porrotak min egin zuten. “Etxetik kanpo zaila da puntu guztiak eskuratzea, aldiz, etxean oso denboraldi bikaina betetzen ari gara eta horrela jarraitu nahi dugu”.
Brasilgo Mundiala dela eta liga eten egin izanak Matxalen Ziarsoloren ustez “ondo etorri zitzaion taldeari, fisikoki nahiz taldeko lan handia egin genuelako, ondorioz, 2012. urtean partida bakarra galdu dugu eta bigarrenak gara”. Bigarren postu hori berrestea da taldeko helburu nagusiena. “Ilusio handiz ikusten dugu Mar Saguntoren aurkako partida, BM Alcobendasekin batera, erronka lortzeko arerio zuzenak baita” adierazi du.
“Irabazi nahi dugu bigarren postuari heltzeko”. Horregatik, kapitainak “zaletuen babesa” eskatzen du “eskubalioa maite duenari, urtetan jarraitu digunari, Bidebietara animatzera etortzea eskatuko nioke partida historiko izan daitekeelako”. “Bigarren postu hori lortzeko gogokin gaude klubak merezi baitu”.
Izan ere, Bera Berak Mar Sagunto gainditzen badu eta Alcobendasek Itxakoren aurka Lizarrerian galduz gero, matematikoki ez baina birtualki donostiarrek eskuratuko lukete bigarren postua”.
EHF Cup eta Kopa
Matxalenek Europako lehiaketaren inguruan sentimendu gazi-gozoa du. “EHF horrelakoa da, espero ez duzunen areriorik zailena tokatzen zaizu –Lada finalerdian da egun- eta ezin izan genuen gehiago egin”. Hala eta guztiz “Gasca beteta ikustea” eskertzeko modukoa da eta “jendea disfrutatzen ikusi genuen gainea, halere, gure asmoa kanporaketa gainditzea zen eta ez genuen lortu” dio penaturik.
Taldeak ere Koparekin egiten du amets, Altean Pazko astean ospatuko dena, apirilaren 12tik 15era bitartean. Elche-Mustang izango da arerioa final-laurdenetan “talde zaila, ia ia etxean jokatuko duena eta Bidebietan bezala jokatzen saiatuko gara, halerea, Kopa izanda beti da zaila”.
Matxalen eta taldekideak entrenaldiak burutzen ari direa ilusio handiko erronkak lortze aldera.
