21 Martxoa 2012

Selekzioek hartu dute aste hau. Jorge Dueñasen taldeak Ukrainan jokatuko du asteazkenean aurten Holandan Europako txapelketako txartela lortzeko sailkapen faseko hirugarren partida eta igandean laugarrena Lizarran, Ukrainaren aurka baita ere (teledeporte 11etan). Espainiako selekzio horretan Eli Pinedo eta Bea Fernández Bera Berako jokalariak daude. Igandean Leioan konzentraturik izan ziren, Barakaldon egin zuten saio bat astelehenean eta Ukrainara egin zuten bidaia asteartean. Bestalde, Dara Carvalho Londresen dago Joku Olinpikoak prestatzen Brasilgo selekzioarekin. Inglaterraren aurka jokatu dute laguntartekoa eta entrenaldi ugari izango dituzte. Gipuzkoako selekzioa Infantil mailako Bera Bera Egia jokalari Nahia Arana deitu du Gipuzkoako selekzioak, datorren igandean, martxoaren 25ean, Usurbilen eta apirilaren 1ean Oñatin entrenaldi saioak burutzeko.

21 Martxoa 2012

Pasa den larunbatean etxetik kanpo aurreneko aldiz markagailua irauli egin zuen Bera Bera Eskubaloiak atsedenaldian galdu ostean. Aurrenekoak Bidebietan eman ziren, Mar Alicanteren aurka 11-13 atzetik zela atsedenaldian bigarren zatian donostiarrek 13-9 partziala lortu zutenean.

Hurrengo astean Leonen, Bera Berak 12-11 galdu zuen lehenengo partziala. Bigarren zatian aurretik jarri arren Eli Pinedori ateratako txartel gorriak partida nahastu zuen eta donostiarrek berdinketa baino ez zuten lortu.

Azaro hasieran, Elche-Mustang 15-8 nagusitu zen atsedenaldian, Bera Berak partida berdintzea lortu zuen bigarren zatian baina elxtarrak garaile izan ziren 27-24. Sagunton markagailuak bederatzina adierazi zuen lehenengo zatian eta Bera Berak 12-16 irabazi zuen bigarren partziala.

Bigarren iraulketa Bidebietan eman zen, Elda Prestigioren aurka Kopan sartzea jokoan zuelarik. Donostiarrek 11-12 galdu zuten lehenengo zatian eta 14-10 irabaztea lortu zuten bigarrenean eta, ondorioz, partida (25-22).

Itxakoren aurka Bidebietan 14-16 galdu zuen Bera Berak lehenengo zatia eta gol bakar batez ezin izan zuen partidari bueltarik eman. Eta Castro Urdialesen, Bera Berak 8-12 partziala lortu zuen bigarren zatian partida irabaztea eraman zuena eta sailkapenean sei puntura ditu orain Mar Sagunto eta BM Alcobendas taldeak, hurrengo arerioak liga amaitzeko hamar puntu falta direnean.

Aitzitik, Bera Berak behin bakarrik markagailuan iraulketa jasan izan du, Lizarrerian bigarren jardunaldian. Donostiarrak nagusi ziren 13-14 eta Itxakok 14-12 partziala lortu zuen, ondorioz, (27-26) partida irabaziz. Oraindik ere gogoan dugu bost segunduen faltan Eider Rubio langara bidalitako penaltia eta denboraz kanpo sartutako gola.

Argazkia: Alberto González Etxepare

20 Martxoa 2012

Bera Beraren harrobiko taldeen artean, asteburuko partida zen. Larunbatean Loiun Amazsa Urdaneta eta Bera Bera Egia Kadete 2 taldeak aurrez aurre bigarren postua jokuan jarri zuten Estatuko txapelketetan parte hartzeko. Bera Bera Egia kadete 2 taldeari berdinketarekin nahikoa zuen baina etxetik kanpo jokatu behar zuen. Verónica Valverderen jokalariek ez zuten aukerarik eman bizkaitarrei. Euskal ligan aritu arren, Amaza Urdanetak ezin izan zituen donostiarrak gainditu (20-29). Lehiaketa berdinean, Euskadiko txapelketan, alegia, Bera Bera Egia jubenil taldeak 29-23 galdu zuen Lauko Elgoibarren aurka faseko azken norgehiagokan. Senior Preferente mailako Egia Bera Bera taldeak partida berdintsua kudeatzen jakin izan zuen Bidebietan Ereintza Aguaplast taldearen aurka eta 25-23 irabazi zuen. Donostiarrak lidergoan jarraitzen dute udazkeneko kopa prestatzeko lehiaketa honetan. Infantilak, alde eta kontra. Gipuzkoako txapelketan Bidebietan Bera Bera Egia Infantil A taldeak 13-25 galdu zuen Aiala A ZKE taldearen aurka. Foru Aldundia txapelketan, aldiz, garaipenak Oñatin Bera Bera Egia Infantil B taldeak 8-16 irabazi zion Aloña Mendi D taldeari eta Bera Bera Egia kadete 1 taldeak 13-18 gainditu zuen Aloña Mendi B.

18 Martxoa 2012

Bera Bera Eskubaloiak bigarren zatian markagailua irauli egin du eta azken minutura arte sufritu behar izan du Castro Urdialesen (20-22, atsedenaldian 12-10) oso preziatua den gariapena, izan ere, hirugarren sailkatuak egun Mar Sagunto eta BM Alcobendas sei puntura daude liga amaitzeko bost partida falta direnean.

Eguna ez da ondo hasi donostiarrentzat gerrialdeko mina zuela Eider Rubiok etxean gelditu behar izan du. Bera Berak joko gidari nagusiena galdu du eta aurreneko minutuetan galdu dituen baloiak ez diote partidari hasiera ona eman. Era berean, María Muñoz atezaina ondo ibili da, ondorio, Castro Urdiales taldeak 6-1 partziala lortu du, erasoan Tiddara Trojaola ezker hegaletik ondo amaitzen zuelarik.

Donostiarrak ez dira gehiegi kezkatu eta pixkanaka pixkanaka aldea murrizten hasi dira, atsedenaldian bi goletara iritsi direlarik (12-10). Bigarren zatian Castro Urdialesek 14-10 ezarri du baina irudipena baino ez da izan. Bera Berak 1-7 partziala lortu du, Darly Zoqbiren geldiketen eta Bea Fernándezen golei esker. Alba Menendezek aurretik jarri ditu donostiarrak eta Bertak arnasa eman (45. min. 15-17).
 
Zarauztarra bi minutuz kaleratu dute, baloi bat erasoan galdu du Bera Berak eta Castro Urdialesen kontraeraso batek partidan sendo jarraitu behar zela ohartarazi dute Reyes Carrere. Izan ere, bost minutu golik sartu gabe egon dira eta markagailuari eutsi diote defentsari esker, Castro Urdialesek zortzi gol baino ez ditu lortu bigarren zatian.

Horrela, azken minutuetan erasoan Eli Pinedo izan da gidari eta aldaketa ondo atera zaio Bera Berari berak Matxalen Ziarsolori emandako paseari esker, kapitainak 18-21 ezarri du bi minutuen faltan. Matxalenek azken minutuan ere gola sartu du.

Bera Berak une zailak kudeatzen jakin izan du, azken minutuetan zuen alde txikiari eutsi dio puntuak premiazkoak dituen Castro Urdialesen aurka

Fitxa:

Castro Urdiales 20 (12+8): María Muñoz, Yañez (4), Costales (1), Elorza (2), Patricia Martínez (3), Gómez, Trojaola (9), Victoria (1), Oxana, Andrea Fernández, Antolín eta Nogales.

Bera Bera 22 (10+12): Zoqbi, Altuna (1), Punko, Carvalho (3), Cuña (3), Bea Fernández (7) eta Pinedo (1) –titularra-, Ziarsolo (3), Berta (3), Menéndez (1) eta Campa.

Epaileak: Héctor Fraile eta Vicente Peris (Valentziarrak) Kanporaketak: Gómez, Trojaola eta Victoria Castro Urdialesetik eta Altuna, Pinedo, Campa, Alba eta Punko Bera Beratik.

Partzialak: 2-1, 6-1, 7-3, 9-6, 10-8, 12-10 –atsedenaldia- 14-10, 15-13, 15-17, 17-19, 18-19 eta 20-22