14 Apirila 2012

Espero bezala Grupo Asfi Itxako izango da bihar Bera Beraren arerioa Alteako Kopako finalean (igandea, goizeko 11etan Teledeporte) Mar Alicante aise (17-32) gainditu ostean. Lehenengo aldiz gipuzkoarrek eta nafarrek elkar ikusiko dute finalean eta, bitxikeri gisa, talde bakoitzek hirugarren txapela eskuratu nahi du. Bera Berak zortzigarren finalera iritsi da, Corteblanco Bidebieta gisa hiru aldiz lortu zuen eta bostgarrena da taldea Bera Berapean aritzen denetik. Donostiarrek Elche Mustang eta BM Alcobendas gainditu dituzte eta Asfi Itxakok Mar Sagunto eta Mar Alicante, hori bai, nafarrek partida erosoak izan dituzte. Reyes Carrere entrenatzaileak adierazi du “nekaturik izan arren, baloi bakoitza eskuratzeko lehiatuko dugu”. Izan ere, Reyes Itxakori ematen dio faborito papera “azken urte hauetan guztia irabazi duelako”. Eta ez du atzera begiratu nahi, ligan bi partidak gol bakar batez galdu arren bi partidak. Nahiz eta lehenengo aldia izan Bera Berak eta Itxako Kopako final batean ikusten ditugula, lehiaketa honetan sei aldiz elkar ikusi dute eta donostiarrek lau aldiz gainditu dituzte nafarrak. Azkena, aldiz, 2010ean Leonen Itxakok finalerako sailkapena lortu zuen 23-33 irabazita.

13 Apirila 2012

Atzoko partida ostean prentsaurrekoan Reyes Carrere entrenatzailea eta norgehiagokako jokalari onena Eli Pinedo agertu ziren. Biek Bera Berak Elche Mustang taldearen aurrean egindako lana azpimarratu zuten. “Ondo aritu gara, serio jokatu dugu eta honek markagailuan antzeman egin da” adierazi zuen Pinedok. Lara Gonzalezi egindako defentsaz galdetuta, ezker hegalak onartu du “gainean egon behar genuen oso denboraldi ona burutzen ari delako baina gure lehentasuna gu geu ginen”. Reyes Carrerek, berriz, “taldea serio” ikusi dut. Bere ustez “ligan aurkituko dugun erregulartasuna ikusi egin da partidan”. “Talde batek identitateari eutsi behar dio beti eta onena lortzen eraman dizuna behin eta berriz egin behar duzu” adierazi zuen. Reyesek badaki Bera Bera finalean izateko faboritoa dela, halere, “pozik eta konfidantzaz” eramaten ari dira zama hori. Bera Berako prestatzaileak, era berean, “ez dugu Kopa irabazteko inolako obligazioarik” ohartarazi du. “Gure ardura lehiatzea da, bigarren postuan izate hutsak ez dizu partida poltsikoratzen”. Hori dela eta “anbizioa” eskatzen dio taldeari. BM Alcobendas izango da arerioa 13. finalerdietan, Ucam Murcia 25-21 gainditu ostean. Larunbatean arratsaldeko 4etan Alteako Palau D’Esportsen (Teledeporten, 23,30etan) izango da partida. Madrildarrak “ez dira sorpresa” Reyes Carrerentzat. “Iaz gure etxean nagusitasun handiz irabazi ziguten” ohartarazi du. Reyes BM Alcobendas “talde freskoa, gogo handiekin aritzen dena, pozteko modukoa dena, hau da, gozada bat da Alcobendas eta Elche bezalako taldeak agertzea eta lehiatzen jakitea honelako txapelketan”. Hori dela eta bere taldeari “nortasuna” eskatzen dio. Bestetik, Eli Pinedori “asko gustatzen zait” BM Alcobendas. “Partida nola planteatu ikusi beharko dugu” madrildarrak “talde bezala jokatzen du, jokalari bakoitzak bere ardura du eta ondo betetzen dute”.

12 Apirila 2012

Atzoko bidai luzea ondoren Bera Bera Eskubaloiak ordubeteko saioa burutu du gaur Alteako Palau D’Sports ondoko kiroldegian. Gaur eguardian Kopako 33. Edizioari hasiera eman zaio, Alicanteko herri honetan izan ere aurten lehiaketa hau Valentziako Federazioak eta bertako instituzioek antolatu baitute. Bera Bera prest dago, taldeak ez dauka inolako arazorik partida pilaketak eragiten dutena baino eta ilusio handiz ekingo dio arratsaldeko 6etatik aurrera Elche Mustang taldeari final-laurdenak gainditzeko asmoz. Norgehiagoka @BalonmaBeraBera twitterrean jarraitzeko aukera dago. Irabazleak BM Alcobendas izango du zain bihar larunbatean finalerdietan, madrildarrek 25-21 Ucam Murcia gainditu dute (14-14, atsedenaldian).

12 Apirila 2012

Altean ospatzen ari den Kopako final laurdenak aise gainditu ditu Bera Bera Eskubaloiak gaur Elche Mustang 30-22 menperatuz (atsedenaldian, 13-8) eta datorren larunbatean, arratsaldeko 4etan, Palau D’Esportsen BM Alcobendas taldea aurrean izango du finalerdietan.

Bera Berak defentsan egin duen lana erabakiorra izan da. Eli Pinedo Lara Gonzalezen itzala izan da eta ilundu du alacanteko eraso jokoa. Hala eta guztiz ere Larak taldeko golen erdiak sartzea lortu ditu. Horrez gain, Darly Zoqbiren atea zulatzeko zazpi metrotara joan behar izan du Elchek. Zoqbik %37ko porzentaiarekin amaitu du partida.

Defentsari esker, Bera Berak lehenengo tartea zabaldu du 5-1 (8. min). Erasoan, Anna Punko, Carvalho, Altuna eta Pinedo bikain aritu dira. Lehenengo zati erdian donostiarrak baloiak galtzen hasi dira eta Elche gerturatu da 9-7. Halere, Pinedok, Fernándezek eta Punkok abantaila berreskuratu dute.

Bigarren zatia hasiera Bera Berak 5-0 partziala sartu dio Elcheri. Zoqbi bikain atean eta erasoan Pinedok eta Bertak asmatu egin dute. 18-8 markagailuan, partida ia erabakita. Bera Berak kudeatu du abantaila eta Reyes Carrere entrenatzaileak eserlekua mugitu du Menendez, Campa, Arizaga eta Yamiley atean kokatuz.

Ondorioz, nagusitasunez lortu du garaipena Bera Berak. Larunbatean BM Alcobendas, Ucam Murcia gainditu baitu. Reyesek “talde freskoa” dela dio eta partidako jokalaririk onena izendatu duten Pinedok madrildarrek ”taldeko jokua” azpimarratu du.

Fitxa:

Bera Bera 30 (13+17): Zoqbi, Altuna (5), Punko (4), Carvalho (4), Rubio (3, 1p), Bea Fernández (3, 2 p) eta Pinedo (4) –titularra- Cuña (3, 1p), Ziarsolo (1p), Menéndez, Berta (1), Campa (2), Arizaga eta Yamiley (o.a.)

Elche-Mustang 22 (8+14): Camara, Gómez, Ana Isabel Martínez (5), África Sempere (2), Laren (2), Lara González (11) eta Esther Martínez (1) –titularra- Guilabert (o.a.), Cristina Cabeza, Segarra, Fuentes, Flores, Andreu (1) eta María Sempere (o.a.).

Epaileak: (Fernando Fernández eta Alberto García, Andaluzia)
Kanporaketak: Elche: Esther Martínez eta Bera Bera: Punko, Pinedo, Ziarsolo eta Cuña.

Partzialak: 2-1, 6-3, 9-5, 9-5, 11-7, 13-8 –atsedenaldian- 18-8, 20-11, 22-12, 24-17, 27-19 eta 30-22