09 Martxoa 2012

Partida ezberdina da biharkoa, hori dela eta Bera Bera Eskubaloi taldeko entrenatzaile Reyes Carrereri bideoa lagun Elche-Mustang taldea aztertzea eskatu diogu. Alde batetik, Itxako salbu Elche-Mustang da Bera Bera gainditu duen talde bakarra delako; Altean apirilaren 12an final-laurdentan elkarren aurka arituko direlako eta, azkenik, emakumeen eskubaloiko ligan ez dagoelako defentsa hain irekia planteatzen duen talderik.

Hasteko, Reyes Carrerek Lara Gonzalez ezker hegalaren jokua azpimarratu du, lehiaketako goleatzailerik nagusiena da 153 gol sartu dituelarik (partidako, 8,5). Bere esanetan “jaurtiketarekin behin eta berriz saiatzen den jokalaria izan arren gauza asko egiten ditu ondo, alde batera edo bestera iskin egin, jaurtiketa bikaina du eta pibotearekin ere jokatzen du”. “Oso jokalari onda da, etorkizun handikoa, alegia” aipatu du Bera Berako entrenatzaieak.

Reyesek ohartarazi du “Ana Isabel Martínez, Lara González eta Pilar Villaren artean golen %63koa sartzen dituzte” eta Martinez azpimarratu du “hegaletik jaurtitzeko eta pibotearekin lortura egiteko gauza delako”. Era berean, “Cristina Cabeza” aipatzen du, “talde hau martxan jartzen duena da, eskeramentu handikoa, jokua zuzentzen du eta taldekide hobeak egiten ditu”.

3-3 defentsa
 
Bera Beraren eserlekuan 301 partida beteko dituen Reyes Carrerek Elche-Mustang taldeko defentsa ere aztertu du. “Defentsa 3-3 erabiltzen du betidanik, Elche-Mustang taldeak hutsuneak eskaintzen ditu baina ez ordea gol aukerak” ohartarazi du.

Bere ustez, “banakako defentsa egiten saiatzen dira eta arerioen jokoa oztopatzen”. “Lehenengo lerro itotzea dute helburu”, hori dela eta Reyes Carrerek “lana, hutsuneak egon arren ezin ditugu eraso laburrak egin, baloirik gabeko joku asko, desmarkeak une egokinean eta pazientzia izan” eskatzen dio taldeari.

“Elche-Mustang gazte taldea izan arren oraina eta etorkizun handia du” Reyesen ustez.

Hala eta guztiz ere, entrenatzailearen ustez biharko partida (Bidebietan, 7etan) eta bi talde hauek apirilaren 12an Altean Kopako final-laurdenetan jokatuko dutena ez dutela ezer ikusirik.

08 Martxoa 2012

Bera Bera Eskubaloi taldeko masajista da iruñarra. Bidebieta kiroldegian lan egiteko lekua txikia izan arren, bera jarduera ttukun burutzen saiatzen da jokalarien konplizitatea lagun. Antonio Liberalekin solasaldia asteko eginkizunekin abiatu dugu. “Astelehena errekuperazio eguna da, partidan eman diren gertakariak ikusten ditugu eta, era berean, min hartuta ziren jokalariak berriz aztertzen ditugu. Horrez gain, astea planifikatzen dugu” aipatzen du. Entrenaldia hasi aurretik “jokalariekin lan egiten dugu” eta partida egunetan “hesgailuak eta berotzeko ariketak batez ere eta norbaitekin sakon aritu errekuperazio prozesu amaieran balego”. Masajea da beste eginkizun bat eta jokalarien ordutegietara moldatzen saiatzen da “batzuk hurrengo egunean atsedena nahi dutelako, esate baterako”. Donostian bigarren denboraldia betetzen ari den Antonio Liberal arlo dietetikoaz ere arduratzen da, lesioak saihesteko garrantzi handia ematen dio honi masajistak. Zentzu honetan, Iker Fernández prestatzaile fisikoarekin bat dator “prebentzia sustatzen, zaindu behar den lesiorik onena gertatzen ez dena delako” azpimarratu du. “Kirol neketsua” Masajistak eskarmentu handia du futbolean eta areto futbolean, batez ere, gizonezkoekin. Halere, eskubaloiaz dio “oso kirol estua da, hau da, gorputz osoan lesioak izateko arrisku handia duena, alegia”. Antoniok dio “artikulazio guztiak daude arriskuan, batez ere, belaunak eta besoak”. Gainera, denboraldia joan ahala, “lesioak izateko aukera geroz eta handiago da nekea pilatzen delako”. “Orduan prebentzioak garrantzi handia hartzen du eta atseden egunak gehitu behar dira egindako lana orekatzeko, hau da, atsedena entrenaldia baino lehenago” azaldu du. Nagore Arizagak –meniskoa apurtu zuen- eta Anna Punkok–orkatileko kanpoaldeko ligamentua apurtu zuen- izandako lesioaz eta Melinda Bertak eta Libe Altunak izandako bihurrituaz penatzen da Antonio, halere, dio “beste taldeak baino lesio gutxiago ditugu”. Jokalariek dituzten mediku azterketak ere azpimarratzen ditu masajistak. Annarekin, bi hilabete Antoniok Anna Punkoren orkatilaren sendatze prozesua gertutik bizi izan du. “Horrelako errekuperazio luzetan epeak betetzen saiatzen gara, jokalariarekin prozesuaz maiz hitz egin lehen egiten zuena konfidantzaz egin dezan, hau da, kirolarien arlo psikologikoa ere garrantzitsua da” azpimarratzen du. Zentzu honetan, Antonio jokalari bakoitzaren profilara egokitzen saiatzen da ahalik eta diagnostiko zehatzena finkatzeko eta, hortik aurrera, martxan jartzeko ekintzak planifikatzeko. Anna Punkoren “disziplina” goraipatzen du, “oztopoak ez baitu jartzen ezta masajea hartzeko garaian ere”. Izan ere, emakumeezkoen eta gizonezko kirolarien ezaugarria dela dio, hau da, “emakumeek arduratsuagoak dira, disziplina gehiago dute, ez dut inor aurkitu lesiorik argudiatzea partidaren bat ez jokatzeko eta eligaien garrantziaz jabetzen dira, kezkatzen dira eta, ondoriz, egun gehiegizko pisuen inguruan ez ditugu arazorik” azpimarratu du. “Eta esker onekoak dira, mutilek baino gehiago” aipatzen du, “lana atseginagoa eginez” aitortzen du Antoniok.

07 Martxoa 2012

Arratsaldeko 7etan Ohorezko mailako Bera Bera – Elche Mustang partidaz gain, Bidebietan beste bi partida ospatuko dira larunbat arratsaldean. Arratsaldeko 3etatik aurrera Bera Bera Egia Kadete 2 taldeak Urdaibai E.T. hartuko du, Bizkaian gainditu zuena. Euskadiko txapelketan bigarren postua du helburu Veronica Valverdek zuzentzen duen taldeak.

Norgehiagoka honen ostean, eta txapelketa berdinean baina jubenil mailan, Bera Bera Egiak Usurbil K.E. izango du aurrean arratsaldeko 4,30etan. Mauge Gezalaren jokalariek fase honetako aurreneko garaipena lortu nahi dute eta usurbiltarren aurretik jarri sailkapenean.

Larunbatean bertan, arratsaldeko 6,15etan Egian, Egia Bera Bera eta Aloña Mendi K.E. udaberriko kopa prestatzeko lehiaketa honen lidergoan jokoan izango delarik.

Halere, larunbata irekiko duena Bera Bera Egia Infantil A izango da Zarautzen, hain zuzen. Gipuzkoako txapelketaren baitan Aiala D ZKE taldearen aurrean lehenengo garaipena izango dute hizpide.

Eta igandean, Foru Aldundia txapelketa. Bera Bera Egia kadete 1 Urnietako B hartuko du Bidebietan goizeko 10etan eta ordu berean baina Gaskan, Bera Bera Egia Infantil B-CDB Leizaran.

06 Martxoa 2012

Andoaingo zentrala Nagore Arizaga taldeko jokalari gazteena da -20 urte beteko ditu ekainean- eta atezain kanariar Yamiley Rodríguez aurreneko denboraldia betetzen ari da Bera Bera Eskubaloian. Porriñotik irria ekarri dute, minutu asko igaro zuten pistan, jokalari guztien helburu, alegia.

Bigarren postua lortzeko lehiak baliabide onenak erabiltzea darama, ondorioz, Yamiley eta Nagorek aukera gutxi izan dituzte orain arte. Entrenaldietan gogor aritzen dira biak jokalari gisa ibilbideak betetzen.

Yamiley Rodríguezen egoera ezberdina da atezeina delako.Eskubaloian ateak garrantzi handia dauka eta, horrez gain, Darly Zoqbi handia ordezkatu behar du. Era berean, erreferentzi onena du etxean, pisukideak baitira, “eskarmentu handia du eta asko laguntzen dit” onartu du.

Atezain kanariarra BM Gijonen jokatu zuen iaz, Reyes Carrerek deitu zuen Etxebarrin igoera fasea jokatzen ari zela. Hilabete hauetan, 24 urte beteko dituen Yamiley asko ikasten ari da eta entrenaldietan asko gozatzen du “taldekideei esker”. Eta partida garrantzitsuetan ere bere maila erakutsi egin du, Mar Alicante eta BM Alcobendasen aurka, esate baterako. Horrez gain, EHF Cupen debuta egin du eta penalti bat gelditu zion Lada Togliattiko Bliznova jokalariari Gaskan.

Kukullagaren aurka partida erdia jokatu zuen eta eserlekuan zain egon ostean, Reyes Carrerek ardura eman zion Porriñon. Eta kanariarrak erantzun ona eman zuen, entrenatzaileen konfidantza berretsi zuen eta partida osoa jokatu zuen.

Arizagak, bi gol

Nagorek, berriz, kanpoaldeko meniskoa hautsi zuen eta abenduaren 7an Gipuzkoa poliklinikan operatu zuten. Hilabetea maila berreskuratzen eman ondoren, Nagore Arizagak Murtzian urtarrilaren 21ean lehenengo gola sartu zuen aurtengo denboraldiann, Etxebarrin Kukullagaren aurka minutuak izan zituen eta Porriñon gozatu zuen.

Reyes Carerrek Eider Rubiori atsedena eman nahi izan zion eta Nagore atera zuen. “Erasoan erdian jokatu nuen eta defentsan aurreratuta” azaldu du andoaindarrak bi aldiz kanporatua izan zena. Halere, “pozik” zegoen Nagore jokatutako minutuekin eta sartutako bi golekin.

Anna Punko

Beste gazte bat pozik atera zena Porriñotik Anna Punko izan zen, hilabete honetan 23 urte beteko dituena. Errusiarrak orkatilako kanpoaldeko ligamentua apurtu zuen etenaldian eta abenduaren 14an operatu zuten. Bidebietan Cleba Leonen aurka bueltatu ostean, Annak lau gol sartu zituen Galizan eta garrantzitsuena, orkatila ondo dauka eta konfidantza berreskuratzen ari da.