Bera Bera Eskubaloia etxera itzuliko da bihar Mar Saguntori irabazi ziola ia hilabetea igaro denean. Donostiarrek Kanarietako Ro’casa taldea hartuko dute (19etan) ligako azkenaurreko partidan Bidebietan, erronka historikoa lorturik, izan ere, bigarren posutaren jabe dira eta, ondorioz, Champions ikutuko dute datorren denboraldian.
BM Alcobendasen aurrean lortutako garaipenak, asko sufritu ostean, hirugarren postua zortzi puntutara kokatzen du, ondorioz, liga amaitzeko gelditzen diren hiru partidei lasaitasunez ekingo diote eta, era berean, bolada onenarekin jarraitu nahi du, izan ere, taldeak zortzi norgehiagoka jarraian irabazi ditu eta azkeneko 16 partidatatik, 15 bereganatu ditu.
Denboraldia joan ahala, jokalariengan eragina izaten dute jokatutako partidak. Antonio Liberal masajistak dioen bezala “arazoa da ia maiatzean gaudela eta egindako ahalegina antzematen dela, alegia”. Horrela, ziur aski Eider Rubio, Bea Fernández edo Matxalen Ziarsolok minutu gutxi izango dituzte bihar Ro’casaren aurrean, sailkapen nagusian erdi-erdian kokaturik dagoena baina Kopan final-erdietan sartzeko zorian egon zena.
Bera Bera Eskubaloia Champions League delakoa edo antzeko lehiaketan parte hartu duten Gipuzkoako taldeekin bat egingo du datorren denboraldian. Horrela, Bidasoa eta Real Sociedad (emakumeen belar-hockey eta futbola) bezala, klubek Europa mailan jokoan izango duten lehiaketa handienean izango dira donostiarrak.
Gipuzkoako kirola mamitsua eta bertan nabarmentzea oso zaila da, izan ere, arrakastatsua izan ohi de Europan, Mundialetan edo joku olinpikoetan. Horregatik, Bera Bera Eskubaloiak lortutakoa txalogarria da.
Bidasoak eta Erreralak, belar-hockey nahiz futbolean Europako kopan parte hartu zuten Liga irabazi zituztelako. Bidasoak 86-87 eta 94-95 deboraldietan eskuratu zuten txapelketa eta, horrez gain, Europako lehiketan nagusi izan zen taldea bigarren edizioan.
Emakumeen belar-hockeyan Errealak txapelak lortu zituen 85-86, 92-93, 93-94, 97-98 eta 98-99 denboraldietan eta, ondorioz, Europako Kopan aritu zen hurrengo urtetan.
Bestetik, Errealak futboleko ligak 1981 eta 1982an irabazi ostean Europako Kopan parte hartu zuen eta 1983an final-erdiak jokatu zituen Hamburgoren aurka. Orain ezagutzen dugun Champions League formatoan Errealak bizi izan zuen 2003. urtean txapeldun orde izan zelako.
Kanporaketa
Itxakok ligari muzin egiten ez badio (puntu bakarra falta zaio), Bera Bera Eskubaloiak Championseko 16 taldeen artean egon nahi badu, kanporaketa bati aurre egin beharko dio. Denboraldi honen hasieran, kanporaketak lau taldek jokatu zituzten lau leku ezberdinetan ospatu zen Danimarkan, Polonian, Mazedonian eta Suedian.
Horrela, irailaren 17 eta 18an kanporaketak burutu ziren eta aurreneko partida irabazi zituztenek Champioseko multzoen faserako txartela jokoan izan zuten. Elda Prestigioren kasuan Metalurg Mazedoniako taldearen aurka galdu eta, ondorioz, Rekopan aritu zen.
Barakaldon asteburu honetan kadete mailako Euskal ligako finalean lorturiko hirugarren postuari esker, Espainiako txapelketa jokatzeko aukera emango duen sektoretan izango da Bera Bera Egia.
Lehiatzen igaro dituzten hiru egunak gogorrak izan arren, Bera Bera Egiak oso maila ona eman du. Ostiralean aurreneko zatian gaizki ibili zirenez ezin izan zute Bide Onera Zuazo gainditu (18-22). Larunbatean donostiarrek IMH Elgoibar baino gehiago izan ziren 22-20 eta igandean Zarauzko Aiala txapeldunen aurrean berdinketa lortu zuten.
Azpimarratzekoa da, gainera, Udane Rodriguez atezain onena izendatu izana. Dirudienez, sektoreetako fasea maiatzaren 11tik 13ra bitartean burutuko da.
Bestelako emaitzei erreparatuz, senior mailako Kopan Egia Bera Berak Aiala A ZKE taldearen auka 35-26 galdu zuen; Bera Bera Egia Kadete 1 22-16 irabazi zion Zalla Taberna Pulpori eta bigarren postua eskuratu du Foru Aldundia txapelketan.
Bestetik, txapelketa berean Bera Bera Egia Infantil A-k aurreneko garaipena lortu zuen (13-12) Pizzeria Marina Pulpo KE. taldearen aurka eta infantil B taldeak 16na berdindu zuen Andoainen CDB Leizaranen aurrean.
Bera Bera Eskubaloiak aurreneko aldiz emakumeen Afebal ligan bigarren postua ziurtatu du sailkapenean gaur arratsaldean ‘Ametsen Pabiloian’ BM Alcobendas 25-26 gainditu ostean (atsadenaldian, 13-15), azken minutuetan donostiarrek horrelako egoeratan eskarmentua erakutsi dutelako.
Bera Berak helburua lortu du liga amaitzeko hiru jardunaldi falta direnean, oso denboraldi bikaina burutuz eta Championseko ate joka utzi ditu donostiarra.
Partida oso berdintsua izan da, aurreneko zatian bi taldeek abantailak izan dituzte markagailuan baina gehienez bi golekoak .
Bera Berak 5-1 defentsaren aldeko apostua egin du, Kopako finalerdietan hain emaitza ona eman ziona, halere, baloi asko galdu ditu erasoan. Hala eta guztiz ere, atsedenaldian aurretik iritsi dira Matxalen Ziarsoloren kontraerasoak baliatuz.
Bigarren zatian madrildarrak geldiezinak izan dira, erasoan nahiz defentsan. Bera Berak Estela atezainarekin topo egiten zuen eta erasoan ez zuen Elisa Álvarez pibotea gelditzen asmatzen.
Horrela, BM Alcobendasek 20-17 lortu zuen eta ondoren, Ferrerek 23-19 ezarri zuen. Hortik aurrera, partida aldatu zen. Gaur Reyes Carrere ordezkatzen zuen Tati Garmendiak defentsa aldatu zuen, 6-0 jarri zuen eta Darly Zoqbi lagun madrildarren erasoa gelditu zuen.
Era berean, Bera Berak Alcobendasen hegaletan zuloa ikusi zuen eta Berta eta Pinedoren bitartez aldea murriztea lortu zuen (23-22). Batzuen eta besteen golak eman ziren eta azken unean, gipuzkoarren defentsak baloia lapurtu zuen eta Pinedok 25-26 ezarri zuen lau minutu baino gutxiago falta zirela. Merezi arren, donostiarren defentsak eta Darly Zoqbik Alcobendasen berdinketa galerazi zuten, talde honek duen irabazteko grina erakutsiz.
Horrela, Ametsen Pabiloian eskuratu du Bera Berak balentria, hau da, bigarren postua, Championsera begira jarriz. Zorionak!
Fitxa
BM Alcobendas 25 (13+12): Estela, Ferrer (2), Aramendia (1), Arderius (3), Álvarez (5), López (8) y González (4) –titularra- Morante (2), Navas, Prieto eta Ciobanu (o.a.).
Bera Bera 26 (15+11): Zoqbi, Altuna (2), Rubio (7), Carvalho (2), Punko (3), Bea Fernández (2), Pinedo (4) –titularrak- Ziarsolo (3), Berta (3), Cuña, Menéndez eta Campa.
Epaileak: Joaquim Castañer eta Gerardo Bohigas (Valentziarrak)
Kanporaketak: Bera Bera: Carvalho eta Pinedo. BM Alcobendas: Mireya González (2) eta López.
Partzialak: 3-3, 3-5, 5-6, 9-8, 11-12, 13-15 –atsedenaldia- 16-16, 20-18, 22-19, 23-20, 25-24 eta 25-26
Bihar larunbata, goizeko 9etan, Bera Bera Eskubaloia Bidebietatik irtengo da autobusez Alcobendaseruntz, bigarren postua ligan matematikoki eskuratzeko aukera jokatuko duen partida helburu.
Bera Berak ligan hirugarrena den BM Alcobendas izango du aurrez aurre, Champions atarian uzten duen bigarren postua kendu diezaiokeen talde bakarra, alegia, arerio zaila Kopako final-erdietan ikusi zen bezala.
Aurreneko lerroa arriskutsua du Alcobendasek, Arderius zuzentzen du taldea, Ferrer eta Mirella González dira laterak, horrez gain, eskuin hegal goleatzailea da Marta López eta atean Ciobanu Bera Berako jokalari ohiak oso Kopa ona burutu zuen Altean.
Horrez gain, asteazkenean menisko ebakuntza egin zioten Reyes Carrere entrenatzaileari eta ezin izango du taldea zuzendu. Horrela, Tati Garmendiak ordezkatuko du Reyes eta Amaia Ramírez presidentea taldearekin egingo du bidaia.
15 minutu zoragarri
Ligako azken bi partidatan, Castro Urdiales eta Sagunto taldeen aurka, hain zuzen, Bera Bera Eskubaloiak pistan dituen minutu onenak behar izan zituen, 40. eta 55. minutuak, alegia. Pachi Torre kiroldegian, defentsa bikain bati esker Bera Berak 3-6 partziala lortu zuen. Bidebietan, aldiz, Mar Saguntori 8-4 sartu zion une horretan, partida bideratuz.
Bera Berak bigarren zatietan lortu ditu partzial onenak, Lizarrerian Itxakok eta Bidebietan Elche Mustang (zazpi goleko abantaila zuen atsedenaldian) taldeek baino ez dute gainditu.
Donostiarrek onena ateratzen dute 15 minutu hauetan, bigarren zatiko 40 eta 55. minutuen arteko unean, alegia. 17 aldiz arerioa baino hobea izan da Bera Bera aurtengo ligan, hirutan berdinketa eman da (Castro Urdiales, Bidebietan; Mar Alicante eta Cleba León) eta, esan bezala, Itxako eta Elche Mustang aurrean, galdu.
Bereziak eta garrantzitsuak izan dira Bidebietan Mar Alicante taldearen aurka lortutako partziala (6-2); Leonen (5-7), puntu bat urratu zuena; Sagunton (6-8) abantaila handitu zuena; Kanarietan (5-10) garaipena ziurtatu zuena, Bidebietan Eldari ezarri zion 9-4 partziala; Murtziako 3-8 eta aipatutako azkenak, Castro Urdialesen (3-6) eta Saguntoren aurkakoa (8-4).
Bera Berak jokatutako partidatan beti eman den datua da 55. minutuan behin iritsita markagailua ez dela irauli amaieran.
Ea bada bihar Alcobendasen (18 etan, Ametsen Pabiloian) Kopako finalerdietan eman zena berriro gertatzen den, hau da, minutu horietan donostiarren aldea bitik bostera zabaltzea, bigarren postua berretsi eta, ondorioz, ligan historian zehar eman den sailkapen onena lortu eta Champions jokatzeko aukera izan datorren denboraldian.
