05 Martxoa 2012

Bera Bera Eskubaloia bigarren itzulian ziurtatzen ari da urtarrilaren lortutako emakumeen eskubaloi sailkapeneko bigarren postuko bere sarbidea ustekabekoa ez dela. Hain goian sekula izan arren, donostiarrek ondo eutsi diote postuari.

Izan ere, bederatzi jardunaldi jarraian dira bigarren leku horren jabe, datorren denboraldian Europako Txapelketa jokatzeko aukera emango duena. Aurreneko jardunaldian golei esker Bera Bera lídergoan kokatu zen, ondorioz, Europako Txapelketako postuetan denbora gehiago eman du kanpoan baino.

Lizarrerian eta Elxen jasotako porrotek eta Leongo berdinketak Bera Bera laugarren postura eraman zuten lehenengo itzuliko erdialdean. Bidebietan larunbatean (7etan) hartuko duen Elche-Mustang taldearen aurkako partidak eragina izan zuen aldagelan. Hortik aurrera taldearen ibilbidea zoragarria izan da, azkeneko 12 partidatik 11 irabazi ditu, besteak beste, Sagunton eta Alacanten eta Alcobendas eta Elda etxean. Porrota bakarra -gol bakar batez- partida guztiak irabazi dituen Itxakoren aurka izan zen. Iaz liga osoan baino garaipen eta puntu gehiago ditu aurtengo Bera Berak

Kopan, zerrenda-buru

Bera Bera bigarren postuan urtarrilean 14an kokatu zen sailkapenean 22-33 Rocasari irabazi ostean eta Cleba Leonek Saguntori irabazi ziolako.Bi jardunaldi gelditzen ziren aurreneko itzulia amaitzeko eta Kopako zozketari begira donostiarrek zerrenda-buru zuten helburu. Horretarako, Elda Prestigioren aurka oztopo batzuk gainditzeko kapaz izan zen eta Murtziari ezin zion aukerarik eman.

Emaitza hauei esker, Itxako saihestu zuen zozketan, kasualitatez Altean lehenengo eta hirugarrena elkartu zuten, Itxako-Mar Sagunto, alegia.

Kukullagari aise irabaziz eta Itxakoren aurka galduz ekin zion Bera Berak bigarren itzuliari. Hortik aurrera, Alacanten eta Cleba Leonen aurkako garaipenak dira azpimarragarrienak.

Egun, bi puntuko alde du Mar Saguntorekiko eta bost puntu ditu BM Alcobendas eta Mar Alicante. Donostiara etorri aurretik, Mar Saguntok Itxako gaindiezinaren bisita jasoko du, ondorioz, donostiarren tartea handiago izan daiteke.

Asteburu honetan, Bera Berak mendekua hartzeko aukera du, izan ere, Elche-Mustang –Sagunton irabazi zuen- hartuko du eta, ondorioz, arerioekin abantaila mantendu, 20. Jardunaldiak sorpresa gutxi emango dituelakoan.

03 Martxoa 2012

Bera Bera Eskubaloiak urrats berri bat eman du sailkapeneko bigarren postuari eutsi aldera, gaur arratsaldean Porriñon (21-32) nagusitu ostean, etxetik kanpo seigarren garaipen jarrian (10-14, atsedenaldian) eta hamaikagarrena azkeneko 12 partidan. Donostiarrak faborito ziren partida atarian gaztea eta igo berri den BM Porriño taldearen aurrean. Galiziarrek norgehiagoka hasieran eutsi dio Bera Berari, lehenengo zati erdialdean tartea zabaldu duena (6-11). Atsedenaldi ostean, Bera Berak defentsa hobetu du, kontraerasoak gauzatzeko aukera izan ditu eta barneraketak bitartez Porriñoren defentsa apurtu. Partziala 1-6 izan da aurreneko hamar minutuetan eta Bera Berak abantaila kudeatzen jakin izan du, hamar goleko tartea partida amaiera arte zainduz, bederatzi kanporaketa jasan arren, Elxen zoritxarreko partidan bezala. Bera Berako entrenatzaile Reyes Carrerek ateko ardura osoa eman dio gaur Yamiley Rodriguezi eta kanariarrak erantzun egin du. Era berean, minutuak banatu ditu eta atsedena eman dio Eider Rubiori. Azpimarratzekoak dira Anna Punkoren lau golak, pozik bukatu du partida errusiarrak; Arizagaren bi golak eta pistan egin dituen minutuak, Libe Altunaren errekuperazioa eta Eli Pinedoren sei golak, taldeko golegile nagusiena izaten jarraitzen duelarik. Garako kazetari Juan Carlos Elorzaren datuen arabera, Reyes Carrerek gaur 300 partida bete du Bera Berako entrenatzile gisa. Reyes Carrere eta taldea denboraldi bikaina betetzen ari dira. Bera Bera Eskubaloiak urtarrilaren erdialdean bigarren postura egin zuen salto eta orduz geroztik ez du arriskuan ikusi, bederatzi jardunaldi jarraian bere eskuetan du datorren denboraldian Europako Kopa jokatzeko aukera emango duen leku hori. Fitxa Porriño 21 (10+11) Makarenko eta Iris, Ana Rodríguez (1), Aloa Martínez (1), Isa Bastero (2), Bibiana (5), Sandra (1), Maialen Mugica, Paula Fernández (5), Estela Doiro (5), Cecilia eta Cadens (1) Bera Bera 32 (14+18) Yamiley, Berta (5), Rubio, Cuña (2), Carvalho (1), Campa (2), Pinedo (6), Ziarsolo (4), Punko (4), Altuna (2), Menéndez (1), Arizaga (2) eta Bea Fernández (3) Epaileak: Gonzalo Miranda eta Fernando San Pedro (Madrid) Kanporaketak: Alo Martínez, Isa Bastero (2) eta Sandra BM Porriñotik eta Rubio, Arizaga (2), Cuña (2), Pinedo (2), Ziarsolo eta Campa Bera Beratik. Partzialak: 3-3,4-5, 5-8,6-9,8-12,10-14–atsedenaldia-11-18, 11-20,13-23,15-26,19-28 eta 21-32.

02 Martxoa 2012

Bera Bera Egia jubenil taldeko kapitaina da. Aurreneko fasean berdikenta bat izan ezik partida guztiak irabazi zituzten orain, aldiz, sufritzen ari dira, izan ere, hiru norgehiagoka galdu dituzte Euskadiko txapelketan. Halere, Uxue Ezkurdia baikor da eta bigarren itzuli honetan egoera aldatuko dela pentsatzen du. “Kalitatea badugu behintzat ibilbidea hobetzeko” ohartarazi du Bera Bera Egia jubenil taldeko jokalaria. Uxue Nora Azurmendi eta Olatz Ramonekin batera, ohorezko mailarekin entrenatzen hasi zen Brasilgo Mundialak eragindako etenaldian. Eta bertan jarraitzen du. Urtarrila bukaeran Reyes Carrerek ezustekoa eman zion. “Etxebarrin Kukullagaren aurka jokatzeko deialdian sartuko ninduela esan zidan”. Anna Punko eta Melinda Berta min hartuta ziren eta Uxue Ezkurdiak autobusean egin zuen bidaia, Olatz Ramon Leonera urrian bezala. Bizkaian izanda, jubenil mailako taldekide batzu gerturatu ziren eta beroketa ere ez zuten galdu. “Bai, hor egon ziren partida ikusten eta animatzen” aipatu du. Debuta Gutxik espero zutena iritsi ziren, hau da, ohorezko mailako taldearekin debuta egin zuen Uxuek. Bigarren zati erdialdean Reyes Carrerek berotzeko esan zien Uxue eta Eider Rubiori eta hamar minutu falta zirela, Kukullagaren pistara sartu zen Uxue 18. zenbakiarekin. “Ezin nuen sinistu, ahal dudanean partidak ikustera nator eta ni barruan negoea ezin nuen sinisten” azaldu du. Izan ere, aurreneko lerroan jokatu zuen Uxuek, ondoan Bea Fernandez -112 aldiz internazionala-, Anita Campa serbiarra edo, besteak beste, Matxalen Ziarsolo zituela. “Hasieran oso urduri nengoen baina gero ondo sentitu nintzen eta Eider Rubiok asko lagundu zidan” dio. Uxue ausarta izan zen, baloia jokatzen saiatu zen eta barruraka egiten. Dara Carvalhori pasea eman zioen eta penalti bat ere egin zioten. “Oso esperientzia polita izan zen” onartu du. Halere, partida baino, erritmoa edo intensitatea baino, Uxuek ohorezko mailako jokalariek egiten duten “lana” txalotzen du.”Asko entrenatzen dute, ariketa ezberdinak egiten dituzte, gustoko dut nola betetzen duten eskatutakoa eta nola bizi duten kirol hau” azpimarratzen du Bera Bera Egia jubenil taldeko kapitainak. Ohorezko mailan dituen ereduaz galdetuta, Uxuek “Eider Rubio eta Eli Pinedo” aipatzen ditu, azken honen “jaurtitzeko era batez ere”.

02 Martxoa 2012

Oso bidai berezia da Bera Bera Eskubaloi taldeko galiziarrarentzat. Verónica Cuñak orduak inbertituko ditu familaren ondoan egoteko, izan ere, laster izeba izango da eta, bestetik, Porriño jaioterrian aurreneko aldiz jokatuko du ohorezko mailan. Berarentzako “han jokatzea berezia izango da bertan eskubaloia bizi nuelako eta jokalari asko ezagutzen ditudalako” aipatu du.. “Berezia izango da partida aurretik eta ostean, partidan ahalik eta ondoen egin behar dugu” ohartarazi du. Bera Berak gaur egin du bidaia autobusez Porriñoraino eta jokalari guztiak prest dira bihar, arratsaldeko 6etan, emakumeen eskubaloiko ligako 19. jardunaldiari ekiteko. Anna Punko minutuak izan zituen Cleba Leonen aurkako partidan eta Libe Altuna sendatu dira. Bihar larunbata, Bera Berak ordu beteko entrenaldi saioa egingo du udal kiroldegian bertan, goizeko 10etatik aurrera. “Porriño ligara egokitu da” Bera Berako zentralak onartu du faborito direla bihar. Izan ere, aurreneko itzulian Porriñok 11 gol baino ez zituen egin Bidebietan. Cuñaren iritziz “Porriño ahulago ikusi nuen orduan, denboraldi ona burutzen ari dira baina, batez ere etxean –Elda Prestigio gainditu zuten- eta orain, dirudienez, ligara egokitzen ari dira talde gaztea izan arren”. Zentzu honetan, Cuña baieztatzen du “hobeak garela”, halere “pistan frogatu behar dugu nagusitasun hori” ohartarazi du. Galiziarra “pozik” dago Donostian eta “aurten gainera EHF Cup jokatzeko aukera izan dut, Ladaran aurkako kanporaketa galdu arren”. “Halere – jarraitzen du galizarrak- partida sutsuak jokatu genituen, Gasca bete genuen eta gauza guzti horiek betetzen gaituzte jokalari gisa haziz”. Anna Punkoren lesioak minutuak eman dizkio Cuñari. “Bai, eskuin hegalean ere jokatu dut baina pistan egotea da garrantzitsuena eta posizio ezberdinetara moldatzen saiatzen gara” azaldu du. Taldearen asmoa da “bigarren gelditzea, merezi dugulako eta lan handia egiten ari garelako” eta bestetik, Kopa ere aipatzen du “gauza positiboak egin nahi dugulako bertan”. Martxoan “nekea” agertu arren, Verónica Cuña “baikor” da egutegiari so eginez gero, batez ere, Elche eta Sagunto hartuko baitu Bera Berak “bigarren lekuari eusteko”.