Bera Bera - Berriak

10 Maiatza 2012

Arrazoi ezberdinak direla kausa, bost jokalaria hauek Bera Beran agur esango diete zaletuei Bidebietan larunbatean. Anna Punko, Anita Campa, Melinda Berta y Bea Fernándezek gustokoena egin dezakete, jokatu. Dara Carvalhok Eldaren aurkako partidan, azkeneko jokaldian txartel gorria ikusi zuenez zigorra heldu zaio eta harmailetan izango da brasildarra. Bera Bera Eskubaloiko presidente Amaia Ramirezek komunikabideen aurrean eskertu zuen “jokalari hauen profesionaltasuna eta, horregatik, kirola arloan eta maila pertsonalean zorterik onena opa diegu”. Anna Punko eta Anita Campa ‘ahizpen’ kasuan hiru denboraldi eman dituzte Bera Beran. Biek “oso positibotzat” baloratu izan dute urte hauek, “bigarren postua lortu dugu” eta taldekideekin bizitakoa azpimarratuz. Anita Campa y Melinda Bertak ez zuten jarraitzeko eskaintzarik. Hungariako hegalak bi denboraldi bete ditu eta “oso gustora sentitu naiz, taldekideekin, Reyesekin, Antonio eta Ikerrekin…”, oraindik ez daki zer egin “orain etxera joan eta atsedena hartu, batez ere”. Bestalde, Bea Fernándezek “taldekideak” goraipatu ditu eta 2013rarte kontratua izan arren, Dara Carvalhok akordioa etetzea eskatu du Autriako Hypo taldera joan ahal izateko, izan ere, Brasilgo selekzioaren bizkarezurra Europan biltzeko asmoz. “Etorkizunari begira, kirol aukerarik onena bilatu nahi dut eta oso erabaki zaila izan da hemen oso ondo nagoelako”. Ondorioz, zaletuek larunbatean Bera Bera Eskubaloiari jokalari hauek egindako ekarpena eskertuko dute.

09 Maiatza 2012

Azken aldi honetan bezala, asteburua senior mailako Egia Bera Berak irekiko du, Ereintza Eskubaloiaren aurka jokatuko duena ostiralean 20,15etan Egia kiroldegian. Egian bertan, larunbatean 16,45etan, Gipuzkoako Kopan jubenilek Usurbil hartuko dute. Reyes Carrerek zuzentzen duen taldeak azken partidari ekin aurretik –larunbatean 7etan Ucam Murciaren aurka- Bera Bera Egia Cadete 1 taldeak Zalla Taberna Pulpo izango du aurrean Bidebietan 16,30etan. Infantil mailan Bera Bera Egia B taldeak igandean jokatuko du Bidebietan eguardiko 12etan Foru Aldundia txapelketan, Trap Taberna Pulpo taldearen aurka. Eta Bera Bera Egia kadete 2 taldeak Vigon sektoreko faseari ekingo dio asteburu honetan.

09 Maiatza 2012

Gipuzkoako kadete mailako txapelketa lortu zuen Bera Bera Egia kadete 2 taldeak partida guztiak irabazita. Ondoren, Bide Onera Zuazo eta euskal ligan aritu diren Aiala eta Elgoibarren aurka sektore fasean parte hartzeko lehian bigarren gelditu zen apirilaren bukaeran Barakaldon ospaturiko kanporaketan. Zuazoren aurka galdu, Elgoibarri irabazi eta Aialaren aurka lorturiko berdinketari esker, donostiarrak, zarauztarrak eta bizkaitarrak eskuratu zituzten hurrengo faserako txartelak. Ondorioz, Espainiako federazioan egindako zozketari erreparatuz gero, Bera Bera Egia kadete 2 taldeak Vigon jokatuko du asteburu honetan sektoretako kanporaketa. Bertan Galizako U. B. Lavadores, Kanarietako BM BMLC eta Leongo EDM Cleba taldeak izango ditu arerio. Horrela, ostiralean arratsaldeko 8,30etan bertako U.B. Lavadores izango du aurrean; larunbatean 17etan, Leongo Cleba izango da arerioa eta, azkenik, igandean goizeko 10etan Kanarietako BM BMLC taldearen aurka bukatuko du lehiaketa.

08 Maiatza 2012

Donostiako udalak ostiral honetan Bera Bera Eskubaloi taldeko jokalariei, entrenatzaileei eta zuzendariei harrera egingo die denboraldi historiko bete dutelako, Kopan azpitxapeldunak eta Ligan bigarren postuaren jabe egin delako, ondorioz, Champions League txapelketan aritzeko eskubidea lortuz.

Horrela, Donostiako alkate Juan Karlos Izagirrek eta Kiroletako zinegotzi Josu Ruizek Bera Bera Eskubaloiari adierazi diote Donostiako Udaletxean harrera egin nahi dutela, datorren ostiralean, maiatzak 11, eguardiko 1,30tan, egindako denboraldi bikaina goraipatuz.

Era berean, Bera Berak jokatuko duen ligako azken partidara etorriko direla ziurtatu dute biek, Bidebieta kiroldegian, datorren larunbatean, maiatzak 12, 19etan, Ucam Murciaren aurka, hain zuzen. Norgehiagoka honetan, denboraldian zehar Bera Berak zaletuen, instituzioen, babesleen eta eragile ezberdinei eman duten laguntza eskertu nahi du.

07 Maiatza 2012

Harrobiko taldeak asteburu honetan lorturiko emaitzen artean, senior mailako Egia Bera Bera eta Infantil B taldeen garaipenak dira azpimarragarrienak. Gipuzkoako kopan aurrenekoek (23-25) gainditu zuten Aloña Mendi eta Bera Bera Egia Infantil B taldeak, berriz, (6-11) Trapaia Taberna Pulpo KE. Bestalde, Bera Bera Egia Infantil B taldeak Aiala A ZKE taldearen aurka 19-11 galdu zuen Gipuzkoako txapelketaren baitan, Bera Bera Egia kadete 1 taldeak 29-26 Usurbilen eta juvenil taldeak 30-23 Aiala A ZKE taldearen aurrean.