Bera Bera Eskubaloiko arduradun Tati Garmendia eta harrobiko koordinatzaile Verónica Valverdek ohorezko mailako taldeak Liga aurreneko aldiz irabazteko duen helburuarekin bat egiteko prestatu diren ekintzen berri eman dute gaur goizean.
Horrela, abonamendu berezia aurkeztu dute, ligako azkeneko bost partidak ikusteko aukera emango duena, helduek 25 eurotan eta gazteak, 12,5 eurotan.
Kopan izandako arrakasta ostean, martxoak 2, larunbatean ligari ekingo dio taldeak, horretarako hamar norgehiagoka izango dira hizpide.
Bera Berak partida erabakigarrienak Bidebietan jokatuko ditu aurkari zuzenak hartuko baititu, Mecalia Atlético Guardés (larunbatean, 19etan), Elche Mustang (martxoak 13), Alcobendas (apirilak 6) eta Rocasa (maiatzak 4), gelditzen den partida Cleba Leonen aurka izango da apirilaren 20an.
Martxoaren 13an partida garrantzitsuena jokatuko da Bidebietan, martxoaren 9 eta 17an Cup Winners’ Cupeko kanporaketa dela eta aurreratu den jardunaldian. Egun horretan, -asteazkena 13, 19etan- izango da Bidebietan egun bigarren sailkatua, Elche Mustang, alegia. Donostiarrak puntu bat aurretik dira baina Elche da Bera Bera ligan orain arte gainditu duen talde bakarra eta Kopako final-erdietan asko sufritu zuten Reyes Carreren jokalariek finalerako txartela eskuratzeko.
Tati Garmendiak “oso positibotzat” jo du “Superkopa eta Kopa eskuratzea” eta, era berean, “ilusioz beterik gaude liga irabazteko aukerak ditugulako“aitortu du.
Horregatik, berretsi du: “guztia emango dugu”, baina “bakarrik ezin dugu” ohartarazi du. Hori dela eta “eskubaloiaren eta kirolaren zalegoari erronka honetan babesa ematea” eskatu du.
Harrobiko koordinatzaile Verónica Valverdek azaldu du “gure asmoa da Bidebieta jendez betetzea”. Horrela, ligako azkeneko bost partidarako abonamendu bereziaz gain –Europako partidak barne- “inguruko ikastetxeekin harremanetan gaude Bidebietan gazte harmaila osatu ahal izateko”.
Era berean, Elche Mustang partida asteazken batean izango denez (martxoak 13, 19etan) “oso zaila izango da gazteak erakartzea, horregatik, Gipuzkoako eskubaloiari, federazioari eta klubei egingo diogu dei berezia norgehiagoka honetara etor daitezen”.
“Eta aurrera begira, apirilean eta maiatzeko partiden inguruan aukera ezberdinak aztertzen ari gara, gauzatzen direnean horien berri emango dugu” aipatu du.
Abonamendua Bera Bera Eskubaloiak Bidebieta kiroldegian dituen bulegoetan egin daiteke edo larunbat honetan Mecalia Atlético Guardés taldearen aurkako partida aurretik (martxoaren 2an, 19etan).
Era berean. Klubak Donostiako kirol patronatoarekin harremanetan dago taberna zerbitzua lehenbailehen berreskuratzeko eta astean zehar harmailak irekitzeko, hau da, harrobiko nahiz ohorezko mailako taldeak burutzen dituzten entrenamentuak ikusgai izateko.
Espainiako hautatzaile Jorge Dueñasek Errumanian martxoaren 21etatik 24ra bitartean antolatu den Carpati Trophya jokatzeko zerrenda eman du gaur eguardian. Aukeratu dituen jokalarien artean dira Patri Elorza eta Silvia Ederra, piboteak Espainiako selekzioarekin debuta egingo duelarik.
Hautatzaileak Eli Pinedori atsedena eman dio eta aurpegi berriak sartu ditu deialdian. Espainiak martxoaren 22an Alemaniaren aurka jokatuko du, hurrengo egunean Errumania B izango da aurkaria eta igandean Errumania A. Taldea astelehenean iritisko da Madrilera.
Patri Elorza eta Silvia Ederrak martxoa mamitsua izango dute. Izan ere martxoaren 2tik 17ra bitartean Ligako hiru partida: Guardés (2an), Mar Alicante (6an) eta Elche (13an) eta Alemaniako Thüringer taldearen aurkako kanporaketa(9 eta 17an), eta Carpati Trophy jokatu ostean Aste Santu aurretik, Bera Berarekin Valentzian arituko dira martxoaren 27an.
Porriñon burutu den Kopako XXXIV. edizioa bereganatu du Bera Bera Eskubaloiak finalari Rocasari 25-24 irabazi ostean. Garaipen honekin donostiarrek hirugarren txapela eskuratu dute, aurrenekoak 2007 eta 2009an lortu zirela.
Horretarako aste osoan zehar sufritzen jakin izan du, ostegunean final-laurdenak hasi zirenean finaleko azken segudurarte.
Final-laurdenetan eta final- erdietan ez bezala, Bera Berak ez zion Rocasari erakutsi nahi partida irabazteko aukerarik zituenik. Alba Menéndezek lehenengo gola sartu zuen, defentsan 5-1 Eli Pinedo aurrean jarrita sendo, baina Pinedo eta Arizagaren jartikuetak Sánchez atezainak urruntzen dituen.
Kopa osan zehar defentsak erantzun du, halere Albaladejo asmatzen hasi da taldea aurretik jarriz (10. Min , 2-5). Bera Berak lasai hartu zuen ta pixkanaka asmatzen hasi zen eraso posizionalean, Arizagak zuzentzen eta Ziarsolok penaltiak gauzaten berdinketa iritsi zen (20. Min 8-8).
Albaladejo eusten lortu ondoren, Rocasa Haridian pibotearekin saiatu da. Castro alboko lerroetatik taldea aurretik jarri du (22. Min 10-9), Zoqbik bi geldiketa izugarriak egin ditu eta erasoan Ederrak asmatu du hiru golekin. Atsedenaldian 14-10, Bera Bera markagailua alde zeraman aurreneko aldiz Kopan.
Baina Kopa kopa da eta Rocasak ez zuen amore eman. Penaltien bitartez gerturatzen hasi ziren eta Bera Berak ez zuen eraso jokan asmatzen. Kanariarrak aurretik jarri dira eta orduan, berriro ere, talde honen grina agertu da, Matxalen Ziarsolo eta Darly Zoqbi buru.
Brasildarrak, finaleko MVP, bi penalti eta horma izan da Rocasarentzat. Halere, Bera Berak lan neketza egin behar izan du eta Ziarsolok penaltiekin asmatu. Zorionak!
Bera Bera Eskubaloiak Kopako hirugarren txapela lortu du gaur Rocasari 25-24 Porriñon irabazi ostean.
Bera Bera 25 (14+11): Zoqbi, Castro (3), Elorza (1), Menéndez (1), Pinedo (4), Núñez y Ziarsolo (10, 6p) –titular- Arizaga (1), Rubio (1), Ederra (3), Altuna (1), Dunay y Yamiley (p.s.).
Bm Rocasa 24 (10+14): Sánchez, Luján (2), Falcón (2), Devora, Albaladejo (4), Davinia (8), Haridian (6), Tiddara Trojaola (1), Peña, María González (1), Tamara López, Guedes y Adriana (p.s.).
Epaileak : Manuel Casado eta Manuel Vera (Andaluzia)
Kanporatuak: Menéndez (2), Elorza, Altuna, Pinedo eta Ziarsolo (2) Bera Beratik eta Davinia López (2) eta Trojaola Rocasatik.
Partzialak: 1-2, 2-5, 4-5, 8-8, 12-10, 14-10 –atsedenaldia- 15-11, 16-14, 18-17, 21-21, 23-22 eta 25-24.
Bigarren zatian ez omen dira onenak, Bera Bera, aldiz, esaerarekin ez dago ados. Izan ere, Zuazoren aurkako partida gogora ekarri dute donostiarrek. Halere, berriro ere, finala eskuratzeko gogoak eta talde honek sufrimendurako duen gaitasuna, berriro ere partida iraultzeko aukera eman dio, Elche Mustang gainditu eta bederatzigarren aldiz Kopako finalean egongo da (igandea, 13,05etan Teledeporte).
Horretarako, Bera Berak sekulako bigarren zatia jokatu du. Eli Pinedo eta Eider Rubioren gidaritzapean, Darly Zoqbi erabakiorra atepeaan eta Matxalen Ziarsolo bikain penaltiak gauzatzen. Baina sufritzen jakin izan dute. Hori da taldea definitaen duena eta berriro ere frogatu dute.
Lehenengo zatian Bera Bera sendo zegoen defentsan baina ez zuen eraso posizionalan asmatzen. Eider Rubio pibotearekin jokatzen saiatu arren baina ez zuen lortze, Eli Pinedo lotura zuten alboan eta Nitsan Dunay eta Patri Elorzak ez zuten barneraketak asmatzen.
Bera Berak Elchek zabaldutako tarteari eutsi dio defentsari esker baina Mamen Rodríguez eta Ana Isabel Martínez asmatzen hasi dira –bien artean zortzi gol lehenengo zatian-. Reyes Carrerek Yamiley jarri du atean baina Elche 8-12 joan da atsedenaldira. Bera Berak bi gol baino zeraman eraso posizionalean.
Bigarren zatia berdin hasi da. Elchek emaitzari heldu dio Ana Isabel Martínez edo Mamen Rodríguezen bitartez eta Bera Berak Eli Pinedoren inspirazioaren bidez. Bigarren zatian erdian aritu da Pinedo, barneraketak egin ditu gola sartzen, penaltiak ateratzen –Eider Rubiok sartzen zituenak- edo Ederrarekin lotura eginez.
Donostiarrak geroz eta gertuago ziren (16-18, 46. Min) eta Elcheri partida luzeegia egiten ari zitzaion. Elorza, Ederra eta Núñezek osaturiko hormarekin topo egiten zuten eta Darly Zoqbi gaindiezina zen. Brasildarrak egindako geldiketa bat medio, Castrok gol bakar batera utzi du Bera Bera, ondoren 5-0 partziala lortu duena, Matxalen Ziarsolok sartutako penaltiei esker.
Elche saiatu da banan banako defentsarekin, baina Esther Martínezen kalea, Darlyren geldiketa penalti batean eta minutu bat falta zela Pinedoren golak garaipena erdietsi du eta finalerako txartela (13,05 h. Teledeporte).
Horrela, Bera Bera aurkariaren zain dago. Mecalia Atlético Guardés eta Rocasak jokatzen ari dira beste finalerdia.
Fitxa:
Bera Bera 23, Elche Mustang 20
Bera Bera (8+15): Zoqbi, Castro (3), Rubio (5, 4p), Núñez (1), Elorza, Dunay eta Pinedo (8) –titularra- Menéndez, Ziarsolo (3p), Ederra (3), Altuna eta Yamiley (o.a.).
Elche Mustang (12+8): Llanos Trigueros, Gómez (3), Segarra, Ana I. Martínez (7), Andreu (1), Esther Martínez (2), Mamen (6), Segarra, Sempere (1), Vila, Fuentes eta Guilabert (o.a.).
Epaileak: Gonzalo Mirando eta Fernando San Pedro (Madrid)
Kanporaketak: Castro (2), Elorza (2), Núñez eta Ederra Bera Beratik eta Sempere (2) eta Ana I., Martínez (1) Elche Mustang taldeatik.
Partzialak: 0-1, 2-3, 4-5, 5-7, 6-9, 8-12 –atsedenaldia- 9-13, 11-15, 15-17, 18-18, 20-19 eta 23-20
