Bere klubaren 25. urteurrena ospatzeko, Akaba Bera Berak omenaldi bat egingo dio Ohorezko Mailan izandako jokalariei, eta dohain eskuratu ahal izango dute 2008-09 denboraldirako abonua.
Hori dela medio, Bidebietako harmailetan bilduko dira berriro lehenbizi Bidebieta neta geroago Bera Beran izandako jokalari haiek, orain ABF Superligan gorenetako eta Euskadiko nesken kirolean inportanteenetako den taldearen oinarriak ezarri zituzten.
Abonua jasotzeko, jokalari hauek taldeko bulegotik, Bidebieta Kiroldegian, pasa behar dira astelehenetik ostiralera, 9:00etatik 13:00etara.
Leku eta ordutegi berean, Akaba Bera Berako zaletuak badaukate prest denboraldi honetarako abonuak, 50 euro truke. Gainera, urte honetarako berrikuntza bat sartu egin dute, Erreka Laranja laguntaldeen bazkideek abonu bereziak izango dituzte, laranaja kolorezkoa, eta taldearen alde ematen dituzten animoak saritzeko.
Joan den ostiralean “Erreka Laranja” laguntaldea martxan jarri zen, inauguraketa egin bait zuen ekitaldi batean non bazkideez gain, ia jokalari guztiak egon ziren.
Ilusio osoz ageri zen Antonio Curto, momentu honetan 64 bazkide dituen peñaren presidentea, eta gogoratu egin zuen nola jaio zen ideia hau, iaz Lizarran. Han donostiar zale amorratu batzuk egon ziren taldea animatzeko. “Giroa sinestezina izan zen” gogoratzen du Antoniok, “animatzeagatik gure jokalariak ezezik, hango zaletuak ere zoriondu ziguten, lortu egin bait genuen ehun bat lagunen artean hango 1.500ak ixiltzea”.
“Etxean berriro partida bat izaterakoan”, adierazi du Curtok, “konturatu egin ginen zale guztiok harmailetan zehar hedatuta geundela, ez zegoen elkartasunik taldea animatzeko”, eta horregatik bildu ziren Lizarrako giroa errekuperatzeko etxeko partida guztietarako. Zaletuen artean zabaldu zen ideia hori, eta Erreka tabernan erroldatua, ideia izan zutenek beharrezko legezko tramiteak egin zituzten, laguntaldea osatu eta ofiziala egitearren.
Pauso horiek gaindituta, bazkideen kopuruak harritu egin ditu proiektu honen antolatzaileak, liga hasi baino lehen 60tik gorakoak bait ziren.
2008/09 denboraldiko lehenbiziko partidan “Erreka Laranjaren” presentzia nabaritu egin zen, bere bonboak, danborraz eta turutak eramanez, eta beren eztarri boteretsuekin, gozatu egin zuten taldearen lehenbiziko garaipenarekin, laranjaz tintatutako kamiseta pilo eta Bidebietan ia ezezaguna den giroa zabalduz, taldea gorenera eramateko.
2008/09 denboraldia prestatzeko oraindik entrenatzen hasi ez den bakarra infantil mailakoa da, eta hurrengo astelehenean, Irailak 15, talde honen jokalariek lehenbiziko saioa egingo dute.
Entrenamendua Bidebietako Kiroldegian izango da, arratsaldeko 17etan, eta entrenatzailea Ainhoa Garcia izango da, 2. Nazionaleko taldearen jokalaria da ere prestatzailea.
Bidebietako Kiroldegian bere burua aurkeztu egin dute gaur Akaba Bera Berako jokalari eta teknikoek. Ekitaldian Fernando Díez, klubeko Presidenteaz gain, Iñaki Galdós, Gipuzkoako Kirol diputatua, Jon Lasa, Donostiako Kirol zinegotzia, eta beste ordezkari politiko, euskal eta Gipuzkoako federatiboak, babesleen ordezkariak eta klubetako hainbat arduradun egon dira.
Jendez beteriko harmailetan aurrean atera dira jokalariak eta taldeko arduradunak, hurrengo denboraldirako ekipazio berriak erakutsiz, taldeko argazki ofiziala egiteko. Hori bukatu eta berehala parte hartu dute Fernando Diezek, Reyes Karreresek, entrenatzailea, eta Esme López kapitainek azaltzeko hurrengo denboraldirako dituzten propositoak.
Ilusio osoz ekingo dio Akaba Bera Berak hurrengo denboraldiari, iaz lortutakoa ez berdintzeko bakarrik, gogoratu Superkopako garaile izan zela, Europako Errekopako finalerdietan egon zen, Erregina Kopako finalean, eta Superliga ABFen bostgarren postu lortu zuen; baina denboraldi honetarako nahi izango dute aurrerago pauso bat ematea.
Horretarako teknikoek bete duten taldea oso konpetitiboa da, iazko oinarria mantenduz, eta Amelie Goudjo pibote frantziarra, Alexandra Lacrabère eskubiko lateral gaztea baina Frantziakin internazionala, eta Andoaingo Kattalin Olasagasti gaztea fitxatuz. Jokalari hauekin bete egin da Montse Puche, Natasa Krnic eta Ana Petrinja utzitako lekua.
Aurten Akaba Bera Bera hiru arlotan parte hartuko du. Alde batetik asteburu honetan hasiko den Superliga ABFen, non saiatuko dira azkeneko urtetan lortutako 5. postua gaindituz; gainera Europako EHF Kopan parte hartuko dute, bigarren kanporaketan Veliko Tarnovo bulgariar izango dute arerio; eta denboraldian zehar Erregina Kopari ekingo diote, txapelketa honetan duela bi urte garaile izan ziren donostiarrak, eta iaz finalean egon ziren.
Horretaz gain, denboraldi honetarako Akaba Bera Berak bere egitura berritu egin du, harrobiko taldeei garrantzi gehiago emanez, eta horretarako esperientzidun entrenatzaile berriak ekarri ditu 2. Nazionala, Gazte, Kadete eta Infantil mailan parte hartu duten 70 jokalarientzako. Gainera, eta Gipuzkoako klubekin lortutako akordio bati ezker, errendimendu talde bat sortu du. Bertan klub ezberdineko 14 eta 20 urte tarteko jokalariak saio teknikoetan parte hartuko dute astero.
Gaur, arratsaldeko 19etan Akaba Bera Bera eskubaloi taldeak 2008/09 denboraldirako aurkezpen ofiziala egingo du komunikabideen aurrean. Ekitaldia Bidebietako Kiroldegian izango da eta taldeko jokalari eta teknikoetaz gain, bere agerrera baieztatu egin dute Iñaki Galdos, Kirol diputatuak, Jon Lasa, Donostiako Kirol zinegotzia, eta Fernando Díez, Bera Bera taldeko Presidentea, klubeko bestelako babesleak ere bertan egongo dira. Gainera, gipuzkoar eta euskal federazio eta kluben ordezkariak izango dira ekitaldian.
