01 Urria 2011

Bera Bera Eskubaloiak, Balonmano Feve bertako taldearen aurrean (15-34), defentsan eta eraso eraginkorrean oinarritutako garaipen zabala lortu du gaur arratsaldean Gijonen. Minutuak joan ahala, bi talde hauen tartea gero eta handiagoa zen. Hasierako 1-6 partzialak zama handiegia izan da Gijongo jokalarientzat eta debuta egin duen Jose Manuel Noval entrenatzailearentzat. Hasiera hasieratik Bera Bera Eskubaloiak asturiarrei defentsa gainditzea zaila izango zutela erakutsi baitie. Gainera, Darly Zoqbi atezaina bikain aritu da. Reyes Carrerek jarritako 5-1 defentsa emaitza onak eman ditu eta tartea zabaldu du: 4-9, 15. minutuan, atsedenaldia iritsi aurretik partida erabakita uzteko (7-16). Etxeko erasoa oztopatzeaz gain donostiarrek kontraeraso zitalak gauzatu dituzte. Bigarren zatiak aurreneko gidoia jarraitu du. Defentsa, orain 6-0, horma bat zen asturiarrentzat eta markagailuak bide bera hartu du: 8-22, 40. minutuan eta 13-18, 50. minutuan. Reyes Carrerek minutuak banatu ditu bere jokalarien artean eta golegile nagusienak Matxalen Ziarsolo (6), Punko, Rubio eta Dara Carvalho bostna golekin izan dira. BM FEVE Gijón 15 – Bera Bera 34 Gijón (7+8): Esteban eta Mirca, Gonzales, de la Heras 1, Lozano, Tejeda, Martínez 2, Noemi Fernandez, Pop 5, de Ponga, Torreiro 1, García 1, Arrizabalaga, Lastra, López Martín 4, Simón 1 Bera Bera (16+18): Zoqbi eta Yamiley, Berta 4, Punko 5, Rubio 5, Carvalho 5, Bea Fernández, Pinedo 3, Campa 3, Cuña 2, Ziarsolo 6, Altuna 1, Mena y Arizaga. Epaileak: Martín Rodriguez eta Daniel Portela Partzialak: 1-2, 1-6, 4-9, 5-11, 6-11, 7-16; 8-19, 8-22, 11-24, 13-28, 13-32, 15-34

30 Iraila 2011

Pasa den asteburuko geldiunea ondoren, Bera Bera Eskubaloiak lehiaketara itzuliko da Gijoneraino egingo duen bidaiarekin, izan ere, bihar arratsaldeko 7etatik aurrera bertako taldea izango baitu zain Ceares-Coto-Viesques udal kiroldegian. Partidari begira, Alba Menendez izan ezik, Reyes Carrerek jokalari guztiak ditu prest. Zarauztarra taldearekin entrenatu arren oraindik ez du partida ofizialak jokatzeko urratsa. Aste honetan zehar, internazionalak normaltasun osoz itzuli dira taldera, ondorioz, Bera Bera Eskubaloiko entrenatzaileak baliabide guztiak erabili ditzake garai onenak bizi ez dituen arerio baten aurka. Izan ere, igo berri den taldeak entrenatzailea aldatu du jokatutako bi jardunaldi ostean. Balonmano Gijónek Itxako eta Saguntoren aurka galdu zituen zailtasun handiko partidak. Asturiarrak astelehenetik aritu dira Jose Manuel Noval entrenatzailearekin. Zentzu honetan, abuztuan, Bera Berak 22-33 irabazitako abuztuko lagunartekoa biharko norgehiagokarekin zerikusirik ez du izango. Vanesa Lozano eta Tejeda pibotea izango dira zaindu beharreko asturiarrak.

29 Iraila 2011

Bera Bera Eskubaloiko infantil mailako bi taldeek jokatuko dituzte lagunarteko partidak larunbat honetan Bidebieta udal kiroldegian. Asteburu honetan ligari helduko dioten kadeteak eta jubenilak ez bezala, infantilek urriaren 15ean hasiko dute lehiaketa.

Horrela, Ainara Lukek zuzentzen duen Bera Bera Egia B taldeak larunbatean, 10,30etatik aurrea, Egia Bera Bera taldearen aurka jokatuko du eta Maria Graciak entrenatzen duen A taldeak Zarautz ZKE izango du aurrean, 12,30etan.

Jubenilak eta kadeteak

Larunbat arratsaldeko 4etan, Bidebietan bertan, Mauge Gezalak zuzentzen duen Bera Bera Egiako jubenilak lehiaketa ofizialari ekingo dio Ereintza Aguaplast taldearen aurka eta Verónica Valverderen Bera Bera Egia kadete 1 taldeak Zalla Taberna Pulpol KE taldearekin irekiko du aurtengo liga, arratsaldeko 5,45etatik aurrera. Igandean, aldiz, Bera Bera Egia kadete 2 taldeak Egia Bera Bera izango du arrean, goizeko 10etan.

29 Iraila 2011

Uda honetan Bera Bera Eskubaloiara etorri aurretik, Yamiley Rodriguezek bi denboraldietan Balonmano Gijon taldean jokatu zuen, datorren larunbatean donostiarrek aurrez aurre izango duten taldea, alegia. “Oso denboraldi ona burutu zuten, Erregina kopa jokatu eta guzti, halere, hurrengo urtean, ni iritsi nintzean, maila galdu genuen” dio atsekabez kanariar atezainak.

Jaitsierak ondorioak izan zituen, izan ere, Balonmano Gijonek taldea gaztetu zuen, azpiko taldearekin bat egin zuen eta emaitza “merezitako igoera izan zen”. Aurten, igoera fase horrentan, Etxebarrin, “Reyes Carrerek deitu ninduen denboraldi honetarako”. Horrela, Yamiley abuztuaren 1ean Bera Berarekin entrenatzen hasi zen. Eta Donostian “poz pozik” dagoela dio. “Kanariak uharteekin ez du zer ikusirik, baina gauzak ikusten ez naiz aspertzen. Lizarran eta Gijonen egon ostean, moldaketa errezagoa da, eguraldi honekin ohituta nago”. “Gainera neskak oso atseginak dira eta entrenamenduak azkar joaten dira” azaltzen du.

Darlyrekin bizi da

23 urteko jubenil mailako internazionala eskarmentua duen Darly Zoqbi brasildar atezainaren ondoan dago. “Darly nire ispilua da eta nire garapenerako lagungarria izango da berarekin lan egitea”. Gainera, Yamiley eta Darly pisu berean bizi dira Donostian “eta oso atsegina da elkarrin bizitzea, Darlyrekin ez dago aspertzerik eta ondo pasatzen dugu” dio barrez. Izan ere, Yamiley ohituta dago etxetik kanpo bizitzen. “Zortzi urte daramat kanpoan eta bost penintsulan –Gijonera iritsi aurretik Vikar Goyan eta Itxakon izan zen-“ azaltzen du arlo sozialean ikasketak egin nahi dituen kanariarrak.

Balonmano Gijon taldearen inguruan, Yamiley “gaztetasuna” azpimarratzen du, gainera, egin dituzten fitxaketak azpiko mailatik egin dituzte, hau da, partidari fisikoki oso ondo helduko diote baina, nik uste dut esperientziak egoera zailak kudeatzeko ematen dizuna faltan dutela”. Ondorioz, bere ustez, “gure maila ematen badugu norgehiagoka irabaziko dugu zalantzarik gabe”.

Abuztuan Bera Berak 11 golez irabazi zuen lagunarteko bezalako partida “ez dut uste izango denik”. “Beraien jokalari berriak taldera egokituagoa egongo dira” dio, halere, entrenatzailearen aldaketak zalantza gehiago jarriko ditu mahai gainean.