Parc Sagunt lehenbiziko finalerdia irabazi egin du 19 eta 26 Lizarrako Estellari. Valentziarrek talde boteretsua dutela azaldu dute, eta merezimendu osoz lortu dute biharko finalarako sailkapena.
ABF Koparen (Emakumezkoen Eskubaloi Kluben Elkartea) zortzigarren edizioa izango da eta Donostiak bigarren aldiz hartuko du txapelketa antolatzeko erantzukizuna, 2002/03ko Kopa Donostian jokatu eta gero. Akaba Bera Bera, bertako taldeaz gain, aurreko urteko ABF Ligan lehen hiru postuetan sailkatutako taldeek hartuko dute parte; Prosodia Gaviota Elda Prestigio (txapelduna), S.D. Itxako Reyno de Navarra (2.sailkatua) eta BM. Parc Sagunt (3.sailkatua).
Txapelketa abenduaren 19an abiatuko da , 18:00etan, Itxakok eta Parc Saguntek jokatuko duten lehendabiziko finalerdiarekin. Ondore, Akaba Bera
Berak eta Elda Prestigiok beste finalerdiko lehia jokatuko dute. Hurrengo egunean, abenduaren 20an, hirugarren eta laugarren posturako partidua jokatuko da (17:00etan) eta final handia (19:00etan). Norgehiagoka guztiak Donostiako Bidebietako polikiroldegian jokatuko dira.
Parc Saguntek 2007an Zaragozan lortutako garaipena berretsi nahiko du ABF Kopan, aurtengo taldeen maila oso altua izango den arren. Txapelketan bilduko diren 4 taldeek orain egun batzuk amaitutako Mazedoniako Europako Txapelketan izandako hainbat jokalari kantxaratuko dituzte Donostian; Tati Garmendia, Raph Tervel eta Alexandra Lacrabére Akabaren aldetik, Andrea Barnó, Jessica Alonso, Eli Pinedo eta Begoña Fernández Itxakoren ordezkariak, Verónica Cuadrado, Macarena Aguilar, Nuria Benzal, Eli Chávez eta Noelia Oncina Parc Sagunt-ekoak eta azkenik Oana Soit Elda taldekoa.
Honekin batera aurtengo berrikuntza nagusia Akaba Bera Berak martxan jarriko duen “Minikopa” izango da. Bertan, aipatutako kluben talde jubenilek hartuko dute parte Bidebietan jokatuko den txapelketan. Ekimen honekin Donostiako klubak elitezko taldeek harrobiarekin egiten duten lana sustatu nahi du, eta era berean emakumezkoen goi mailako eskubaloia gazteengana hurbiltzea du helburu nagusia.
Akaba Bera Berak ondorengo salneurriak jarri ditu ABF Koparako; partidu guztiak ikustekoa bonuak 20 euroko prezioa izango du, jardunaldi bakarrekoak 12 eurokoa eta partidu bakarrekoak 10 eurokoa.
Atzo ehun partidak gainditu zituen Akaba Bera Berako jokalaria den Tati Garmendiak, eta gora joango da hurrengo egunetan, Macedonia 08 Europako Txapelketan ari delako.
Errumaniaren kontra 18 eta 26 irabazitako partidan donostiarrak 100 partida bete zituen Espainiako selekzioarekin, eta gainera gol bat lortu zuen.
Hori dela eta, konzentrazioan afaltzen ari zirenean, bere taldekideek opari batzuk egin zizkioten, giro hunkigarri eta alaia sortuz.
Atzo, Danimarkaren kontra jasotako porrotan Garmendiak 101 partida jokatu zuen Jorge Dueñasek orain zuzentzen duen taldearekin.
Gaur hasiko da Europako txapelketa Macedonian diren Akaba Bera Berako hiru jokalarientzat. Espainiako selekzioan Tati Garmendia Noruegaren kontra jokatuko du (19:15etan, Teledeporten grabatutakoa 0:15etan). 34 urteko lehenengo lerroko jokalariak ilusio osoz ekingo dio Europako txapelketa berri honi, esta espero du taldeari laguntzea aurreko Suedia 06an lortutako bederatzigarren postua gainditzeko. Espainiako selekzioan azken orduko berria izan da Saguntoko Nuria Benzalen deialdia, lesionaturiko Itakoko Nerea Penaren ordez.
Txapelduna denaren kontra, Noruega, izango du bere partida Espainia, B multzoan, eta bestelako taldeak Portugal eta Ukrania dira multzoa osatzeko.
Bestalde, gaur ere hasiko dute bere partehartze Frantziako taldearekin diren Bera Berako jokalariak, Raph Tervel eta Alexandra Lacrabère, Danimarkaren kontra 20:15etan. Espainiako selekzioari gertatzen zaion bezala, oso partida zaila daukate frantziarrek hasteko, betidanik talde boteretsuak eta kalitate handikoak badira nesken eskubaloi nordikoak.
Izugarri berritu egin da talde frantziarra Pekineko Joku Olinpikoetatik bueltan, ziklo olinpiko berri bat hasi dutelako, eta saiatuko dira Pekinen egindako partehartze ona, bostgarrenak errepikatzen, eta Suedian lortutako brontzezko domina gainditzen. Talde frantziarran Raph Tervel kapitaina da, eta berarekin batera Alexandra Lacrabèrek donostiarren deitutakoen taldea osatzen du.
Frantzia A multzoan dago sartuta, Danimarka, Hungaria eta Errusiarekin batera. Lehenbiziko erronda gaindituta, Espainiako eta Frantziako multzoak gurutzatuko dira. Beraz, posible izango da Bera Berako jokalarien arteko partida izatea.
Gero eta berri hobeak dira Akaba Bera Bera eskubaloi taldearentzat, bere bigarren entrenatzailea eta kirol psikologoa den Amaia Ramirez konbokaturik izan da Junior mailako selekzioaren delegatua izateko. Asteburu honetan Braila-n (Errumania) izango da taldearekin.
Honela, Ramirez sartu da Sagrario Santanak zuzentzen duen taldean, eta bertan elkartuko da Kattalin Olasagasti pibote andoaindarrarekin, Bera Berako jokalaria, txapelketan ere egongo dela.
Bihar, ostirala 28, Espainiako Junior selekzioak Poloniaren kontra jokatuko du, eta larunbatean Frantzia izango du arerio. Igandean, bertako taldearen kontra, Errumania, bukatutzat emango du “Abenduaren lehenengoa” deitutako torneoa.
