Behin besterik ez zen aurretik jarri Akaba Bera Bera Mar Alikanteren kontra, baina momentu erabakienean izan zen, bukatzeko sei segundo besterik falta ez zirenean, 28-27 definitiboa jarri zuen Raph Tervelek.
Garrantzi handikoa zen garaipena, bi puntu hauek ligako sailkapenean Mar Alicante aurretik jartzeko baliogarriak izan direlako, eta gainera bien arteko berdinketa egonda, donostiarrak izango ziren garaile.
Bi zati erabat ezberdin izan ditu partidak. Lehenbizikoan, talde bat besterik ez da egon, Mar Alicante, atsedenaldian 7 goleko abantaila bazuela (7-14). Baina gutxik espero zuen eraldaketa izan zuen Akabak, partida zoratuz lortu bait zuen 21 gol sartzea, eta horrekin batera partidari buelta ematea.
Aurreko minutuetan Alikantek 1 eta 7ko abantaila hartu egin zuen, eta Akaba Bera Berak hamabi minututan bi gol besterik ez zuen lortu. Erabaki txarrak hartzen zituzten erasoan Karrerenek, eta Llanos Triguerosek ondo aritu zen Mar Alicanteren atean.
Baina Tati Garmendia zelairatzerakoan, kanpoko entrenatzaileak defentsa aldatzeko agindua eman zuen, eta banan banako defentsa planteatu zuen. Bigarren zatian hori erabakiorra izan zen. Garmendiak behin baino gehiagotan lortu egin zuen defentsatik ihes egitea, eta Roigen denfentsan sortutako hutsuneak gero eta zabalagoak ziren. Guzti hori kontutan hartuta, gero eta hobeto aritu zen etxeko taldea.
Akaba Bera Berak defentsa aldatu egin zuen, 5-1era pasata, eta horren jokoa jariotasun gutxiago izan zuen. Denfentsa sendoagoa bihurtu zen, eta baloiak errekuperatzerakoan, kontraerasoa erabakiorra izan zen. Zaila ikusten zen, dena den, Alicante gainditzea, momentu larrienetan Ortuño eta Fernández jaurtitzaileak oso ondo aritu zirelako.
Baina jadanik uhin ona hartuta zuen Bera Berak, eta 6 minutu falta zirenean 25na jarri zuen markagailuan. Hortik aurrera berdinketa izan zen nagusi, azertuak eta hutsak banatu ziren, baina 15 segundo falta zirenean, erasoko falta egin zuen Mar Alicantek, eta Tervelek aprobetxatu egin zuen kontraerasoa golean bukatzeko.
Bi puntu hauekin donostiarrak 4. postua eskuratu dute, eta konfidantza osoz izango dira martxoak 12an Itxakoren kontra Lizarran, liderraren aurka.
Erregina Kopako zozketaren oihartzunak oraindik entzuten direnean partida garrantzitsua dauka Akaba Bera Berak Bidebietan, bihar 19:00etatik aurrera, Mar Alicanteren kontra, ligako laugarren postutik bota nahi duen taldea.
Gran Monovar Ecociudad taldearen kontra Erregina Kopan izango du arerio Akabak, Monovarren bertan izango den apirilak 1etitk 5era txapelketan. Baina orain, ilusio osoz prestatu egin du talde donostiarrak Mar Alicanteren kontrako partida, urrian Alacanten bertan lortutako garaipena errepikatzeko asmoz. Partida hartan Bera Berak 25 eta 26 gainditu egin zuen etxeko taldea.
Bi taldeak hurrengo denboraldirako Europan egoteko faboritoenen artean daude, eta maila handiko jokalariak badituzte. Alacanteko taldean, Maru Sánchez beteranoaz gain, Akaban izandako Llanos Triguero izango dira atea zaintzen, eta horietaz gain, Isabel Ortuño, beso ezkerti boteretsua, eta domina lortutako Beatriz Fernández eta Carmen Martín jokalari gazteak dira.
Talde indartsu honi aurre egiteko, Akaba Bera Berak bere joku bizia azaltzen saiatuko da; horretarako oso inportantea izango da defentsa oso ona lantzea, horrela transizio azkarrak egiteko. Joko honek oso partida erakargarriak ematen ditu.
Aste hau benetan ona izan da Akaba Bera Bera talderako, Erregina Kopako zozketaren emaitzaz aparte, gaur jakin baitu Eider Rubio konbokaturik izan dela Espainiako selekzioarekin, Holandaren kontra jokatzeko.
Honela, lateral donostiarra Matxalenekin Ziarsolokin egongo da deialdi honetan.
Baina Bera Bera taldeko jokalariek egindako lan ezinhobeak ez du Jorge Dueñasen arreta deitu, Frantziako selekzioan Amelié Goudjo ere izango delako. Bertan Raph Tervel eta Alexandra Lacrabèrekin batera izango da. Horietaz aparte, Kattalin Olasagasti eta Ane Herrero, hau lehendabiziko aldiz, junior mailako selekzioan izango dira, Sagrario Santanak deitutakoak. Gainera, Nagore Arizaga Gazte Mailako selekzioan ere izango da.
Itxako eta Parc Saguntek izango dituzten Europako partidak behartu dituzte Akaba Bera Bera ABF ligako 18. eta 19. jardunaldiak astean zehar jokatzera.
Martxoak 12an, osteguna, Bera Berak Itxako liderrari bisita emango dio Lizarran, eta Martxoak 18an Parc Sagunt Bidebietan izango da.
Beraz, 12 egun izango ditu talde donostiarrak Nafartarren aurkako partida prestatzeko, kontutan izanik hurrengo astean ez dagoela ligarik selekzioaren lagunarteko partidengatik, eta hurrengo asteburuan EHF Kopako final laurdenetako partida izango duelako Randers daniarren kontra. Arrazoi horrengatik Lizarrakoek eskatu zuten 12an jokatzekoa, eta gipuzkoarrek baiezkoa eman zuten.
Gauza bera gertatzen da hurrengo astean, Parc Sagunt taldearen kontra, Europako Errekopako final laurdenetan sarturik dagoela, Gjerpen norvegiarren kontra. Hau del aeta, valentziarrak eta gipuzkoarrak adostu egin dute partida martxoak 18an izatea, arratsaldeko 7retan, Bidebietan.
Jorge Dueñasek Matxalen Ziarsolo Akaba Bera Bera taldeko hegalekoa deitu egin du Espainiako selekzioan Holandaren aurka izango dituen laguntasuneko partidetarako.
Gaur ezagutu egin du jokalari ermuarrak berria, eta Parc Sagunteko Noelia Oncina jokalariaren ordez joango da selekziora. Martxoak bian Madriden egongo da Matxalen taldekoekin elkartzeko, eta 8ra arte bilduta egongo dira. Honela, Akaba Bera Bera ordezkaria mantenduko da selekzioan, eta Ziarsolok 5 alditan jadanik izan da selekzioarekin.
Honela, bere lanari saria jaso du Bera Berako hegalekoak, benetan trebea, bizia eta beti kontraerasorako prest dagoena, eta gainera portzentai oso onak betetzen jaurtiketetan.
Helduen selekzioaz aparte, formazio mailako selekzioetan ere badira Bera Berako ordezkariak, Kattalin Olasagasti juniorrarekin joango delako, eta Nagore Ariaga gazte mailako taldearekin.
