Hurrengo astebukaerak partiduak ekarriko ditu Bera Beraren kadete eta seniorrentzat. Infantilak eta jubenilak ez dute lehiarik izango, beraz atseden hartzeko aukera izango dute euren txapelketetako fase berriak hasi baino lehen.
Kadeteek igandean 12:30etan jokatuko dute Egian Urdanetaren aurka. Bisitariak Bizkaiako txapeldunak izan dira, beraz, maila altua erakutsiko dutela argi dago. Sekulako partidua izatea espero dugu, Euskal Ligari hasiera eman baino lehen.
Seniorrak bestalde, Bidebietan arituko dira larunbatean 16:00etan Pulpo aurkari bezela edukita, sailkapenean jarraitzen duen taldea. Donostiarrek euren hirugarren garaipena jarraian lortzea izango dute helburu.
Baita ere gogorarazi nahi dugu, Ohorezko Mailan Bera Berak eta Castrok jokatuko duten partiduaren atsedenaldian, Bera Beraren Eskolako partaide txikiek, Egiako alebinen aurka partidutxo bat jokatuko dutela. Txikiak ilusioz beterik daude, eta ziur momentu eder bat pasarazten digutela.
Bera Bera Eskubaloi taldeak Azenaide Danilo Jose Carlos Angolako jokalaria fitxatu duela jakinarazten du. 21 urte dauzka, eta bere jaioterritik dator, Angola. Bertan jokatu du orain arte, 1º de Agosto Kirol Taldean.
Kontratazioa Bera Berak Angolarekin duen kolaborazio lotura batetik jaio da. Duela urte bete baino lehenagotik, elkartruke prozesu bat hasi zen, non bi bitartekariek ezagutza-sistemak eta baliabideak konpartitzen dituzten, hazteko eta kirol maila hobetzeko helburuarekin. Kolaborazio hau dela eta iritsi da Donostiara Azenaide, eskuin hegaleko jokalaria, bere herrian maila bikaina eman duena. Bera Beraren taldea sendotzeko iristen da, eta gaurtik aurrera Reyes Karreren aginduetara entrenatuko da. Bere debuta hurrengo larunbatean izan liteke, Bidebietan Castrorekin jokatu den partiduan.
Otsaileko lehen asteburuak Bera Beraren harrobiko infantilentzat eta seniorrentzat partidu berriak ekarri zituen. Kadete eta jubenilek ez zuten jardunaldirik izan. Balantzea oso ona izan zen, hiru lehiak eraman baitzituzten donostiarrek.
A taldeko infantilek lehen fasea Andoainen irabazita bukatu zuten, Leizaran A 6-12ko emaitzaz gaindituz. Gutxigatik bada ere, ezin izan dute Gipuzkoako Txapelketaren Azken Faserako sailkatu, baina Foru Aldundiaren Trofeoan faborietako bat izango dira. Eure arerioak Udarregi 1, Elgoibar, Leizaran A, Leizaran B, Pulpo, Aloña Mendi B eta Aiala D izango dira.
B taldea bestalde, Bidebietan 21-17 irabazi zion Aiala Bri, horrela sailkapeneko bigarren postua berretsiz. Donostiarrak Gipuzkoako Txapelketaren Azken Faserako sailkatu dira, eta bertan Elgoibar, Udarregi 2, Aiala A, Ereintza eta Egia izango dituzte arerio.
Bukatzeko, senio taldeak igandean La Salle 24-26 emaitzarekin gainditu zuen Bilbon. Horrela bigarren garaipena jarraian lortu dute, eta sailkapeneko goiko tokietan sendotzen dira.
Arerio zuzenen aurka lortutako bi garaipenen ondoren, Bera Berak Bidebietako gotorlekua utzi du bihar 18:30etatik aurrera Monovar Urbacasasen kontra jokatzeko. Alakanteko taldea igo berria da, baina primeran ari da, eta gaur egun zazpigarren postuan dugu sailkapen nagusian.
Donostiarrak partidura joku maila altuarekin iritsiko dira, eta Sagunto eta Alicanteren kontra lortutako garaipenen ondoren moralez gainezka. Erronka etxean ematen ari diren maila kanpoan erakustea izango da.
Horretarako Reyes Karrerek ez du Alba Menendez izango. Zarauztar gazteak hernia diskala dauka, eta printzipioz denbora luze batez ezin izango da taldearekin aritu. Beste taldekide guztiak autobusez Alakantera bidean daude oraintxe.
Elda ondoan dagoen herri batean, Monovarren, Monovar Urbacasas taldea itxaroten ari da. Txapelketako izarretako bat ari dira izaten, maila harrigarria erakutsiz. Reyes Karrerek uste du “Ligako ustekabe nabarmenena dira. Denboraldi zoragarria ari dira egiten, Castro edo Leon bezalako taldeen aurretik egonda, teorikoki indartsuagoak direnak. Mailara segituan egokitu dira eta goruntza ari dira etengabe”.
Alakandarrak, Erreginaren Koparako sailkatuak, blokean dute euren bertute nagusia “partidu garrantzitsuetan bajak izan dituzte, euren jokalari on asko galdu dituzte, baina hala ere partidu horiek aurrera atera dituzte. Euren bertuterik onena talde lana da, blokea”. Hori dela eta, donostiarrak ezin dira konfiatu nahiz eta arerioak partidu honetarako euren goleatzailerik onena ez izan.
Bera Beraren helburua etxetik kanpo puntu gehiago ez alde egiten uztea da. Gipuzkoarren ahuldura bakarretakoa izaten ari da hau. Aldatzen ez bada, Reyes Karrerek gogoratzen du “indartsuak izango gara, baina ez horrenbeste”. Puntuak Donostiara ekartzeko kontzentrazio osoa beharko dute.
Donostiarrek humiltasunarengatik egiten dute apustu. Azken irteeran Vicar Goyarekin sufritu egin zuten, besteak beste. Etxetik kanpo puntu asko galdu dira, gauzak lanik egin gabe lortuko direla pentsatzeko. Itxakok eta Eldak ikusi dute aste honetan kalitatea ez dela nahikoa partiduak aurrera ateratzeko. Lana eta sakrifizioa dira jarraitu beharrako bidea.
Alakantetik esaten digutenaren arabera, larunbatean jokatuko den Monovar Urbacasa-Bera Bera ABF Ligako partidua irratitik jarraitzeko aukera egongo da. Entzuteko web orrialde honetara joan behar da: www.elrecord.net, non link bat “escuchanos” ematen den, zuzenean irratia entzuteko.
