Bihar Bera Berako kadeteek final hirukoitza jokatuko dute Gipuzkoako Kopa irabazteko. Multzoko fasean lehenengo geratu diren hiru taldeak elkarren artean jokatuko dute Zumaiako Lubaki Kiroldegian. 16:30etan Elgoibarren kontra arituko da Bera Bera, eta 17:10etan Zarautzen kontra. Bukatzeko gure bi arerioak ere elkarren aurka arituko dira. Hiru partidu hauetan talderik onena denak eramango du Gipuzkoako Kopa. Zorte asko eta jo ta ke neskak!
Gure lurraldeko selekzioak maila guztietako taldeekin entrenamenduak antolatzen jarraitzen du. Kasu honetan Bera Berako Maitane Etxeberria eta Anne Valle izan dira deituak hurrengo asteazkenean, ekainak 1, Usurbileko Oiardo Kiroldegian 19:00etan ospatuko den entrenamenduan parte hartzeko. Gozatzera neskak!
Bera Bera eskubaloi taldeak entrenamendutako azken faseari helduko dio, merezitako oporrak hartu baino lehen. Pasa den astean lortu zuten Euskadiko Kopak opor hauek gozotuko ditu, ezbairik gabe. Finalean Barakaldoko Zuazo taldea izan zuten arerio, eta bizkaitarrak 29-38ko emaitzarekin ganditu zituzten donostiarrek. Horrela Bera Bera Euskadiko talderik onenaren saria jaso zuen. Denboraldi on honi amaiera polita emateko modua izan da.
Jarraian Bera Beraren harrobiko taldeek pasa den asteburuan izandako emaitzak errepasatuko ditugu.
Infantiletan aurpegia eta gurutzea izan genituen. A taldeak sekulako garaipena lortu zuen Elgoibarren Federoptikos Ikus Elgoibarren kontra, 20-21 emaitzarekin. Bera Bera Bk bestalde ezin izan zuen emaitza onik lortu Gipuzkoako Txapelketaren azken jardunaldian, eta Usurbilen Udarregi 2 txapeldunaren kontra galdu zuen.
Bestalde, Bera Berako kadeteek euren ibilbide bikainari jarraipena eman zioten Gipuzkoako Kopan, eta laugarren garaipena jarraian batu zuten. Oraingoan Ereitza menderatu zuten Errenterian 13-27 emaitzarekin.
Seniorrek eta jubenilek Oñatin jokatu zuten larunbat arratsaldean, eta hemen ere denetarik izan genuen. Egia-Bera Berako jubenilek garaipena lortu zuten 16-18 emaitzarekin Aloña Mendiren kontra. Seniorrek ordea 28-21 galdu zuten Aloñaren kontra baita ere.
Nahiz eta nagusiek euren liga amaitu, Bera Beraren harrobiko taldeek oraindik gauza asko dituzten egiteko. Asteburu honetan partidu berriak jokatuko dituzte, non espero dugun euren helburuetara hurbilduko dituzten emaitzak lortzea.
Lehenak jokatzen Bera Bera Bko infantilak izango dira, arratsalde honetan bertan arituko baitira Usurbilen 17:30etatik aurrera Oiardo Kiroldegian. Gipuzkoako Txapelketaren azken lehia izango da, eta arerioa Udarregi 2 txapelduna izango da. A taldekoek ere ez dute lan erraza izango bihar, 10:00etan Elgoibarren Federopticos Ikus Elgoibar indartsua izango baitute arerio.
Bihar baita ere, baina 16:00etan, Egia-Bera Berako jubenilek Oñatik jokatuko dute Aloña Mendiren kontra, lehen fasetik ederki ezagutzen duen aurkaria. Kanpoan jokatuko dute baita ere kadeteek, kasu honetan Errenterian. Bera Bera Gipuzkoako Kopako liderrak dira, eta euren lidertza sendotzeko asmoarekin aterako dira kantxara 17:30etan Ereintza arerio izanik.
Ordu berean, 17:30etan, eta jubenilen partidua amaitu eta berehala, Oñatiko Zubaiko Kiroldegian ere jokatuko dute seniorrek. Aloña Mendi izango dute arerio Gipuzkoako Kopa honetan, printzipioz euren multzoko aurkari samurrena.
