Ligako heren honetan, Bera Bera Eskubaloiak Kukullaga, Mar Alicante, Porriño, Castro Urdiales eta BM Alcobendas jaso ditu Bidebietan. Alacanteko taldea izan zen oztopo gehienak jarri zuenak, Reyes Carrere entrenatzailearen jokalariak bukaerarte lehiatu behar izan zutelarik (24-22).
Bigarren balantze onena etxean Itxakok dauka, 162 gol sartu ditu eta 114, jaso. Bera Bera bezala, Mar Saguntok 163 aldiz zulatu du areriroen atea eta, aitzitik, 125 gol jaso ditu. Zentzu honetan, azpimarratzekoa da 102 golekin Alcobendas izatea etxean gol gutxien jasotzen dituen bigarren taldea. Ucam Murtzia du ondoan 109 golekin, Bera Berak urtarrilaren 21ean bukatuko du bertan lehenengo itzulia.
Eli Pinedo da 25 golekin golegile nagusiena Bidebietan ere bai. Ezker hegalaren atzetik agertzen dira Eider Rubio (22), Bea Fernández (21) eta Dara Carvalho (20). Etxetik kanpo, Pinedo eta Rubiok 21 gol sartu dituzte, Beak (20), Bertak eta Punkok (17).
Bidebieta da gol gehien ikusten den laugarren kantxa
Momentuz lehiaketan 3.552 gol sartu dira, %51,5a etxeko taldeek sartu dituzte. Bidebieta da gol gehien ikusi den laugarren pista (262). Aurretik dira Sagunto (288), Lizarreria (276) eta Antonio Moreno kiroldegia (273), Ro’casaren kantxa, larunbatean Bera Bera bertan izango den pista, alegia, -145 gol alde eta 128 kontra-.
Horrez gain, Bidebietan gol gehien eman diren partidak ikusi dira: Kukullagaren aurka 39-19 eta pasa den larunbatekoa, BM Alcobendasen aurka (36-25). 61 gol hauek Sagunton bakarrik gainditu ziren Mar Saguntok eta Kukullagaren arteko partidan 44-22 eta berdindu Mar Sagunto eta Elda Prestigio – urtarrilaren 18an bisitari Bidebietan – norgehiagokan (33-28).
Etxetik kanpo, Itxako da onena: 152 gol alde eta 103 kontra. Mar Alicante, ostean: 145, alde eta 104 kontra eta hurrengoa, Bera Bera 135 gol alde eta 116 kontra, nahiz eta bai golak sartzen eta jasotzen bostgarren taldea izan.
Bestalde, Bera Bera Egia kadete 2 taldeak aise irabazi zion Aiala Ari Zarautzen 15-28 eta sailkapenean líder jarraitzen du. Puntu bakarra ateratzen dio Bartolo Jatetxeari Bera Bera Egia kadete 1 menperatzeko sufritu zuena azken minuturarte 24-21. Asteburu honetan, Bera Bera Egia kadete 2 eta Bartolo jatetxea zarauztarra aurrez aurre Bidebietan lidergoa jokoan.
Azkenik, Bera Bera Egia Infantil A taldeak bertan behera gelditu zen partida jokatu zuen Ereintza C taldearen aurka. 24-10 irabazi zuen eta bostgarrena da sailkapenean.
Emaitzak: Jubenil ; Kadete
Sailkapenak
Mundiala dela eta ia bi hilabeteko etenaldia bete ostean, Bera Berak adina puntuekin zegoen BM Alcobendas gaztea hartu du Anna Punkoren bajarekin. Garaipen ostean, hirugarren postuan jarraitzen dute donostiarrek bigarrena puntu batera duelarik, Mar Saguntok 23-24 Alacanten irabazi baitu.
Partidak bi alde izan ditu. Hasiera ona eman ondoren (5-3), -Libe Altunari esker- segituan berdinketa lortu du BM Alconbendasek eta aurretik jartzea ere lortu dute madrildarrek (12-13) atsedenaldira iristeko bost minutu falta zirela. Halere, Bea Fernandezek behin baino gehiagotan asmatu egin du eta Bera Berak markagailuari buelta eman dio 16-14.
Reyes Carrerek Anna Punkoren baja garrantzitsuarekin ekin dio partidari, Eider Rubiok –bigarren zati bikaina egin du- errusiarraren lekua bete egin du eta Vero Cuña zentral postuan aritu da. Anita Campak ezker hegalean hasi du partida -15. Minutan Bea Fernandez sartu da- eta defentsan Eli Pinedok ordezkatzen duen serbiarra.
Donostiarrek arazaoak zituzten Mireia Gonzalez eusten eta erasoan, batetik, baloi ugari galdu dituzte eta, bestetik, Carvalho piboteari ez dizkiote asistentzia onak eman. Bigarren zatia ikusgarria izan da, nahiz eta Mireia Gonzalezen golak 16-15 ezarri.
Lehenengo hamar minutuko partziala 7-2 izan da Bera Berarentzat, defentsan bikain aritu ostean eta BM Alcobendasen akatsak baliatuz. Madrildarrek ez dituzte donostiarren kanporaketak aprobetxatu. Aitzitik, Bera Berak korrika egiten asmatu egin du eta Eider Rubio bikain aritu da. Zortzi gol sartzea gain, baloiak lapurtu ditu, asistentzia ugari banatu eta madrildarren defentsan zuloak aurkitu.
Darly Zoqbi atezaina ere oso fin aritu da. Aipatzekoa da Reyes Carrere entrenatzaileak jokalari guztien artean banatu dituela minutuak, berak nahi duen jokurako beharrezkoa dena eta taldeak aste gutxitan partida ugari jokatuko dituelako.
Ondorioz, Mar Saguntoren ondo-ondoan jarraitzen du Bera Berak. Horrez gain, datu estadistikoak apurtu ditu, hau da, ez zuela partidarik irabazi 30 minututan 14 gol jasota eta, bestetik, partida osoan 24 gol baino gehiago jasoz gero, asko sufritzen duela. Gaur, 40 minutu bakarrik.
Partida hasi baino lehen, Bera Bera Eskubaloi taldeko Amaia Ramirezek Mundialean aritu diren Pinedo, Carvalho eta Menari opariak ema dizkie eta brontzezko domina lortu duen Eli Pinedori txapela jarri dio. Bera Berako jokalari ohia Ciobanuk ere zaletuen txaloak jaso ditu. Partida ikusten Jorge Dueñas Espainiako hautatzailea izan da, omenaldia ikusi ez duena norgehiagoka hasita sartu delako Bidebietan.
Bera Bera 36 (16+20): Zoqbi, Altuna (3), Pinedo (3), Rubio (8), Carvalho (5), Cuña (2), Ziarsolo (5) –titularrak- Yamiley (a.s.), Campa (2), Bea Fernández (5), Mena, Berta (3) eta Menéndez.
BM Alcobendas 25 (14+11): Ciobanu, Ferrer (3), Morante (1), Arderius (7), Álvarez (3), López (5), González (6), García, Prieto, Carrera (a.s.) , Sainer eta Navas.
Epaileak: Jorge eta Jesús Escudero (Kantabria) Kanporaketak: Rubio, Carvalho, Pinedo eta Bea Fernández Bera Beratik eta Morante eta Álvarez BM Alcobendas taldetik.
Partzialak: 2-1, 5-4, 8-8, 9-10, 12-12, 16-14 –atsedenaldia- 19-16, 23-16, 27-18, 30-21, 32-23 eta 36-25.
