Ibilbidea ez da erraza izan, batez ere, Lizarrerian Itxakoren aurka galdu (27-26), Leonen berdindu eta Elxen (27-24) galdu eta gero. Zazpigarren jardunaldian Bera Bera Eskubaloia laugarren zegoen eta une hartan partida guztiak irabazi zituen Mar Sagunto taldea bost puntutara zuen.
Hortik aurrera, donostiarrek lau garaipen jarraian eskuratu dituzte nagusitasuna erakutsiz: Castro Urdiales (33-22) eta Mar Sagunto (21-26) etenaldi aurretik eta urtarrilean Mar Alicante (36-25) eta Ro’casa (22-33). Sagunton eman zen inflexio-puntua. Reyes Carrere entrenatzailearen taldeak valentziarrak hiru puntutara zituen eta Dara Carvalhoren bajarekin aritu behar izan zuen. Bera Bera oso partida serioa egin zuen, oso defentsa sendoa burutuz, Darly Zoqbi atean bikain –horrela darrai- eta Bea Fernándezek erasoan ardura hartzen –zazpi gol-.
Liga berriro martxan jarri zen egunean Mar Alicantek etxean Mar Saguntori punturen bat urratzea bidezkotzat jo zuen batek baino gehiagok Bidebietan, Patricia Alonsok azken segunduetan berdinketa apurtu zuen arte, alegia. Halere, lehengo larunbatean Cleba Leonek Sagunton lortu zuen garaipena (22-28) ospatu egin da Donostian. Bihar Elda Prestigioren aurka eta larunbatean Ucam Murcia taldearen aurrean bigarren postua berretsiz gero, Kopako zozketan bi zerrendaburu ezarri zirenetik aurreneko aldiz izango litzateke Bera Bera Kopan zerrendaburu. Bost puntutara dagoen Itxakoren jabe dago lehenengo txartela.
Iaz, hirugarrenak
Aurreneko jardunaldietan izan ezik, ligan bigarren postuaren bila aritu da behin baino gehiagoetan Bera Bera, txapelketak heren bat bete duenean. Iaz azpitxapeldun izateko lehia gogorran sartu zen Elda Prestigio eta Mar Saguntorekin, halere, 22. Jardunaldian amaitu zen borroka. Egun bezala -11. Jardunaldian- donostiarrak laugarrenak ziren, Bidebietan Mar Sagunto gainditu ostean lehenengo itzulia hirugarren amaitu zuten Elda Prestigio lau puntutara zutelarik.
15. jardunaldian, valentziarrek alacanteko taldea menperatu ostean, Bera Bera hirugarren kokatu zen, azpitxapelketa bi puntutara zuelarik. Hurrengo partidan donostiarrek Castro Urdialesen aurka galdu zuten etxean eta 21. jardunaldian Bidebietan Eldari irabazi ostean gerturatu zen helburua baina hortik aurrera donostiarrek ezin izan zuten punturik lortu eta bostgarren gelditu ziren.
Irabazitako bigarren kopako denboraldian, 08-09, Bera Bera laugarren gelditu zen lehenengo itzulian, bigarren postua hiru puntutara zuelarik eta 15. jardunaldian bi puntutara kokatzea lortu zuen. Berriro ere 16. jardunaldia madarikatua izan zen Elda Prestigioren aurka (29-24) galdu baitzuen. Laugarren postuan gelditu zen ligan, Mar Sagunto –bigarren postua kendu zion Eldari azken partidan- hiru puntutara zuela.
Kopa, bostgarrenak eta Europa
Bera Bera izendegia hartu zuenetik, donostiarrak urtero egon izan dira Kopa jokatu dutenen zortzi taldeen artean, birritan txapela lortu duelarik, 2007an eta 2009 eta azpitxapelduna behin, 2006an.
Ligan, denboraldi amaieran, bostgarren postuaren jabe egin da Bera Bera. Izan ere, donostiarrak leku hori zortzi aldiz errepikatu dute 98-99 denboralditik, hirutan laugarren izan dira: 01-02, 03-04 eta 08-09 y bi aldiz Europatik kanpo gelditu dira: 98-99 y 09-10. Bera Bera gisa, bi urte hauetan izan ezik urtero egin dira Europan donostiarrak.
Mauge Gezalak zuzentzen dituen jubenil taldeak 26-16 irabazi zion Aiala ZKE eta partidarik galdu gabeko ibilbidea egiaztatu zuten, bai hasierakoan bai fase finalean, ondorioz, jardunaldi bakar baten faltan euskal ligara igotzeko sailkapena jokatzeko txartela lortu du taldeak.
Bestalde, Veronica Valverderen Bera Bera Egia kadete 2 taldeak aise nagusitu zitzaion (39-12) Bartolo Jatetxe ZKE bigarrenari –puntu bakar batera zegoena- eta Gipuzkoako txapelketa eskuratu du jardunaldi bakarra gelditzen denean. Asteburu honetan Urnietako KE A taldearen aurrean litekeena da jardunaldi guztiak irabaztea, hau da, hamasei partidak. Horrela, jubenilak bezala, kadeteek baita ere euskal ligarako igoera fasea jokatuko dute.
Bestetik, Bera Bera Egia kadete 1 taldeak Urnietako KE A gainditu zuen 22-11 eta asteburu honetan Egia Bera Bera taldearen aurka amaituko du liga, derbiak erabakiko du bietako nor gelditzen den aurretik.
Azkenik, Bera Bera Egia Infantil B taldeak bukaeraraino borrokatu zuen Ereintza C taldearen aurka etxetik kanpo, halere, 14-12 galdu zuen. Bera Bera Egia Infantil A taldeak, aldiz, 10-14 menperatu zuen CDB Leizaran Andoainen eta asteburu honetan sailkapeneko laugarren postuari begira jarriko da Urnietako KE A hartuko baitu.
Senior preferente mailako Egia Bera Berak atsedena hartu zuen eta asteburu honetan CDB Leizaran izango du aurrez aurre.
Argazkian, Bera Bera Egia kadete 2 eta Bartolo Jatetxeak ZKE partidako irudia.
Emaitzak: infantil , jubenil , kadete
Donostiarrek ez diete kanarrariei inolako aukerarik eman. Hasiera nahiko berdintsua izan da baina Bera Beraren doinuarenpean. Atsedenaldira iritsi baino lehen Rocasarekiko tartea ireki duelarik (9-16). Bera Bera 6-0 defentsan kokatu du: Zoqbi, Altuna, Cuña, Rubio, Carvalho, Campa eta Ziarsolo eta ondoren, Eli Pinedo atera da 5-1 defentsa kokatzeko eta Bea Fernandez eraso jokoa arintzeko.
Bigarren zatian, Reyes Carrereren jokalariak abantailari eutsi diote eta, horrez gain, Rocasa 14 golekin utzi dute 15 minutuetan. Ondorioz, tartea zabaldu egin dute Dara Carvalho, Bea Fernández eta hegalekoen golei esker.
Ro’casa: 22 (9+13) Guerra, Luján (1), Falcón, Rosario (1), López, González, Albadalejo (1), Davinia (7), Pérez, Rodríguez (4), María González (4), Tania Rodríguez (1) eta Petrinja (4).
Bera Bera 33 (16+17) Zoqbi, Altuna (2), Rubio (5), Carvalho (7), Campa (2), Cuña (3), Ziarsolo (2) –titular- Yamiley (p.s.), Pinedo (4), Fernández (5), Mena, Berta (2) eta Menéndez (1).
Epaileak: Sergio Francisco Gallardo y Francisco José Gallardo (Andaluzia) Kanporaketak: Carvalho, Mena, Pinedo eta Ziarsolo Bera Beratik
Partzialak: 0-1, 2-4, 4-6, 5-9, 6-11, 9-16 –atsedenaldia- 11-17, 14-19, 14-23, 14-26, 19-29 eta 22-33
Emaitzak
Bera Berak Anna Punkoren baja izango du. Errusiarra orkatilaren kanpoaldeko ligamentuaren hausturaz errekuperatzen ari delako.
Donostiarrek badakite Ro’casa arerio zaila izan ohi dela etxean. Izan ere, Bera Berak 32-25 galdu zuen iaz “gu guek irabazteko gai zirela sinestarazi genielako” aitortzen du Matxalen Ziarsolo kapitainak. Horregatik, bai berak bai Verónica Cuña zentralak “hasiera hasieratik gure jokurik onena erakustea” eskatzen dute.
Alcobendasen aurkako garaipenak (36-25) Bera Bera Eskubaloia sailkapeneko goiko aldean finkatu du. Lehenengo itzulia amaitzeko hiru partida falta dira, Ro’casaz gain donostiarrek Elda Prestigio taldea hartuko dute Bidebietan asteazkenenan (7etan) eta Murtziara autobusez abiatuko dira ostiralean, San Sebastian egunean, urtarrilaren 21ean Ucam Murciaren aurka jokatzeko.
Gau hortako sailkapenak esango digu Kopan arituko diren zortzi taldeak, aurreneko biak zerrenda buru izango dira, hau da, balizko finalean baino ez dira elkartuko.
Matxalen kapitainak ohartarazi du “iaz Kanarietan eta Murtzian galdu genuen” halere, ziur dago “aurten ondo jokatzen ari gara eta etxetik kanpo jokatu arren irabazteko aukera gehiago izango ditugu”.
