28 Abuztua 2013

Erronka honekin bat egin! lemapean, Bera Bera Eskubaloiak 2013-14 denboraldiko bazkide kanpainari ekin dio. Irizpide orokor gisa, azkeneko urteetako salneurriari eutsiko dio Superkopa eta Ligako partidak ikusi ahal izateko eta, era beran, Champions Leagueko multzoen faseari begira arrazoizko salneurriak jarri ditu.
Horrela, Ligako eta iaz bezala Superkopako –irailaren 4ean, 20etan, Gascan- partidetarako ez da salneurria aldatu. Hau da, helduek 65 euro ordaindu beharko dute 14 partida ikusteagatik, Rocasa ACE Gran Canaria taldearen aurkako Superkopako eta Ligako 13 partida, alegia.
Era berean, gazteek (10-16 urte) eta jubilatuek 35 euro ordainduko dute Liga eta Superkoparako. Bera Bera eskubaloiko senideak %40ko beherakada izango du abonamentuan, ondorioz, helduek 40 eurotan izango dute eta gazteek eta jubilatuek, 20 eurotan.
Horrez gain, Bera Berak familia-abonamendua atera du. Honek esan nahi du bi helduek bazkide eginez gero gazteak (10-16 urte) dohainik izango lukete abonamendua. Kasu guztietan, 10 urte azpiko gaztea dohainik sartuko da Bidebietan nahiz Gaskan.
Abonamenduak Bidebieta Kiroldegiko bulegoan erreserbatu daitezke (9etatik 13ak arte) eta Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. emailez. Ostiralean 18etan Bera Berak eta Kukullaga Etxebarri taldeen arteko lagunartekoa dela eta, bulegoa zabalik egongo da 17,30etatik 20rak bitartean.

Champions League

Lehiatilan salgai jarriko diren sarrerak ez dira aldatuko, hau da, Liga eta Superkopa zazpi eurotan eta Europako partidei begira, 10 euro.
Europa mailako goreneko lehiaketako ligaxkan debuta egingo du Bera Berak aurten eta Champions Leagueko multzoen faseko partidak ikusi ahal izateko arrazoizko salneurriak jarri ditu (urriaren 6an –prebiatik etorrita-; urriaren 19an, Novergiako Larvik, egungo azpitxapelduna eta azaroaren 17an, Kroaziako txapeldun Prodavka Vegeta).
Bera Beraren erronka da orokorrean kirola eta eskubaloia gustuko duen oro erakartzea da, zalegoa nahiz Gipuzkoako edo Euskal Herriko erakunde eta eragile. Diotenez, Donostian izango baita Europako emakumeezkoen klubeetako ikuskizun erakargarriena.
Horretarako, lehialenek, hau da, Ligako abonamendua atera duten horiek 20 eurotan izango dituzte multzoen faseetako hiru partidan; gazteeek eta jubilatuek, 10 eurotan.
Bazkideek lortuko dituzten beste abantailen artean dira Bera Berako produktuen salmentan %10eko beherapena eta Donostiako Avia Zerbitzuetako Estazioetan gasolina hartzeagatik %2ko deskontua, besteak beste.
Ikus bideoa

27 Abuztua 2013

Egia Eskubaloiak antolaturik eta Donostiako auzo honetako kiroldegian larunbata bitartean ospatuko den Egiako Nazioarteko XIX txapelketa, Bera Berak eta Mios Biganos Begles taldeek inauguratuko dute.
Horrela, Egia kiroldegiak donostiarrak eta frantziarrak hartuko ditu bihar 19etan. Bera Berak gogo biziz ekingo dio partidari, taldearen maila neurtzeko aproposa da norgehiagoka. izan ere Mios Biganos Begles, Frantziako ligan laugarren izan zena iaz, asko indartu da eta duela 15 egun Biganosen jokaturiko partidan donostiarren gainetik pasatu zen. Halere, frantziarrek sasoi hobea zuten eta Bera Berak baja garrantzitsuak María Núñez, Alba Menéndez eta, horrez gain, Patri Elorzak eta Nitsan Dunayk minutu gutxi batzuk jokatu ahal izan zuten.
Rocasa ACE Gran Canaria taldearen aurka Gascan irailaren 4ean (20etan, Teledeporte) Superkopa jokatu aurretik azkenaurreko lagunarteako izango da Bera Berarentzat. Kukullaga Etxebarriren aurka abuztuaren 31rako aurreikusita zegoen partida ostiralera aurreratu da, hau da, Bidebietan abuztuaren 30ean, 18etan, izango da.
Egiako txapelketa larunbatera arte luzatuko da. Etzi, abuztuak 29, Egia Eskubaloiak Zarautz Amenabar hartuko du (19etan); ostiralean, Bidasoa eta Naturhouse La Rioja aurrez aurre (18etan) eta Helvetia Anaitasuna eta HBCN Nantes 20etan. Larunbatean, 17,30etan hirugarren eta laugarren postua erabakiko da eta finala 19,30etan.
Era berean, entrenatzaileei zuzenduta prestaketa jardunaldi bat antolatu da larubaterako, Manolo Montoya eta Manolo Lagunak eskainiko dutena goizeko 10 etatik aurrera Kirol Etxea eta izena emateak 35 euro balio du. Informazioa

24 Abuztua 2013

Laugarren garaipena bostgarren lagunartekoan, oraindo honetan, Bera Berak Cleba Leoni itzuliu dio bisitaldia. Gaur arratsaldean udal kiroldegian jokaturiko partidan Imanol Álvarezen taldeak berriro gainditu du Javi Callejoren taldea (19-26, 11-14 atsedenaldian). Zumaian jokaturiko neurketa antzekoa izan da partida, hasieran markagailuan paretsu eta bigarren zati hasieran donostiarrek martxa berri bat ipiniz tartea zabaldu dute. Imanol Álvarez eta Martín Larrañagak aurrendenboraldiari begira ezarri dituzten irizpideekin bat egin dute gaur ere eta talde osoaren artean minutuak banatu dituzte. Bidebietan bezala, Bera Berak 6-0 defentsa osatu du eta erasoan oraingo honetan Eli Pinedo ezker albokoan aritu da, Arizaga, Menéndez, Elorza, Ana Martínez eta Esther Arrojeriaren artean lehenengo lerroa osatuz. Datorren astean, Bera Berak froga gogorra izango du Mios Biganos Begles taldearen aurka Egiako txapelketan. Abuztuak 28, asteazkenean izango da, 19etan eta doostiarrek gogo biziz hartuko du Frantziako taldea. Horrez gain, ziur aski Kukullaga Etxebarri taldearen aurkako lagunartekoa abuztuaren 30ean, ostiralera aurreratuko da. Fitxa: Bera Bera 26 (14+12): Yamiley, Castro (4), Elorza (4), Arizaga (2), Menéndez (3), Núñez (4), Pinedo (1), Ziarsolo (2), Ana Martínez (2), Ederra (4), Ezkurdia, Arrojeria, Olatz Ramón, Eider Lizarbe y Ana Temprano (o.a.).

23 Abuztua 2013

Hiruzpalau egunetan partida batekin jarraitzen du Bera Bera Eskubaloiak. Horrela, bihar Cleba Leon taldeari bisitaldia itzuliko dio. Abuztuaren 10ean Zumaian bi taldeak elkar ikusi bazuten ere –donostiarrek aise irabazi zuten- bihar hitzordua 19etan izango Leongo udal kiroldegian.
Vero Cuña eta Nitsan Dunay jokalarien bajekin jarraituko du Bera Berak. Israeldar internazionalari ezker belaunean egin zioten erresonantziak hematoma bestetik ez da ageri, ondorioz, espero da datorren asteko partidetan egotea.
Imanol Álvarez entrenatzailea minutuak banatzen ari da plantilla osoaren artean, gazteen artean ere bai. Bi jokalari horien bajak izanda, Eli Pinedo lehenengo lerroan kokatu du. Horrez gain, Alba Menéndez, María Núñez eta Patri Elorzaren ondoezak gainditurik taldea erritmoa hartzen somatzen da eta aurtengo aurpegi berriak, Ana Temprano atezainak eta lehenengo lerroan aritzen den Ana Isabel Martínezek kalitate handiko jokalariak direla nabarian da.