Bera Bera - Berriak

03 Iraila 2013

Hilabeteko prestaketa bete ostean, Bera Bera Eskubaloiko plantilla biharko, irailak 4 asteazkena, hitzordua iristeko irrikan dago. Donostiak Superkopa hartuko du berriro ere, azkeneko sei edizioetatik laugarren aldiz, Josean Gaska kiroldegian baina aurrenekoa (20etan, Teledeporte). Aurrean Rocasa ACE Gran Canaria, Kopako azpitxapeldun gisa agertzen dena. Bera Berak gogoratu nahi izan du partida hura emozioz beteriko norgehiagoka izango delakoan. Horrela onartu du Imanol Álvarez entrenatzaileak komunikabideen aurrean. “Partida paretsua izango dela uste dut, agian etxean jokatuko dugunez faborito gara baina Rocasak taldea indartu du batez ere atepean Silvia Navarrorekin”. Horregatik, jokalariei partidaren garrantziaz baino arreta jokoan jartzeko esan die. Eta hor “defentsan dago gakoa” azpimarratzen du. Bizkaitarrak “ondo ikusten dut taldea, nahi genuen lekuan”. “Ligako txapelduna da eta lehendik egindako lana baliagarria da oso, horregatik ez dugu ia aldaketarik egin baina pixkanaka pixkanaka beste ezaugarri batzu sartzen ari gara” adierazi du Imanolek. Abuztuan egindako lanarekin pozik, Vero Cuñaren bajarekin penatzen da baina era berean taldean “gaitasuna eta motibazioa” ikusten du denboraldia Superkoparekin hasteko. Rocasaren inguruan azpimarratu du “ia buruz jokatzen duela, jokalari onak ditu eta defentsa hobetuko duena”. Ana Temprano eta Ana Isabel Martínez jokalariaz galdeturik, Bera Berako entrenatzaileak argi du “lagunartekoetan ikusi den bezala taldeari ekarpen haundiak egingo diote batak eta besteak”. Vero Cuñaren baja dela eta, Esther Arrojeria eta Maitane Etxeberria jokalariek osatuko dute deialdia. Poloniako 17 urtez azpiko Eurokopa jokatu zuen Maitane Etxeberriak abuztuan, gehien jokatu zuen jokalarien artean izan zen eta selekzioko golegile nagusienetariko bat.

02 Iraila 2013

Iazko denboraldi amaieran, hausnarketa baten ostean, Libe Altunak Bera Beran ez jarraitzea erabaki zuen eta ondorioz eskubaloia era profesional moduan uztea ikasketekin loturiko lanbidea lortze aldera. Horregatik, Bera Bera Eskubaloiak zarauztarraren ibilbidea aitortu nahi du Superkopako finalaren atarian. Datorren asteazkenean, irailak 4, Josean Gasca kiroldegian donostiarrak eta Rocasako kanariarrak denboraldiko lehenengo tituloa izango dute jokoan. Libe Altunak hamar denboraldi egin ditu Bidebietan. Matxalen Ziarsolorekin batera Bera Beraren arrakasta guztietan izan da, hau da, eskuratu diren hiru Kopa, bi Superkopa eta Liga. Altunak 306 gol sartu ditu, historiako 20 golegile onenen artean kokatuz. Emakumeen eskubaloiari egindako ekarpena eskertu nahi dio Bera Berak Libe Altunari eta, besteak beste, Superkopako irudia eskainiko dio.

01 Iraila 2013

Bera Bera Eskubaloiak ez dio egutegiari erreperatzen. Iraila gogorra dator eta igandea izan arren, lehenengo egunean entrenatzeari ekin dio epe motzeko helburua prestatze aldera, Superkopa alegia. Datorren irailaren 4ean, asteazkena, Josean Gaska kiroldegian (20etan, Teledeporte) Rocasa ACE Gran Canaria izango du aurrean, Silvia Navarro atezain internazionalarekin asko indartu den taldea.
Superkopa aurreratuta eta Donostian izanda gainera, bestelako ekitaldiak ere aurreratu dira, besteak beste, aurkezpena. Horrela, bihar astelehena, irailak 2, 18,30etan, San Markos Gotorlekuan, Bera Bera Eskubaloiak aurtengo denboraldirako plantilla aurkeztuko du. Nobedadeak, Imanol Álvarez entrenatzailea eta bi jokalari, Ana Temprano atezaina eta lehehengo lerroan arituko den Ana Isabel Martínez.
Taldea astelehen goizean entrenatuko da eta asteartea, goiz eta arratsaldez. Bera Berak hirugarren Superkopa eskuratu nahi du. Gaur urtebete, donostiarrak aise nagusitu ziren Itxakoren aurrean eta 2008an, Bera Berak Ribarroja hartu zuen mendean. 2009an nafarrek lortu zuten gol batez garaikurra. Partida guzti hauek Bidebietan jokatu ziren.
Espainiako Eskubaloi Federazioak egindako lanari esker, aurtengo edizioko finala Teledeportek eskainiko du zuzenean, ondorioz, Donostiak hartuko duen laugarren Superkopa Josean Gaska kiroldegian ospatuko da. Javier Álvarez Mata (Bizkaia) eta Ion Bustamante López (Navarra) izango dira epaileak.

31 Abuztua 2013

Bera Berari kostatu izan zaio partidari ekitea. Datorren asteazkenean, irailak 4, Gasca kiroldegian (20etan) Rocasa Ace Gran Canaria taldearen aurkako Superkopa jokatu baino lehenago azkeneko froga baitzen. Lagunartekoan hotz atera da Bera Bera eta ondorioz Kukullaga markagailuan nagusi izan da ia lehenengo zati osoan, Azkona, Elizegi eta Alba Fernándezen golei esker. Imanol Álvarez 6-0 defentsa errepikatu du, Yamiley ateran eta Castrori atsedena emanez hasieratik. Pinedo lehenengo lerroan aritu da Ana Martínezekin baina piboteekin lortu falta izan da. Bigarren zatiak ez du zalantzarako tartea utzi. Bera Berak Elorza, Núñez, Pinedo, Menéndez sartu ditu, Ana Martínez eta Castro alboetan eta defentsa gaindiezina izan da bizkaitarrentzat, hamar minutuetan 7-2 partziala jasoz. Ondoren, minutuak banatu ditu atean izan ezik, Yamiley penalti bakar bat utzi baitio Ana Tempranori. Frogak amaiturik, asteazkenean lehenengo tituloa jokoan. Horretarako igande goizean, entrenatzera. Bera Bera 27 (11+16): Yamiley, Ziarsolo (4), Pinedo (3), Ederra, Elorza, Menéndez (2) eta Ezkurdia (2) –titular- Arizaga (2), Ana Martínez (4), Núñez, Castro (6), Arrojeria (1), Ramón, Dunay (2), Lizarbe (1) eta Temprano (o.a.). Kukullaga 19 (10+9): Leire García, Azkona (6), Nogales (2), Elizegi (5), Martín (1), Ferro, Azaola, Castaño (1), Fernández (3) Agirre (1), Gómez eta Urrutia. Epaileak: Ramón Granados eta Markel Garralda (Euskadi). Kanporatuak Elorza (2) Bera Beratik eta Azkona, Elizegi eta Fernández Kukullagatik. Partzialak: 2-3, 3-4, 5-5, 7-8, 9-9, 11-10 –atsedenaldian- 16-11, 18-12, 21-13, 23-15, 26-17 eta 27-19.

30 Abuztua 2013

Bera Bera Eskubaloiak gaur arratsaldean Bidebietan azken lagunartekoari ekingo dio Kukullagaren aurrean Superkopari heldu aurretik. Izan ere, datorren asteazkenean, irailak 4, 20etan Gasca kiroldegian donostiarrek Rocasa ACE Gran Canaria hartuko baitute.
Bera Berak beteko ditu gaur abuztuan jarritako zazpi lagunartekoekin. Mios Biganos Begles eta Cleba León birritan, Zuazo Barakaldo, Angolako junior mailako selekzioa eta Kukullaga izan dira Imanol Álvarez eta Martin Larrañagaren asmoak gauzatu diren aurkariak.
Kontutan hartzekoa da, batez ere, lehengo asteazkenean Egiako txapelketan Mios Biganos Begles taldearen aurkako partida. Frantziarrak nagusi izan ziren abuztuaren 14an baina donostiarrek horma gaindiezina jarri zuten Egian. Gaur Nitsan Dunay israeldarrak minutuak izango ditu.
Horrez gain, Bera Berako bulegoa irekita egongo da abonamenduak eskatu ahal izateko. Honako salneurriak ezarri dira: Superkopa eta Ligarako helduek 65 eurotan eta 85 eurotan Champions Leaguerekin; infantil eta jubilatuak, 35 eurotan eta 45 eurotan eta familiako abonamendua bi helduekin, gazteak, dohainik.