Garrantzi handiko garaipena lortu du gaurkoan AKABA taldeak Leondarren aurka, erritmo handi eta zailtasun ugari erakutsi duen partidu azkar batean. Jokuan oso parekatuak, markagailua ere hala izan da neurketa osoan zehar, partiduaren azken segundotan, Akaba Bera Beraren entrenatzaile eta jokalari den Tati Garmendiak penalty bat gola bihurtu eta garaipena etxeko taldearentzat ekartzea lortu duen arte. Emaitza honek, AKABA taldea Ligako sailkapen nagusiko goi postuetan mantentzen du eta europako txartelaren borrokaren barne. Talde biek defentsa sistema bikaina erakutsi dute (6:0, nahiz Garmendiak azken minutuetan 5:1eko sistema mixtoa zelairatu, taldea aurreratuz eta honela, Fachinello jaurtitzailearen indarra txikituz). Partidu honen garrantziaren jakitun, gipuzkoarrak partiduan sartu dira lehenengo minututik azkenerarte eta nahiz eta markagailua kontra izan ia bukaera arte, lan eta joku txukunaren fruitu, garaipena ekarri dute etxera. Taldea gaur gauean bertan itzultzen da Donostiara autobusez, gogoa eta aste hontako lana, larunbateko partiduan dutelarik jada, beti zaila den Astroc Saguntoaren kontrako neurketan elkar ikusiko direlarik Bidebietan.
AKABA BERA BERAREN Liga txapelketako urrengo partiduaren berri eman nahi dizuet. Larunbat honetan, martxoak 10, izango da LEON BM (CLEBA) taldearen aurka, arratsaldeko 18,00etatik aurrera eta Leongo San Esteban udal kiroldegian. Neurketaren epaile, Karrera Zaldua arbitro euskalduna eta Fernández Fernández asturiarra izango ditugu. Partidu hau, zaila izango da nonbait, gipuzkuarrak garaipena behar bait dute egun Ligako sailkapen nagusian okupatzen duten bostgarren lekua matendu nahi badute, eta Leongo taldeak erdiberdin, Europan leku bat lortzea helburu nagusi bait dute. Dena dela, AKABAko taldea baikorra da, are gehiago, atzera begira ezkero, Ligako lehen itzulian eta talde honen aurka Bidebietan lortutako garaipena (28-23) gogoan oso argi dutelako. Neurketa honetarako, Tati Garmendia entrenatzaileak jokalari gehienak izango ditu prest, Esther Larreategi eta Libe Altuna salbu, beren derrigorrezko errehabilitazio sesioei aurre egin behar bait diete, belauneko lesioak gainditzeko lanetan jator eta gogor ari direlarik
Lehengo igandean martxoaren 3an akabak jolastutako partido amistosoa irabazi zuen ligako lider dagoen “construcciones paraíso” taldearen aurka 27-35 izanik markagailuan.
Hurrengo astean jarraituko du liga Leonen hain zuzen.
Igandean Erusian sufritutako bidegabeko galtzearen ondoren, AKABA taldeko jokalariak bi egun eman dituzte jai, eta bihar, osteguna, berriro laneratuko dira Bidebietan ohizko entrenamendu saioak garatzera. Lan sesio hauek, datorren larunbaterako, martxoak 3, hitzartutako adiskidetasun partidu bat irabaztera zuzenduko dira, jada, Castro Urdialesen, arratsaldeko 17,00etatik aurrera, eta hango "Promociones Paraíso de Castro" taldearen aurka. Neurketa berezi hau, Ligako txapelketaren geldialdia aprobetxatuz jokatuko da, Espainiako Selekzioak bilketa berri bat antolatu bait du asteburuan, eta han izango dira besteak beste, AKABA taldeko Esme López, Patricia Pinedo eta Matxalen Ziarsolo jokalariak (Raphaelle Tervelek berdina egingo du, baina Frantziako selekzioak deituta bere kasuan). Castroko taldeari dagokiones, jakin ezazue, Nazional maila goreneko lehen postua okupatzen duela egun.
Bidegabeko galtzea sufritu du gaur Akaba Bera Berak (29-21) Errusian, Astrakhan taldearen aurka. Emaitza honen ondorioz, Europako errekoparen lehiaketatik at gelditzen dira gipuzkuarrak tamalez. Dena dela, Tati Garmendiaren taldeak ezin izan du bere jokua nahi bezainbat gauzatu zelaian, epaileen erabakien erruz; arbitroak segundutik segundura jokua gelditu dute, Akabako jokalariak, gainera, merezigabeko hutsegite eta kanporaketekin etengabe zigortuz, partidu osoa jardun dutelarik. Pausoak, eraso faltak, eta kanporaketak agindu dituzte gipuzkuarren aurka, errusiarak gipuzkuar jokalariak bultzatu eta joko zikina egiten ibili diren bitartean. Adibide gisa, jakin ezazue Tati Garmendiak bigarren ataleko lehen minutuetarako bi kanporaketak gainean zituela jada. Hala eta guztiz ere, Akabak neurketa osoan zehar jokua sortzen eta golak sartzen saiatu da gogoz, hasiera batean 6:0eko defentsa sistema ateraz, gero, 5:1ekoa defendatuz, (igarotze lerroa hobe ixteko), eta defentsa nahasia ere zelairatu du denbora batez (Parshina eta Dykhman jokalariak modu eraginkorraz kontrolatzeko asmoz). Erasoan gora azkar eta sendo igo dituzte baloiak etengabe, baina saiakera guztiak hutsean gelditu dira mila bider, arbitroen erruz esan bezala. Gauzak honela, eta emaitza baieztatu ondoren, Ana Karrere eta Amaia Ramírez (teknikari eta zuzendaritza arloko kide eta arduradunak besteak beste), EHFko ordezkari den Andrés Karklasi zuzenean eta ingelesez argi utzi diote beraien ustea, hala nola, epaileen jokaera eta erabakiak diruz erosia zutela errusiarrak. Hau entzun ondoren, erantzunik ez bere partetik...Ez merezitako emaitza sufritu dute beraz gipuzkuarrak gaur Errusian, baina, taldeak aurrera egin behar du, eta hemendik aurrera, gogo eta itxaropen guztiak, Ligako txapelketan ezarriko dituzte seguru asko. Taldearen iritsiera Donostiara, bihar (astelehena) gauean izango da (Loiun 22,30 inguru izango dira).
