Bera Bera eskubaloi taldeak osasuna eta kirola kanpaina abian jartzen du. Gure helburu nagusia errendimenduzko zein afizionatuen kiroletan aritzeko bizi kalitatea hobetzearren, elikadura era orekatua eta osasuntsua mantentzearen garrantzia erakustea da. Bereziki goi mailako kirolean errekuperazio prozedurak funtsezkoak dira eta horretarako Akaba Bera Berak jatorrizko produktu natural hauek bakarrik erabiltzen ditu.
Bi ardatz nagusitan banatuko da, alde batetik, eta BETI ONA FRUTAK enpresa banatzaileari esker, jarduera fisikoa egiteko frutak dituen onuragarriak kontutan harturik, bi taldeetako jokalariek eskura edukiko dute fruta bere aldageletan, baita ere Bidebietako kiroldegira hurbiltzen diren ikusle guztiei banatuko zaie, partida ikusten ari diren bitartean goza dezaten elikagai honetaz.
Bestetik, sarreran salgai jarriko da (astean zehar bulegoan) SYNTHESYS ZELULA ERREKUPERATZAILE BATIDOA. Produktu hau, guztiz osagai naturalekin egin dago eta hainbat erabilera du. Ariketa fisikoa intensoa egiten den egunetan, gorputzak galtzen dituen proteinak, mineralak e.a. aurretik eta ondoren hartuz gero indarberritze laguntzaile aproposa dugu. Helburu honekin Akaba Bera Berako jokalariek ia egunero edaten duten produktua da . Oso onuragarria ere gorputzaren pisua kontrolatzeko otordu baten ordez hartuta (afaria gomendatzen da) gorputzaren osagaiak galdu gabe, baita burniaren arazoak dutenentzat, edo nekeari, stressari, anorexiari e.a. aurre egiteko ere.
Elisa Leal atezaina, Ainara Luque ezker albokoa eta Maria Gracia erdikoa euskadiko selekzioaren deia jaso dute.
Leal eta Luque kadeteak urriaren 14an, igandea, Gasteizko Hegoalde kiroldegian egon beharko dute goizeko 9:45tan.
Gracia jubenila Zarautzeko Antonianos kiroldegian egon beharko du egun eta ordu berean.
zorioank hiruroi
Urriaren 13an, larunbata, Akaba Bera Beraren hurrengo jardunaldia dago. Oraingo honetan Mar Alicante du aurkari arratsaldeko 19:00tan Bidebieta kiroldegian. Bederatzigarren postuan sailkatutako taldea, hiru puntu besterik ez ditu lortu, Canariar Uhartetako Rocasari doi-doi irabazitakoak eta P. Paraiso igo berriaren aurkako berdinketari esker.
Taulan erditik gora burrukatzeko helburuarekin egindako taldea, ia plantila osoa zein teknikariak berritu ditu. Entrenatzaile ez ezik, bederatzi jokalari berri iritsi dira Mar Alicantera aurten. Aldaketa ugariren eraginez txapelketaren hasiera nahiko kaskar egin dute, espero zena baino okerrago. Beraz, irabazteko beharra eta dituzten jokalarien kalitateaz oso aurkari arriskutsua suerta daiteke larunbatean.
Fitxaketa berrien artean Llanos Trigueros atezain ezaguna dago Bidebietako ikusleentzat, Donostiara bueltatzen dela iazko denboraldia gurekin igaro ondoren.
St Otmar St Gallen Kluba, Akaba Bera Bera taldearen hurrengo arerioa Europako Errekopan, esperientzia handikoa da europar lehiaketetan, bere 11 partaidetzak horren froga direlarik. Lorpen handienak Europako Errekopan final zortzirenetara heltzearekin izan ditu, 96/97 eta 97/98 denboraldietan hain zuzen. Lehiaketan izandako azken agerpena orain dela bi denboraldi eman zen, 05/06-ean, bigarren errondan kanporatu zuelarik Haukar islandiar taldeak, 45/70 emaitza orokorrarekin. Azken bi partida hauek Islandiak jokatu izanak, itxaropenak ematen digu Bera Bera taldearen proposamenak onartze aldera, alegia, bi partidak Donostian jokatzearena.
St Otmar St Gallen taldea, jokatutako bost partidetatik lau irabazi ondoren, bigarren dago suizako ligan zortzi punturekin. LC Brülh taldearen atzean kokatzen da, talde ezaguna Akaba-rentzat, arerio izan baitzuen iazko lehiaketaren hamaseirenetan. Bi ekipo suitzarren arteko ligako azken enkontruan, irailaren 29an emandakoa, LC Brüll justu-justu, 22-23, gailendu zitzaion St Gallen-i.
Akaba Bera Bera-ren hurrengo arerioaren jokalari aipagarrienen artean ditugu Monika Simova, ezker hegalekoa eta jaurtitzaile arriskutsua, Josipa Bundovic pibotea eta Elena Frikart zentrala.
Esme Lopez, Tati Garmendia eta Patri Pinedo espainiako selekzioko deia jaso dute, datorren astean Holandan jokatuko den 6 Nazioko Torneoan parte hartzeko. Oraingoz urriaren 14an, igandea, Madrilen egon beharko dute, Jorge Dueñas bilbotarraren selekzionatzaile berriaren esanetara.
