Defentsa ikaragarriak, eta Johanna Bouveret atezainaren lan ezinhobeak eman dio Akaba Bera Berari bere bigarren Erregina Kopa Monovaren (Alacant) Prosolia Gaviota Eldari 25 eta 19 irabazi ondoren
Benetan ondo aritzen dira donostiarrak halako txapelketetan, azken lau urteotan Erregina Kopako finalan izan bait dira, 2007an eta 2009an tituluak lortuz. Titulu berri honekin nabarmen da kluba honek izandako gorakada, Espainiako nesken eskubaloian onenen artean kokatuz..
Poza zabaldu zen taldean bukatzeko seinalea entzuterakoan, eta han zegoen hogeina zaletuekin ospatu zuten txapelketa, azalduz Kopan talderik indartsuena izan dela, laguntasun, seriotasun eta emaitzak azalduz.
Horren proba izan da gaurko finala, ABF ligako bigarrena, Elda, gainditu baitutelako nabarmen hobea izanez. Lehenbiziko minutuetan bi taldeek bestea ezagutuz eman zituzten. Elda aldetik Soit eta Tivadar errumaniarrak ondo aritu ziren kanpotik, eta Asensio pibotearekin konbinaketak sortuz. Akaba Bera Beran, ordea, bere ohizko kontraerasorako jokoan oso ondo aritu zen Matxalen Ziarsolo, lehenbiziko aukerak gol bihurtu zituela.
Hogeigarren minutura arte berdintasuna izan zen nagusi, nahiz eta alacantekoek abantaila txikiak izan. Baina Akaba Bera Berako defentsa sendoa zen hegaletan eta zentroan, eta lateraletan oso ondo aritu zen kanpoko jaurtiketak egiten ez uzten. Gainera, Bouveret atezainaren lana oso ona izan zen.
Partida 9-6ko kontra zegoenean, Reyes Karrerek hutsartea eskatu zuen, eta 5-0 goleko partziala lortu izan zuen. Horrela, atsedenaldian donostiarrek 10 eta 14ko abantaila lortu zuten.
Bigarren zatian izugarri ondo aritu zen defentsan Bera Bera, eta nahiz eta Elda diferentzia murrizten saiatu, ezinezkoa sortu zen. Bigarren zatiko erdian momentu zailenak pasa zuen Bera Berak, bitan bi minutu egon zen bi jokalari gutxiagokin, zigortuta izan zirelako epailengatik. Nahiz eta bi goletara jarri, berriro topo egin zuten Boxenek Bouveretekin.
Azken minutuetan bi lerroen artean konbinaketak ezinhobeak izan ziren, et ahorren ondorioz Amelie Goudjo 4 gol sartu zituen, partida amaitutzat emateko.
Arrakasta sinesgaitza izan da Erregina Kopa hau Akaba Bera Berarentzat, eta adierazi du lan ikaragarria egiten ari dela talde donostiarrak, aurten txapeldunordea izan dela ABF Kopan, eta orain ligan laugarrena dela, hirugarren postua hiru puntutara daukala. Titulu honekin Bera Berak hurrengo urtean Europako Errekopan parte hartzeko txartela lortu egin du.
Nahiz eta Akaba Bera Bera Monovaren (Alacanten) egon XXX Erregina Kopa jokatzeko, taldeko zaleek aukera izango dute txapelketa zuzenean jarraitzeko, bai telebistaz, eta baita interneten bidez ere.
Hauek dira konfirmatutako komunibabideak:
Telebista:
Grabatutakoa. Gran Monóvar Ecociudad - Akaba Bera Bera. Apirilak 3, ostirala, 22:00etan TVVI (Televisión Valenciana INternacional) TDT bidez.
Akaba sailkatzekotan, zuzenean. Akaba Bera Bera - Itxako - Molly Cleba partidako garailea, finalerdia. Apirilak 4, larunbata, 18etan ETB-3n.
Akaba Bera Bera sailkatzen bada. Finala, Apirilak 5, igandea, 16:00tan ETB-3n.
Irratia:
Zuzenean. PDA Multimediak Erregina Kopako partida guztiak emango ditu, eta egunero 14:30etatik 16:00etara saio berezi bat Monovarretik.
Interneten bidez entzun daiteke irrati hau: www.radiociudad.com, eta www.pdamultimedia.com.
Parc Sagunt taldearen kontra ligako partida aurreratu behar izan du Akaba Bera Berak martxoak 18ra, talde valentziarrak asteburuan izango dituen Europako txapelketako partidagatik. Positiboa izan da donostiarrentzat aldaketa hori, aukera emango diolako Akaba Bera Berari Toulouseko (Frantzia) Nazioarteko Txapelketan parte hartzeko, Martxoak 20, 21 eta 22an.
Txapelketa honetan parte hartzeko gonbidapena jaso du talde donostiarrak, eta talde antolatzaileaz gain, bi selekzio nazional izango dira, alde batetik Txina (2008ko Pekineko Joku Olinpikoetan seigarrena izan dena), eta Marfileko Kosta, gaurregun Afrikako txapeldunordea dena.
Aukera ona da Reyes Karreren talderako, bere jokoa azalduko duelako dohai eta ezaugarri ezberdineko taldeen kontra, ligan ez diren taldeen aurka.
Lauko txapelketa izango da, eta denok denon aurka jolastuko dute, eta Akaba Bera Berak honako ordutegiak izango ditu: Martxoak 20, ostirala, 17:00etan, Marfileko Kosta – Akaba Bera Bera; Martxoak 21, 21:00etan Toulouse – Akaba Bera Bera; Martxoak 22, igandea, 13:30etan, Txina – Akaba Bera Bera.
Behin besterik ez zen aurretik jarri Akaba Bera Bera Mar Alikanteren kontra, baina momentu erabakienean izan zen, bukatzeko sei segundo besterik falta ez zirenean, 28-27 definitiboa jarri zuen Raph Tervelek.
Garrantzi handikoa zen garaipena, bi puntu hauek ligako sailkapenean Mar Alicante aurretik jartzeko baliogarriak izan direlako, eta gainera bien arteko berdinketa egonda, donostiarrak izango ziren garaile.
Bi zati erabat ezberdin izan ditu partidak. Lehenbizikoan, talde bat besterik ez da egon, Mar Alicante, atsedenaldian 7 goleko abantaila bazuela (7-14). Baina gutxik espero zuen eraldaketa izan zuen Akabak, partida zoratuz lortu bait zuen 21 gol sartzea, eta horrekin batera partidari buelta ematea.
Aurreko minutuetan Alikantek 1 eta 7ko abantaila hartu egin zuen, eta Akaba Bera Berak hamabi minututan bi gol besterik ez zuen lortu. Erabaki txarrak hartzen zituzten erasoan Karrerenek, eta Llanos Triguerosek ondo aritu zen Mar Alicanteren atean.
Baina Tati Garmendia zelairatzerakoan, kanpoko entrenatzaileak defentsa aldatzeko agindua eman zuen, eta banan banako defentsa planteatu zuen. Bigarren zatian hori erabakiorra izan zen. Garmendiak behin baino gehiagotan lortu egin zuen defentsatik ihes egitea, eta Roigen denfentsan sortutako hutsuneak gero eta zabalagoak ziren. Guzti hori kontutan hartuta, gero eta hobeto aritu zen etxeko taldea.
Akaba Bera Berak defentsa aldatu egin zuen, 5-1era pasata, eta horren jokoa jariotasun gutxiago izan zuen. Denfentsa sendoagoa bihurtu zen, eta baloiak errekuperatzerakoan, kontraerasoa erabakiorra izan zen. Zaila ikusten zen, dena den, Alicante gainditzea, momentu larrienetan Ortuño eta Fernández jaurtitzaileak oso ondo aritu zirelako.
Baina jadanik uhin ona hartuta zuen Bera Berak, eta 6 minutu falta zirenean 25na jarri zuen markagailuan. Hortik aurrera berdinketa izan zen nagusi, azertuak eta hutsak banatu ziren, baina 15 segundo falta zirenean, erasoko falta egin zuen Mar Alicantek, eta Tervelek aprobetxatu egin zuen kontraerasoa golean bukatzeko.
Bi puntu hauekin donostiarrak 4. postua eskuratu dute, eta konfidantza osoz izango dira martxoak 12an Itxakoren kontra Lizarran, liderraren aurka.
