Bigarren urtez hartuko du parte Akaba Bera Berak Sika Cup-en (Bad Urach, Alemania), eta dagoeneko lortutako sasoia ikusteko aukera ezinhobea izango da, astebete geratzen denean denboraldiko lehenengo titulu ofiziala jokatzeko, Superkopa.
Kattalin Olasagasti eta Ane Herrero internazional juniorrak bueltan izanda, talde osoa abiatu da Bad Urachera. Bertan txapelketa bitxian hartuko du parte, gutxienez zazpi partida izango dituelako hiru egunetan, eta 20 minutuak izango direlako. Gainera, Europa mailan onenen artean dauden hainbat talde izango dira, Byasen norvegiarra, Zvezda errusiarra eta Austriako Hypo.
Ostiralean, lehiaketari hasiera emateko VFL Sindelfingen alemaniarra izango du aurrez aurre talde donostiarrak, eta jardunaldia osatzeko errusiako txapeldunaren kontra, Zvezda Zvenigorod. Larunbatean lan gogorra izango du taldeak, lau partida jokatuko duela. Goizez talde indartsuen kontra lehiatuko du, Montenegroko Buducnost T-Mobile eta Byasen HB. Arratsaldez Hypo Niederosterreich, eta Alemaniako Frisch Auf Goppingen izango dira Bera Berako arerioak.
Bukatzeko, igandean TSV Bayer 04 Leverkusen aurka amaituko dute ligako partidak. Lehen lau talde hoberen artean sailkatzekotan, berehala finalerdiak eta, agian, finala, jokatuko luke Akaba Bera Berak.
Astelehenean itzuliko da taldea Donostiara, eta aste luzea izango du, larunbatean Superkopa Bidebietan, Itxakoren kontra, izateaz gain, asteazkenean Castro Urdialesen kontra jokatuko dute. Eta kirol arloaz gain, sponsor berri bat aurkeztuko dute, eta Akabaren eskuz, taldearen aurkezpen ofiziala izango du.
Arratsalde honetan Akaba Bera Berak partida izango du Toulousen, 19:45etan, aurredenboraldiko hirugarren partida izateko etxekoen kontra, Frantziar ligan goi mailako ligan direnak (D1).
Partida interesgarria izango da, frantziarrak itzuli egin direlako elitezko eskubaloira, eta indar askokin, bederatzi jokalari fitxatu egin bait ditu, horietako bi ABF ligan izandakoak.
Berriro ere aurrez aurre izango dute donostiarrek joan den denboraldian Akaban izandako lagun bat, Alexandra Lacrabère internazionala. Horretaz gain, Itxako Reyno de Navarran izandako atezaina, Marion Callave, Toulousera abiatu da ere bai.
Bihar, ordu eta leku berean partida hau errepikatuko da.
Arratsalde honetako 4:30etan, Espainiako junior mailako selekzioa hasiko du bere partehartze Hungariako Europako Txapelketan, Noruegaren kontra, hain zuzen ere.
Sagrario Santaren taldean Akaba Bera Berako bi jokalari dira, lehenengo lerroko Ane Herrero eta Kattalin Olasagasti pibotea. "A" multzoan sartuta dago Espainia, Noruega, Eslovenia eta Austriarekin batera.
Akaba Bera Bera eta Itxako bigarrengo aldiz izango dira aurrez aurre bos egunetan, joan den larunbateko Zumaiako Txapelketan izan ondoren, nafartarrek irabazi zutela 27-30, eta bigarren laguntasuneko partida izango dute, Bidebietan oraingo honetan.
Partida bihar 12:30etan izango da Bidebietako Kiroldegian, eta honek azaltzen du norgehiagoka honen entrenamendu gisa dela, eta Karrere eta Martínek aprobetxatuko dute lan karga handiagoa izateko eta lehiaketa aldirako prestakuntzan sakontzeko, Irailean hasiko dela.
Donostiarrentzat aukera ona izango da jokalari berriak taldean sartzen aurreratzeko, lehenengo lerroko jokalarien kasuan nabaritu egin zela aurreko urteetako blokekin ohitura falta nabaritu zela.
Hamar egun besterik ez elkarrekin lan egiteak, taldearen jokaera dinamiko eta arina, beraz ulergarria da oraindik goiz dela jakiteko jokalari hauek emango dutena.
Dena den, bai Punko ahizpak, eta baita Alba Menéndez ere erakutsi zuten gogoak eta lan egiteko prest daudela, oinarriak sustatuz etorkizunean emaitzak lortzeko.
Partida honetarako berriro izango da taldean Verónica Valverde hegalekoa, larunbatean ezin zuela egon, eta faltan izango diren bakarrak Ane Herrero eta Kattalin Olasagasti, junior selekzioak deitutakoak.
Aurredenboraldian ere, Akaba Bera Bera bi partida izango du Toulousen, Abuztuak 19 eta 20an arratsaldeko 7:45etan, etxeko taldearen kontra. Gero, Sika Cupera joango dira, Europako aurredenboraldiko txapelketarik onena, Abuztuak 28tik 30era, eta bukatzeko Castro Urdialesen kontra beste bi partida, Irailak 2 eta 9an. Ligari hasiera emango dio Irailak 13an Marina Park-aren kontra.
Gaur goizeko 9etan, Zurriolako hondartzan aurredenboraldiko entrenamenduak hasi dituzte Akaba Bera Berako jokalariak, baina ez kirola egiteko zapatilak jarriz, surfean aritzeko neopreno janzkiekin baizik.
Ekintza honek, Bera Bera klubeko surf eta eskubaloi sekzioen arteko laguntzakin, klubeko zeharkakoa azalduz, Akabak aukeratu egin du aurredenboraldiko saioei hasiera emateko, eta “oso positiboa izan da, aprobetxatu dugulako jokalariak berriro elkartzeko, berriak ezagutzeko, eta guzti hori giro aktibo baina pozgarri batean”, adierazi du Reyes Karrerek, taldeko entrenatzailea.
Aurredenboraldian 18 jokalari izango dira, lehenbiziko taldeko 17 jokalariak gehi filialeko Maite Alcoba, eta goizeko 9etan izan dira hondartzan material, teknika, seguritate eta surfa egiteko oinarrizko jakinbeharrak jabetzeko Bera Berako surf ataleko monitoreengandik. Bukatu eta berehala, Kantabrikoko uretan sartu dira bai jokalariak eta baita entrenatzaileak ere ekintzarekin hasteko, eta “harrigarria izan da ordu batean jokalari pilo lortu duela taula gainean jartzea eta olatuak hartu. Nabaritzen dira kirolari handiak direla”, azaldu du Alain, surf ataleko arduraduna. Ordu betez izan dira Zurriolako olatuekin borrokan jokalariak lan polita eta gogorra eginez.
Saioa bukatzerakoan, talde osoa bildu egin da ezagutzeko aurredenboraldiko irizpideak, eta prestakuntza aztertzeko, eta horrela eman dute bukatutzat lehenbiziko kontaktua entrenamenduekin.
Lehenbiziko aldiz ikusi ahal izan dira bere taldekideekin fitxaketa berriak, Anna eta Evgeniya Punko ahizpa errusiarrak, Ana Krizanac atezain kroaziarra, eta Ane Herrero eta Alba Menéndez gipuzkoarrak.
Hurrengo larunbatean, goizeko 10etan Anoetan, jokalariek ekingo diote lan fisiko eta taktikoari, eta gogorra izango da egunero bi saio izango dutelako, bai goizez eta baita arratsaldez ere, asteazkenetan izan ezik (soilik goizez), larunbatetan partidak izango direla, eta igandetan, egun librea izango dutela.
