13 Otsaila 2012

Bera Bera Eskubaloiko harrobiko taldeen artea azpimarragarriena da kadete mailako lehenengo urteko taldearen garaipena Foru Aldundia txapelketaren baitan. Bera Bera Egia kadete 1 taldeak lehiaketa zabaldu zuen Ordizia Irurena 21-16 gaindituz. Ondorioz, hirugarrenak dira bi partidak irabazi dituzten Urnietako bi taldeen atzetik, alegia.

Bestetik, Bera Bera Egia kadete 2 eta jubenil taldeek Euskadiko Txapelketako aurreneko jardunaldian galdu zuten. Bigarren urteko kadeteek oso partida berdintsu batean 20-22 galdu zuten Bide Onera Zuazo taldearen aurka. Jubenilek, berriz, ezin izan zuten Errotabarriren aurrean (24-31).

Eta infantil taldeek ere porrotak jaso dituzte. Bera Bera Egia Infantil B 12-13 Urnietako B taldearen aurrean eta Bera Bera Egia Infantil A ez zuen aukerarik izan CDB Leizaran A taldearen aurka (6-29).

Emaitzak: infantil, kadete 1, kadete 2, jubenil

Sailkapenak

13 Otsaila 2012

Bera Bera Eskubaloiak Donostiako eta Gipuzkoako zaleei eskertu nahi izan die larunbatean Josean Gaska kiroldegia betetzeko deia erantzuteagatik eta taldeari laguntza eman zielako EHF Cupeko final-laurdenetara pasatzeko ahaleginetan. Bera Berak Bidebieta utzi eta Gaskara jokatu nahi izan zuen zaletu gehiago sartzen direlako Lada Togliattiren aurkako partida ikusteko eta ETBk emandako iradokizunari erantzuten, ETB K SAT kanalatik eskeini baitzuen norgehiagoka. Lada Togliattiren aurrean Bera Beraren garaipena (35-34) ikusi zuten hurbildutako milatik gorako zaleek goi mailako emakumeen eskubaloi ikuskizunez gozatu zuten, taldea asko animatuz –batez ere Erreka laranja peñak- eta errespetu osoz aritu ziren Lada nahiz epaileekin. Larunbateko partidaren inguruan EHFko delegatu Joao Costak balorazio positiboa egin zuela adierazi zion klubari. Zentzu honetan, Bera Berak eskerrak eman nahi dizkie bolondres gisa aritu zirenei eta klubeko langileei antolaketa bikainagatik. Azkenik, Bera Berak zaleak eta inguruko lagunak taldeak aurrez aurre dituen erronken partaide egin nahi ditu, horien artean, datorren denboraldian Champions lehiaketan aritzeko eta apirilarik 12tik 15era bitartean Altean ospatuko den Kopa irabazi nahi duelako, gainera, donostiarrak zozketan zerrendaburu izango dira Itxakorekin batera. Taldeak gaur atsedena hartu du, bihar entrenaldietara itzuliko da eta larunbatean Alacantera egingo du bidaia. Bertan arerio zaila izango du zain, Mar Alicante, alegia, laugarren sailkapen nagusian dagoena donostiarrekiko hiru puntura. Partida, igandean 12,30etan izango da.

12 Otsaila 2012

Europako txapelketatik kanpo gelditu arren, Bera Bera Eskubaloiak gorputz eta arima utzi du Gascan eta izaera frogatu du Lada Togliatti talde errusiarra 35-34 irabazi dio atsedenaldian 14-18 galtzen ari zela. Donostiako eta Gipuzkoako zalegoak Bera Berak egindako deiari erantzun egin dio eta ia Josean Gasca kiroldegia bete egin du, gutxi gorabehera 1.300 ikuslek goi mailako emakumeen eskubaloiaz gozatu dutelarik. Harmailetako giroa lagun, Bera Bera balentria lortzeko aukerak zituela uste zuen. Eta hasiera ona izan da. Partida ikusgarria egin duen Bea Fernandezek (10 gol) markagailua piztu du, halere Ladak 0-4 partziala lortu egin du eta lehenengo zati erdialdean aurretik jarri da, pixkanaka pixkanaka aldea gehituz 8-12, (21 min). Eli Pinedo, Berta eta Matxalenek donostiarrak gerturatu arren, atsedenaldian errusiarrek 18 gol sartu dituzte eta lau goleko aldea. Bigarren zatian, benetako Bera Bera ikusi dugu. Aurreneko bost minutuetan partida berdintzea lortu du eta Bertaren gol batek (37. min.) 21-19 ezarri du markagailuan. Trefilov entrenatzaileak hutsartea eskatu du eta errusiarrek aldeari eutsi diote, nahiz eta Bea Fernandez fin zebilen (25-23, 43. min). Egindako lana fisikoki donostiarren antzeman zuten eta Ladak berdinketa lortu zuen (29-29, 52. min). Bera Berak partida irabazi nahi zuen, baina. Eta azken minutuan lortu ere bai Eider Rubiok sartutako penaltiari esker. Joaneko partidan Ladan lorturiko sei goleko abantaila kanporaketa erabaki du. Errusiako selekzioko oinarri den Lada taldearekin, Trefilov hautatzailea zuzentzen duena, lehiatzeko gauza izan da Bera Bera. Bigarren zatiko emaitza horren lekuko da: 21-16, alegia. Bera Bera ez da EHF Cupeko final-laurdenetan izango baina denboraldi honetan sendo dabil. Bigarren postuaren jabe direlarik Reyes Carrereren jokalariak historikoa izan daitekeen lekua horren bila doaz. Gasca hain beteta ikustea pozgarria izan da, oso urrats garrantzitsua delarik. Fitxa: Bera Bera 35 (14+21): Zoqbi, Altuna (3), Campa (1), Carvalho (3), Cuña (1), Pinedo (6) eta Ziarsolo (2)- titularra- Rubio (5), Bea Fernández (10), Berta (4), Menéndez eta Yamiley(a.s.) Lada 34 (18+16): Sidorova, Gorshkova (2), Muravyeva (5), Davydenko (8), Shipilova (1), V Zhilinskayte, Zhernoivanenko (3) –titularra- Basarab (a.s.), Y Zhilinskayte (3), Bliznova (3), Smirnova (1), Garanina (3), Marennikova (5) eta Gorshenina. Epaileak: Bonifert eta Olah (HUN) Kanporaketak: Carvalho (2), Rubio eta Pinedo Bera Berarik eta Smirnova, Shipilova, V Zhilinskayte (2), Zhernoivanenko eta Muravyeva (2). Partzialak: 2-2, 4-4, 5-7,8-10,11-14,14-18, -atsedenaldia- 18-19,22-21,25-24,28-26, 31-31 eta 35-34

10 Otsaila 2012

Bihotza eta burua. Bien arteko nahasketa erabakigarria izango da bihar Lada Togliatti errusiarrari aurre egiteko eta EHF Cupeko final-zortzirenak gainditzeko sei goleko desabantaila urratzeko.

Togliattin ospaturiko joaneko partidan, errusiarren beso-luzea eta kalitatea nabarian gelditu zen. Sportkompleks kiroldegia lepo zegoela, Ladak kanporaketa erabakita utzi nahi izan zuen bigarren zatian. Iaz gol batek galerazi zion talde errusiarrari finala jokatu ahal izatea eta aurten ez dute egoera hori berriro bizi nahi. Errusiako hautatzaile Yevgeni Trefilov zuzentzen du taldea.

Joaneko partidan Bera Berak sei goletara murriztu zuen aldea eta bai Reyes Carrere entrenatzaileak bai jokalariek adierazi zuten “kanporaketa pasatzeko aukerak ditugu baldin eta lehenengo zatian bezala jokatzuz gero eta partida gure erritmoarekin zuzenduz gero”.

Horretarako, donostiarren zaletuen animoak behar dituzte bihar eta Gascara agertzeko deia egin dute ere bai (17,30etan). Jokalariek jokua, taktika, nahia eta ilusioa jarriko dute partida gutxienez zazpi golez irabazteko. Hori da erronka.

Reyes Carrere entrenatzaileak argi du “lan izugarri handia egin beharko dugu norgehiagoka osoan, 60 minutuetan guztia eman behar dugu, pixkanaka pixkanaka helburura gerturartu partida amaiaeran, gutxienez, zazpi goleko aldea izatekop”. Zentzu honetan, Reyesek azpimarratu du “bizirik gaude eta kanporaketa gainditzen saiatuko gara”.

Matxalen Ziarsolo kapitainak eta Eli Pinedok entrenatzailearekin bat egin dute. “Defentsan sendo egonez gero eta kontraerasoak gauzatzen baditugu, kanporaketa gurea da” diote.