Zinemazaleen ustez filmetako bigarren zatiak ez dira, orokorrean, aurrenekoa baino hobea izaten. Bera Bera Eskubaloi taldeari ez zaio hori gertatzen, izan ere, emakumeen eskubaloi ligan partidako azken 30 minutuetan datu hobeak eman baititu.
Zenbakiek adierazten dute atsedena ostean Bera Bera Eskubaloia ia geldiezina dela. Liga osoan hiru aldiz galdu du bigarren zatiko partziala: Itxakoren aurka Lizarrerian, Elche Mustang taldearen aurka Bidebietan atsedenaldian 19-12 ostean eta BM Alcobendasen aurrean ‘Pabellon de los Sueños’ kiroldegian, azkeneko bost minutuetan erabaki zen partidan eta Bera Bera matematikoki Championsen kokatu zuena.
Golen errepasoa eginez, Bera Berak 761 aldiz zulatu du arerioen sarea. Lehenengo itzulian, 377 gol sartu zituen, 170 aldiz aurreneko 30 minutuetan eta 207, atsedena ostean. Bigarren itzulian zazpi gol gehiago lortu zituen, 189 aurreneko zatian eta 195 bigarrenean. Hau da, Bera Beraren golen %53a atsedena igarota iritzi ziren.
Partidako 29,72 gol alde
Bera Berak bataz beste partidako 29,27 gol sartu ditu, Bidebieta - 402 gol– ia 31 eta etxetik kanpo, aldiz, -359 gol- partidako 27,62 gol, alegia.
Porriño (17 gol) eta Castro (18) taldeei gol gehien sartu dizkie Bera Berak lehenengo itzulian zati batean eta Kukullaga (18) eta Elcheri (19) bigarrenenan.
Aldiz, zortzi gol besterik ez zituen lortu Elxen (atsedenaldian, 15-8), Murtzian (5-8, atsedenaldian) eta bederatzi Sagunton (9-9), hau da, guztiak etxetik kanpo. Bera Berak lehenengo partida galdu zuen baina bigarren zati bikainari esker hurrengo biak irabaztea lortu zuen.
Bera Berak Kukullaga eta Gijón taldeei 72 gol sartu zizkien, Porriño eta Ro’casari (63 gol) eta BM Alcobendasi (62), aitzitik baxuena, 49 gol Mar Alicanteri sartu zizkionak.
Partidako 21,81 gol aurka
Bestalde, Bera Berak 567 gol jaso ditu, partidako 21,81. Donostiarrek 23 gol gehiago hartu dituzte bigarren itzulian eta %51,15a lehenenego zatian izan dira.
Itxako izan da Bera Berari gol gehien sartu dion taldea, 54. Ondoren, 50 gol banarekin Cleba León eta BM Alcobendas agertzen dira. Aitzitik, Porriño (32 gol), Murtzia eta Gijón -33 – gol gutxien lortu dituzte.
Datuei erreparaturik, antzematen da partida joan ahala Bera Berak areriorekiko aldea zabaldu egin du hilabete honetan amaitu den denboraldian.
Kroaziaren aurka galdu arren, Espainiako emakumeen eskubaloi selekzioak hirugarren aldiz Joku Olinpikoetan parte hartzeko eskubidea eskuratu du eta, ondorioz, Bera Berako jokalari Eli Pinedo, Bea Fernández eta Patricia Elorza Londres’12ari begira jarri dira.
Asteburu honetan Guadalajaran burutu den txapelketa uste baino lehiatua izan da. Aurreneko egunean Holandak Kroazia gol batez gainditu zuen Joku Olinpikoetan egon nahi zuela adieraziz. Espainiak Argentinari aise irabazi zion, partida erabakigarriena larunbatera aurreratu zelarik. Holandak ez zituen gauzak erraztu Jorge Dueñasen selekzioari, Nely Carla donostiarrak ardura hartu zuen arte taldea Londresetik oso gertu kokatuz.
Kroaziak partida irabazi behar zuen eta soilik zazpi goleko porrota batek kanporatzen zuen Espainia. Halere, hamar minutu baino gutxiago falta zirela balkaniarrek bost goleko aldea lortu zuten. Espainiak egoera gainditu zuen eta Londreseko txartela atera zuen.
Bi jokalari kanpoan utzi behar dituenez Jorge Dueñasen azken zerrendaren zain geldituko dira Bera Berako jokalariak, nahiz eta Londresen izateko aukera handiak izan. Eli Pinedorekin ez dago duda izpirik, Mundialean egon ez arren Bea Fernandezek –Frantzian jokatuko du datorren denboraldian- Guadalajaran minutuak izan ditu eta Bera Berako aurreneko fitxaketa Patricia Elorza Jorge Dueñasen azkeneko deialdian sartu da.
Eurokopa
Oraindik ezin dute atsedenik hartu, izan ere, Espainiako selekzioak 2012ko Eurokopako sailkapena berresteko garaipen bakarra behar du. Bihar Islandiara egingo du bidaia asteazkenean jokatzeko eta larunbateak Suiza hartuko du Guadalajaran.
Bihartik aurrera Guadalajaran uda honetan Londreseko Joku Olinpikoetan aritzeko bi txartela banatu dira Espainia, Holanda, Kroazia eta Argentina artean.
Lehia horretan izango dira Eli Pinedo eta Bea Fernández eta, Patricia Elorza gasteiztarra ere bai, Bera Berak datorren denboraldiari begira fitxatu berri duen jokalaria. Hirurak sailkapena dute helburu eta, horren ostean, Joku Olinpikoetako Jorge Dueñas prestatzailearen azken zerrendan.
Horrela, bihar eguardiko 1etan Espainiak Argentina hartuko du, teorian Antonenlla Mena Bera Berako jokalari ohia aritzen den selekzioa ahulena.
Larunbatean, ordu berean, Holanda izango da arerioa eta igandean 12,30etan Kroaziaren aurka jokatuko du, arerio gogorrena, hain zuzen.
Atsedena hartu aurretik, Espainiako selekzioak Eurokopan izateko eskubidea bermatu behar du. Horrela, Islandian maiatzaren 30ean jokatuko du 19,30etan eta ekainaren 2an Guadalajaran Suizaren aurka arratsaldeko 6etan.
Bera Bera Eskubaloiak bi jokalari berri fitxatu ditu datorren denboraldiari begira, María Núñez pibote kanariarra eta ezker hegala, Adriana Cardoso.
Bi Jokalari hauek urdinez eta naranjaz jantziko dira datozen bi denboraldietan, Eli Pinedo, Darly Zoqbi, Alba Menéndez eta Yamiley Rodríguezek bezala.
María Núñez Las Palmasen jaio zen 1988ko azaraoan. 1,73 zm. neurtzen ditu eta Mar Alicantetik dator, 17 urterekin iritsi zen taldera. Las Remudaseko harrobitik, BM Ro’casan egin zuen debuta ohorezko mailan.
Alacanten egindako ibilibideaz azpimarragarrienta da 2010eko Leonen Itxakoren aurka jokatu zuen Kopako finala. Horrez gain, hiru gol sartu zituen iaz Rekopako finalean Hungariako FTC-Rail Cargo taldearen aurka eta aurtengo denboraldian Bera Bera aritu den lehiaketa berean, EHF Cupen, alegia, finalerdietan Zalau talde errumarriarren aurka galdu zuen Mar Alicantek.
“Bera Bera goian egongo da”
María Núñezek onartu du Tati Garmendiaren deiak “oso albiste ona izan zen”. Alacanten sei urte igaro ondoren, “aldaketak beldur pixka bat ematen du baina kirol arloari erreperaturik oso interesgarria da Bera Bera ligan goian egongo delako eta Champions jokatuko du” adierazi du kanariarrak.
Yamiley herritarrarekin bat egingo du Mariak. “Bai, berarekin eta Dararekin hitz egin nuen eta biek urratsa ematera animatu ninduten”.
Cardoso, Danimarkan txapeldun
Bestetik, Adriana Cardoso de Castro brasildarra 1990eko urrian jaio zen. Danimarkako liga Viborg taldearen etxean irabazi berri duen Randersen aritu da aurten.
Europako aurreneko urte honetan, hegal ezkertiarrak Champions League ezagutu du. Multzoen fasean egon ahal izateko, Randersek kanporaketa bat irabazi behar izan zuen –Bera Berak egin beharko duen bezala- hasteko holandako MizuWaAi Dalfsen taldea menperatuz eta finalean Suediako Sävehof taldeari irabaziz. Eskuin hegalak bost gol sartu zituen partida hauetan.
Gol Average delakoak Championsetik kanpo utzi zuen Randers baina azpimarragarriena da finalean izan den Hungariako Györi talderi 29-23 irabazi ziola eta Cardosok bost gol sartu zituela partida horretan. Rekopan Errusiako Zvezda Zvenigorod taldeak kanporatu zituen daniarrak Europatik.
2007az geroztik Adriana Cardoso Brasilgo junior mailako selekzioetan aritu da eta hiru aldiz deitu du Brasilgo lehen taldeak, azkena, pasa den apirilean.
“Eskarmentua duten gazteak”
Tati Garmendiaren ustez, Núñez eta Cardoso “gazteak izan arren, eskarmentua dute eta etorkizun handiko jokalariak dira”.
María Núñezen “defentsa” azpimaratu du Tatik eta Adriana Cardososen “abiadura eta hegaletik jaurtitzeko era ezberdinak”.
Errefortzu hauek Patricia Elorzarekin bat egingo dute Bera Beran, orain, beste pibote bat eta kanpoko jokalariak dira lehentasunak.
Hiru partida jokatu dituzte asteburu honetan Bera Berako harrobiko taldeek. Egia Bera Bera senior taldeak 32-25 galdu zuen Tecnifuelle Elgoibaren aurka, Gipuzkoako kopa gertu daukan taldearen aurrean, alegia.
Garaipenak Oñatitik eta Errenteriatik iritsi ziren. Bera Bera Egia kadete 2 taldeak 10-13 irabazi zion Aloña Mendiri eta jubenilak 11-30 nagusitu ziren Ereintza Aguaplasten aurrean Beraunen.
