15 Iraila 2012

Bera Bera Eskubaloiak gaur arratsaldean Bidebietan ligako bigarren garaipena eskuratu du (31-21) Itxakoren aurrean joku traketsa egin arren. Superkopan aise menperatu zuen arerioa ia zortzi urte eta gero gainditzea lortu dute donostiarrek. Bera Bera oso fin hasi zen erasoan. Ia jaurtiketa guztiak golak ziren aurreneko minutuetan eta horrela markagailuak 4-1 eta 5-2 adierazten zuen. Hortik aurrera Bera Bera lasaitu omen da. Itxako, Jimenezen bitartez eta, ondore, Vero do Carnorekin gerturatu ziren 9-7. Reyes Carrerek defentsa aldatu zuen. Eider Rubio eta beranduago Eli Pinedo aurrean jarri zituen. Bera Bera intentsitatez aritu zen defentsan baina erasoan baloiak galdu zituen. Horrela, atsedenaldian 14-10. Bigarren zatian, partida ez da gehiegi aldatu. Bi taldeen akatsen erruz markagailuan aldea ez da zabaldu. Itxakok lau goletara jarraitzen zuen 44. minutuan, halere Ederra eta Pinedoren golei esker partida bertan erabakita gelditu da. Hortik aurrera, Itxakok hiru gol besterik ez ditu lortu. Bera Bera 6-0 defentsara itzuli da eta partida itzali egin da. Lehenengo jardunaldian gol batek lidergoa eman zion Bera Berari, gaur Alcobendasek eta Elchek aurrera hartu diete donostiarrei. Asteartean hurrengo partida. Bera Berak Kukullaga hartuko du 19,30etan, irailaren 22 eta 23an Champions Leagueri ekingo dio eta. Bera Bera 31, Itxako 21 Bera Bera 31 (14+17): Zoqbi, Altuna (2), Rubio (5, 2p), Dunay (1), Ederra (5), Elorza (3) y Ziarsolo (2) –titularra- Pinedo (5), Menéndez (1), Cuña (5, 1p), Castro (1) eta Núñez (1). Asfi Itxako Navarra 21 (10+11): Serrano, Badea (2), Alina (4), Sifuenes (1), Barrios (4), Vera do Carno (5), Lidia Jiménez (4, 1p) –titularra- Arrechea, Saray Urdiain, Maestro (p.s.) Tornero eta Flores (1). Epaileak: Efén Muñoz eta Julio Posada (Madrid) Kanporatuak: Castro, Menédez, Cuña eta Ederra Bera Beratik, Alina, Barrios, Do Carno eta Badea Itxakotik. Partzialak: 4-1,6-3, 8-5, 10-7, 12-8,14-10 –atsedenaldia- 18-13, 21-16, 24-18, 27-20, 29-21 eta 31-21.

14 Iraila 2012

Bera Bera Eskubaloiak debuta egingo du ligan Bidebietan bihar 19etan. Asfi Itxako izango du aurrean, duela 15 egun, leku berean Superkopan gainditu zuen taldea. Halere, biharko partida ezberdina izango da, titulorik jokuan ez dagoelako eta, bestetik, nafarrek maila hobea emango dutelako. Bera Bera faborito gisa agertuko da eta etxean lehenengo puntuak eskuratu nahi ditu. Lehenengo jardunaldina, donostiarrek 22-32 irabazi zuten Porriñon eta Lizarrerein Itxakok 24-33 galdu zuen Helvetia Alcobendasen aurrean. Gol bati esker donostiarrak kokatu dira lidergoan. Horrez gain, Reyes Carrerek plantilla osoa du prest, zortzi egunetan lau partida jokatu behar dituzten jokalariak. Irailaren 22 eta 23an Viborgen ospatuko den Champions Leagueko kanporaketak emakumeen eskubaloiko ligako hirugarren jardunaldia aurreratu du. Hori dela eta, Bera Berak ligako bi partida jokatuko ditu lau egunetan, biharkoa eta irailaren 18an, asteartea, Kukullaga Etxebarri hartuko baitu Bidebietan 19,30etan. Ondoren, ostiralean iritsiko da Bera Bera Danimarkara, larunbatean 16etan Poloniako txapeldun Vista Laczpol Gdynia izango du aurrean eta emaitzaren arabera, helburu anitz jokoan, igandean Viborg HK edo Suitzako Brühl.

13 Iraila 2012

Kukullaga taldeak antolaturik, Euskal Ligan arituko diren Bera Bera Egia kadete eta jubenil mailako taldeek eta senior mailako Egia Bera Berak laguntarteko bana jokatu dituzte etzi arratsaldean Etxebarrin. Jardunaldia arratsaldeko 3etan irekiko da kadete mailako partidarekin. Iaz bezala Bera Bera Egia kadete taldea Verónica Valverderen zeregina izango da. Ondoren, 16,15etan jubenilen txanda izango da, aurten Tati Garmendiak gidatuko duen taldea eta, azkenik, 17,30etan hasiko da, Mauge Gezalak zuzenduko duen Egia Bera Beraren norgehiagoka. Iaz mailaz igotzea lortu zuten talde hauek irailaren 29an hasiko dira lehiatzen. Senior mailako Egia Bera Berak Ereintzaren aurka egingo du debuta Errenterian, kadete eta jubenilak, berriz Bidebietan Elgoibarren aurka.

13 Iraila 2012

Bera Bera Eskubaloiak Gipuzkoako zalegoari emakumeen eskubaloiaz gozateko planteatu du osatu duen bideo batean. Jokalarien irudiak medio, kirol modalitate honek eskaintzen duen ikuskizuna zabaltzen saiatzen da eta publikoari Bidebietako bazkide izateko deia luzatu dio.

Salneurriak

65 euroen truke, helduek ligako 13 partidak ikusteko aukera izango dute –hurrengoak, larunbatean Itxakoren aurka eta asteartean Kukullagaren aurrean-. Europako partidak ere ikusgai izango dira, Champions Leagueko multzon fasea jokatu ezik, kasu honetan sarreraren erdia ordainduko lukete.

Bestetik, gazteek eta jubilatuek 32,5 euros ordainduko dituzte, peñako kideek 12 euro eta Bera Berako jokalarien senideei zuzenduta salneurri bereziak daude. Gertutik bizi!