29 Iraila 2012

Partida irabazteko azkeneko erasoa izan arren, Bera Bera Eskubaloiak puntu bakarra eskuratu du gaur Mecalia Atlético Guardés taldearen aurka, berdinketak nagusi izan diren norgehiagokan. Erasoan falta adierazi diote Patri Elorzari eta, ondorioz, Bera Berak ezin izan du jaurtiketarik egin partida irabazi ahal izateko. Hamar egun eta gero Bera Bera ligara itzuli da Championseko kanporaketa bizi ostean, Mecaliak berriz Porriño gainditu zuen ohorezko mailan jokatzen zen galiziarren arteko aurreneko derbia. Horrela, galiziarrak aurretik jarri dit (7. Min , 5-3) eta Bera Berak Matxalen Ziarsolo kapitaina galdu du lesionaturik. Donostiarrek hamar minutuen faltan berdinketa lortu dute (8-8) defentsa estutu dutenean. Berdinketa atsedenaldirarte mantendu da (10-10). Bigarren zatian, Bera Berak arnasa hartu du (40. Min 14-17) baina zazpi minutuetan galiziarrek buelta eman diote partidari (47. Min 19-18). Mecaliak abantaila kudeatzen jakin izan du ondoren (55 min. 23-21 eta 56. Min 24-23) eta bi partida amaitzeko bi minutu falta zirela Bera Berak berdinketa lortu du (24-24). Eider Rubio (8 gol) eta Eli Pinedo (11 gol) jokalariek donostiarren %76ko golak eskuratu dituzte, Bera Bera bizirik mantenduz. Azkenenan ez zuen erasoa gauzatzeko aukerarik izan, puntu bat utzi du A Guardan eta lidergoa, izan ere Alcobendasek eta Rocasak garaipenak eskuratu dituzte Zuazo eta Valentziaren aurrean. Fitxa Mecalia Guardés 25 – Bera Bera 25 Mecalia Atlético Guardés: 25 (10+15): Makarenko, Amorós (3), Morais, Abad, Savic (5), Andrea Dapena (2), Alba Dapena (7), Dorado, Kurchankova (5), Andrea Simon (2), Ana Isabel Cerqueira (1), Ramos, Barbara Cerqueira, Lorenzo (o.a.) Bera Bera 25 (10+15): Zoqbi, Altuna (2), Cuña, Menéndez (2), Elorza (1), Ederra eta Ziarsolo –titularra- Rubio (8), Núñez (1), Pinedo (11) Castro eta Dunay. Epaileak: Jorge Escudero eta Jesús Escudero (Kantabria) Kanporatuak: Ana Isabel Cerqueira, Amorós, Andrea Dapena Guardésetik eta Menéndez, Elorza (2) eta Núñez Bera Beratik. Partzialak: 4-2, 6-3, 7-6, 8-7, 9-9, 10-10 –atsedenaldian- 11-13, 14-16, 17-18, 20-20, 23-21 eta 25-25.

28 Iraila 2012

Championsetik, ligara. Hiru egun igaro Bera Bera Eskubaloia Jacintok gidatzen duen David Autobusetik jaitsi zenetik eta berriro barruan daude Pontevedra helburu, A Guarda herria, hain zuzen. Championesko multzoen faseran aritzeko kanporaketa burutu ostean ligara itzuliko da. Hamaika egun pasatu dira Kukullaga gainditu zuenetik eta Bera Berak bihar 18etan Mecalia Atlético Guardés izango du aurrean. Ohorezko mailara igo berri arren, galiziarrek eskarmentua duen jendea fitxatu zuen: Vanesa Amorós, Makarenko atezaina edo Kurchankova laterala. Olinpikoa lesionaturik egon arren, Mecalia Atlético Guardések Porriñori irabazi zion etxetik kanpo Galizako aurreneko derbian. Horrez gain, aurreneko jardunaldian Rocasari asko kostatu zitzaion Guardés gainditzea eta Castro Urdialesi nagusitu zitzaionez, ondorioz, bi garaipen eta porrota bakarrarekin sailkapenen erdian daude galiziarrak. Horrela, adi egon beharko dira donostiarrak eta Danijela Savic eta Alba Dapena bezalako jokalariak ere zaindu. Hiru egun izan ditu Bera Berak Championsa ahazteko eta burua ligan jartzeko, aurtengo helburu nagusia, alegia. Donostiarrek iraila mamitsua itxiko dute bihar, izan ere, Superkoparekin ireki zen hilabetea, ondorez, ligan Porriñon irabazi zuen Bera Berak eta Bidebietan lau puntu eskuratu zituen Viborgera joan aurretik. Lau talde lidergoan Donostiarrekin batera, Helvetia Alcobendas, Rocasa eta Valencia dira jokoan ziren sei puntuak eskuratu dituzten talde bakarrak. Kanariarrek Elche-Mustang gainditu zuten eta golen aldea lidergoa eman zion Bera Berari. Jardunaldi honetan azpimarragarriena da Valencia Aicequip eta BM Rocasaren arteko lehia. Arazo txiki batzu izan ezik, Reyes Carrere entrenatzaileak plantilla osoa prest du. Bera Bera 9,15etan irten da Bidebietatik, Benaventen bazkaldu ostean, espero dute 20etan iristea eta bihar goizean saio arin bat betetzea. Hurrengo asteburuan ligarik ez dagoenez Adriana Doce Castro eta Nitsan Dunayk Galizatik irtengo dira Brasilera eta Israelera arazo burokratikoak konpotze aldera. Liga urriaren 13an itzuliko da, Bera Berak Mar Alicante hartuko du eta ondoren hilabete garrantzitsuari ekingo dio, etorkizuna finkatzenko, izan ere, donostiarrek Elx, Alcobendas eta Leon bezalako plaza zailak bisitatuko dituzte, Valencia eta Castelldefels izango dira etxean eta Errekopako hirugarren txandako kanporaketa ospatuko da azaroaren 10 eta 17an Errumaniako Danubius Galati taldearen aurka.

27 Iraila 2012

Senior, jubenil eta kadete nagusiena asteburu honetan egingo dute debuta 2012-13ko denboraldian. Hiru taldeak iaz baino maila bat gorago daude, ondorioz, zailago izango dute. Iaz lortu ziren igoerari esker senior mailako Egia Bera Berak C.D.B. Leizaran, Urnieta London School, Ereintza, Aiala A ZKE, Tecnifuelle Elgoibar, Asador Basusta Pulpo K.E. eta Aloña Mendi K.E. izango ditu aurkari. Aurreneko partida Errenteriako udal kiroldegian izango du igandean 11,30etan Ereintzaren aurka, urriko lehenengo asteburuan Egian CDB Leizaran hartuko du. Bidebieta Bera Bera Egia jubenil eta kadeten Bidebietan egingo dute debuta Euskal ligan. Elgoibar, Ermua, Zumaia, Zarautz, Oñati, Etxebarri eta Barakaldoko taldearen aurka arituko dira donostiarrak. Horrela, jubenil taldeak Lauko Elgoibar hartuko dute larunbatean Bidebietan eta ostean Errotabarri, Galdona Burdindegia Pulpo K.E., Aiala Zarautz K.E., Aloña Mendi K.E., Autobuses Juantxu Kukullaga eta Zuazo. Bera Bera Egia kadete taldeak, bestalde, Casa Astigarraga Elgoibar izango du aurrean larubatean 17,45etan eta, era berean, izango ditu honako aurkari: Errotabarri, Talai-Pe Jatetxea Pulpo, Aiala Zarautz, Aloña Mendi, Autobuses Juantxo Kukullaga eta Zuazo. Bestetik, Bera Bera Egia kadete 2 taldeak Gipuzkoako txapelketari ekingo dio urriko aurreneko asteburuan Errenterian Ereintza Beissier taldearen aurka. Era berean, Bera Berak infantil mailalo bi talde aterako ditu eta, irailean froga egin ostean, urriaren 1ean eskola martxan jarriko da astelehenero 18,30etan.

24 Iraila 2012

Championseko kanporaketa honetan bizitakoaren inguruan mintzatu gara Bera Berako kapitain Matxalen Ziarsolorekin. Larunbatean Poloniako txapeldunaren aurka jasotako porrotak min egin zuen. Atzo, aldiz, ondo jokatuz, aise gainditu zuten LC Brühl suizar taldea eta, ondorioz, Errekopako hirugarren txandan sartuko dira donostiarrak.

Matxalenek "sensazio desberdinak ditugu" onartu du. "Larunbatean askoz hobeto aritzea espero genuen eta oso gogorra da bederatzi golez galtzea, lur jota utzi gintuen". Hala eta guztiz ere, pozik zegoen "Brühlen aurka ondo erreakzionatu genuelako eta etxera hobeto goaz azkeneko partida irabazita".

Matxalenen arabera "poloniarrak oso indartsu ziren, Viborg bera ere estu jarri zuten eta ia partida irabazi zuten", halere partida txarra egin arren Bera Berak larunbatean aukerak izan zituen partidan sartzeko.

Halere, Bera Bera gustora dago eta kapitainak gauzak diren bezala ikusten ditu. "Helburu garbi bakarra gutxienez hirugarrenak gelditzea zen. Pena da Championseko multzoen fasean ez pasatzea baina pozik gaude Errekopam arituko garelako, oso lehiaketa polita da eta egun gure taldearentzat egokiago" azpimarratu du Ziarsolok.

2008an Errekopako finalerdietaraino iritsi zen Bera Bera; aurten azaroaren 10ean egingo du debuta etxean Danubius Galati taldearen aurka, itzuliko partida azaroaren 17an izango da.

Champions bezalako lehiaketan debuta egitea "gustokoa izan da guretzat" dio kanpitainak. "Viborgen pistan jokatzea asko gustatu zaigu, inbidiaz bizi dugu hau guztia, hemen giroa dagoelako, jendeak eskubaloia bizi duelako, gozatzen du eta nahiago genuke han ere horrela izatea baina kulturalki oso errotua dago kirol hau hemen".

Bidaia ostean "ligari heldu behar diogu berriro, Galizan Mecalia izango baitugu aurrez aurre larunbatean".